ପୋଖରୀରୁ ବାହାରିଲା ସୁନା ବିସ୍କୁଟ, ଗୋଟିଏ କିମ୍ବା ଦୁଇଟା ନୁହେଁ, ପୁଳା ସୁନା ବିସ୍କୁଟ, ମୂଲ୍ୟ ଏତିକି କୋଟି
କୋଲକାତା : ଏକ ପୋଖରୀରୁ ସୁନା ଜବତ ହୋଇଛି । କାହାର କାନର ବା ମୁଦି ଖସି ପଡିଥିବ ଆପଣ ଭାବୁଛନ୍ତି । କିନ୍ତୁ ସେଭଳି କିଛି ନୁହେଁ । ସୁନା ବିସ୍କୁଟ ଜବତ ହୋଇଛି । ସେ ପୁଣି ଗୋଟିଏ କି ଦୁଇଟି ନୁହେଁ, ପୁରା ଅଢେଇ କୋଟିରୁ ଅଧିକ ଟଙ୍କାର ସୁନା ବିସ୍କୁଟ୍ ଜବତ ହୋଇଛି ।
ପଶ୍ଚିମବଙ୍ଗର ନାଡିଆ ଜିଲ୍ଲାରେ କଲ୍ୟାଣ ସୀମା ପୋଷ୍ଟ ଅଞ୍ଚଳରେ ଥିବା ପୋଖରୀରୁ ୨.୫୭ କୋଟି ଟଙ୍କା ମୂଲ୍ୟର ସୁନା ବିସ୍କୁଟ ଉଦ୍ଧାର ହୋଇଛି। ବିଏସଏଫ ଅଧିକାରୀମାନେ ଏହି ସୂଚନା ପ୍ରଦାନ କରିଥିଲେ। ଅଧିକାରୀ କହିଛନ୍ତି ଯେ ନିର୍ଦ୍ଦିଷ୍ଟ ସୂଚନା ଆଧାରରେ ବିଏସଏଫର ଏକ ଟିମ୍ ସୁନା ଖୋଜିବା ପାଇଁ ସର୍ଚ୍ଚ ଅପରେସନ ଆରମ୍ଭ କରିଥିଲେ।
ବିଏସଏଫ ଏକ ବିବୃତ୍ତିରେ କହିଛି ଯେ ପୋଖରୀରେ ‘୪୦ ସୁନା ବିସ୍କୁଟ ମିଳିଥିଲା। ଜବତ ହୋଇଥିବା ସୁନାର ବଜାର ମୂଲ୍ୟ ପ୍ରାୟ ୨.୫୭ କୋଟି ଟଙ୍କା ରହିଛି। ବିବୃତ୍ତିରେ କୁହାଯାଇଛି ଯେ ଗୋଡାଇବା ପରେ କିଛି ମାସ ପୂର୍ବରୁ ଜଣେ ଚୋରା ଚାଲାଣକାରୀ ପୋଖରୀକୁ ଡେଇଁ ସୁନାକୁ ଲୁଚାଇ ରଖିଥିଲେ।
ବିଏସ୍ଏଫ୍ ବିବୃତ୍ତିରେ କୁହାଯାଇଛି, ‘ଯେତେବେଳେ ଆମେ ତାଙ୍କୁ ଧରିଥିଲୁ, ତାଙ୍କ ପାଖରେ କିଛି ମିଳିଲା ନାହିଁ । ତେଣୁ ତାକୁ ଛାଡିୁ ଦିଆଯାଇଥିଲା । ସେ ମଧ୍ୟ ଏହି ପୋଖରୀରୁ ସୁନା କାଢିବା ପାଇଁ ସୁଯୋଗର ଅପେକ୍ଷା କରିଥିଲା । ବିବୃତ୍ତିରେ କୁହାଯାଇଛି ଯେ ୨୦୨୨ ମସିହାରେ ବିଏସ୍ଏଫ୍ ଦକ୍ଷିଣ ବେଙ୍ଗାଲୁରୁ ସୀମାନ୍ତ ୧୧୩ କିଲୋଗ୍ରାମରୁ ଅଧିକ ସୁନା ଜବତ କରିଛି।
