ଯାତ୍ରୀଭଡ଼ାରୁ ରେଳବାଇର ରାଜସ୍ୱ ଆୟରେ ୭୬ ପ୍ରତିଶତ ବୃଦ୍ଧି
ନୂଆଦିଲ୍ଲୀ: ଏପ୍ରିଲରୁ ନଭେମ୍ବର ୨୦୨୨ ମଧ୍ୟରେ ଭାରତୀୟ ରେଳବାଇର ସମୁଦାୟ ଆନୁମାନିକ ଆୟ ଗତବର୍ଷ ଏହି ସମୟ ତୁଳନାରେ ୭୬ ପ୍ରତିଶତ ବୃଦ୍ଧି ପାଇ ୪୩,୩୨୪ କୋଟି ଟଙ୍କା ହୋଇଛି। ଏହି ସମୟରେ ସଂରକ୍ଷିତ ଶ୍ରେଣୀରେ ୫୦ ପ୍ରତିଶତ ଓ ଅସଂରକ୍ଷିତ ଶ୍ରେଣୀରେ ୪୨୨ ପ୍ରତିଶତ ବୃଦ୍ଧି ପାଇଥିଲା। ଗତବର୍ଷ ଏହି ସମୟ ମଧ୍ୟରେ ରେଳବାଇର ଆୟ ୨୪,୬୩୧ କୋଟି ଟଙ୍କା ଥିଲା।
ସଂରକ୍ଷିତ ଯାତ୍ରୀ ବିଭାଗରେ, ୧ ଏପ୍ରିଲରୁ ୩୦ ନଭେମ୍ବର ୨୦୨୨ ମଧ୍ୟରେ ଯାତ୍ରା କରିଥିବା ମୋଟ ଯାତ୍ରୀଙ୍କ ଆନୁମାନିକ ସଂଖ୍ୟା ହେଉଛି ୫୩୬୫ ଲକ୍ଷ ଥିଲା, ଯାହା ଗତ ବର୍ଷ ସମାନ ସମୟ ମଧ୍ୟରେ ୪୮୬୦ ଲକ୍ଷ ତୁଳନାରେ ୧୦% ବୃଦ୍ଧି ଘଟିଛି । ୧ ଏପ୍ରିଲରୁ ୩୦ ନଭେମ୍ବର ୨୦୨୨ ମଧ୍ୟରେ ସଂରକ୍ଷିତ ଯାତ୍ରୀ ବିଭାଗରୁ ଉତ୍ପାଦିତ ରାଜସ୍ୱ ହେଉଛି ୩୪୩୦୩ କୋଟି ଯାହା ଗତ ବର୍ଷ ସମାନ ଅବଧିରେ ୨୨୯୦୪ କୋଟି ତୁଳନାରେ ୫୦% ବୃଦ୍ଧି ଘଟିଛି ।
ସଂରକ୍ଷିତ ଯାତ୍ରୀ ବିଭାଗରେ, ପ୍ରଥମ ଏପ୍ରିଲରୁ ୩୦ ନଭେମ୍ବର ୨୦୨୨ ମଧ୍ୟରେ ଯାତ୍ରା କରିଥିବା ମୋଟ ଯାତ୍ରୀଙ୍କ ଆନୁମାନିକ ସଂଖ୍ୟା ହେଉଛି ୩୫୨୭୩ ଲକ୍ଷ, ଯାହା ଗତ ବର୍ଷ ସମାନ ସମୟ ମଧ୍ୟରେ ୧୩୮୧୩ ଲକ୍ଷ ତୁଳନାରେ ୧୫୫% ବୃଦ୍ଧି ଘଟିଛି । ୧ ଏପ୍ରିଲରୁ ୩୦ ନଭେମ୍ବର ୨୦୨୨ ମଧ୍ୟରେ ସଂରକ୍ଷିତ ଯାତ୍ରୀ ବିଭାଗରୁ ଉତ୍ପାଦିତ ଆୟ ହେଉଛି ୯୦୨୧ କୋଟି ଟଙ୍କା ଯାହା ଗତ ବର୍ଷ ସମାନ ଅବଧିରେ ୧୭୨୮ କୋଟି ଟଙ୍କା ତୁଳନାରେ ୪୨୨% ବୃଦ୍ଧି ଘଟିଛି ।
