ଦୁନିଆରେ ନାହାନ୍ତି, କିନ୍ତୁ ପେମେଣ୍ଟ କରିଛନ୍ତି ! ଅନେକ ସ୍ୱର୍ଗୀୟ ସେଲିବ୍ରେଟିଙ୍କ ଫେରିଛି ବ୍ଲୁ ଟିକ୍ …..
ନୂଆଦିଲ୍ଲୀ : ମାଇକ୍ରୋବ୍ଲଗିଂ ପ୍ଲାଟଫର୍ମ କମ୍ପାନୀ ଟ୍ୱିଟର ବ୍ଲୁ ଟିକ୍ ସବସ୍କ୍ରିପସନ୍ କୁ ପୁଣି ଏକ ଚର୍ଚ୍ଚା ସାମ୍ନାକୁ ଆସିଛି । କମ୍ପାନୀ ଅନେକ ସେଲିବ୍ରିଟିଙ୍କ ନୀଳ ଟିକ୍ ଫେରାଇ ଦେଇଛି। ବଡ କଥା ହେଉଛି ବ୍ଲୁ ଟିକ୍ ପାଇଁ ସେମାନେ ଦେୟ ଦେଇଛନ୍ତି ବୋଲି କମ୍ପାନୀ ଦାବି କରିଛି। ଏହି ସମୟରେ ଟ୍ୱିଟର ବ୍ଲୁ ଟିକ୍ସର କିଛି ଅଦ୍ଭୁତ ତଥା ଚକିତକର ଘଟଣା ସାମ୍ନାକୁ ଆସିଛି। କମ୍ପନୀ ଏଭଳି କିଛି ସେଲିବ୍ରେଟି ମାନଙ୍କର ବ୍ଲୁ ଟିକ୍ ଫେରାଇ ଦେଇଛି ଯେଉଁମାନେ ଦୁନିଆରେ ନାହିଁନ୍ତିି ।
ବର୍ତ୍ତମାନ ଏହିପରି ଅନେକ ଲୋକ ଟ୍ୱିଟରରେ ବ୍ଲୁ ଟିକ୍ ମାର୍କ ମଧ୍ୟ ପାଇଛନ୍ତି ଯେଉଁମାନେ ଏହି ଦୁନିଆକୁ ବିଦାୟ ଦେଇଛନ୍ତି। ଆଜ୍ଞା ହଁ, ଆଜି ଆମେ ଆପଣଙ୍କୁ ସେହି ତାରକାମାନଙ୍କ ବିଷୟରେ କହିବୁ ଯେଉଁମାନେ ଦୁନିଆରେ ନାହାଁନ୍ତି କିନ୍ତୁ ଟ୍ୱିଟର ସେମାନଙ୍କ ଆକାଉଣ୍ଟରେ ବ୍ଲୁ ଟିକ୍ ମାର୍କ ଦେଖାଯାଉଛି । ଆସନ୍ତୁ ଜାଣିବା ଏହି ତାଲିକାରେ କିଏ ଅଛନ୍ତି ..
ଇରଫାନ ଖାନ, ଲତା ମଙ୍ଗେଶକର, ସୁଶାନ୍ତ ସିଂ ରାଜପୁତ ଓ ସିଦ୍ଧାର୍ଥ ଶୁକ୍ଲା ଏମାନଙ୍କ ଆକାଉଣ୍ଟରେ ବ୍ଲୁ ଟିକ୍ ଦେଖିବାକୁ ମିଳିଛି । କିନ୍ତୁ ଏହା କିପରି ସମ୍ଭବ ତାହାକୁ ନେଇ ପ୍ରଶ୍ନ ଉଠିଛି ।
ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଟ୍ୱିଟର ଆକାଉଣ୍ଟରୁ ବ୍ଲୁ ଟିକ୍ ହଟାଯାଇଥିଲା, କିନ୍ତୁ ବର୍ତ୍ତମାନ ଏହା ଦେଖିବାକୁ ମିଳିଛି । ବର୍ତ୍ତମାନ ସମସ୍ତେ ଆଶ୍ଚର୍ୟ୍ୟ ହେଉଛନ୍ତି ଯେ ସେ ଏହି ଦୁନିଆରେ ନାହାଁନ୍ତି, କିନ୍ତୁ ତାଙ୍କ ବ୍ଲୁ ଟିକ୍ କିପରି ଫେରସ୍ତ ହେଲା । ସୋସିଆଲ ମିଡିଆ ବ୍ୟବହାରକାରୀମାନେ ବିଶ୍ୱାସ କରନ୍ତି ଯେ ଅଭିନେତାଙ୍କ ଭଉଣୀ ତାଙ୍କ ଆକାଉଣ୍ଟ ଚଳାଉଛନ୍ତି, ତେଣୁ ସେ ନିଶ୍ଚିତ ଭାବରେ ସେ ପେମେଣ୍ଟ କରିଥିବେ । ଅଭିନେତା ସୁଶାନ୍ତ ସିଂ ରାଜପୁତଙ୍କର ୨୦୨୦ ଜୁନ୍ ମାସରେ ଦେହାନ୍ତ ହୋଇଥିଲା ।
ବିଗ୍ ବସ୍ ୧୩ ବିଜେତା ସିଦ୍ଧାର୍ଥ ଶୁକ୍ଲାଙ୍କ ୨ ସେପ୍ଟେମ୍ବର ୨୦୨୧ ରେ ଦେହାନ୍ତ ହୋଇଥିଲା। ଏଭଳି ପରିସ୍ଥିତିରେ ତାଙ୍କ ପରିବାର ସଦସ୍ୟ ତାଙ୍କ ଆକାଉଣ୍ଟ ଚଳାଉଛନ୍ତି ବୋଲି ବିଶ୍ୱାସ କରାଯାଏ ଏବଂ ସେମାନେ ଏହାକୁ ପେମେଣ୍ଟ କରି ବ୍ଲୁ ଟିକ୍ କିଣିଛନ୍ତି ବୋଲି ଅନୁମାନ କରାଯାଉଛି । ଯାହାଫଳରେ ସିଦ୍ଧାର୍ଥ ଶୁକ୍ଲା ପ୍ରଶଂସକଙ୍କ ସ୍ମୃତିରେ ସର୍ବଦା ଜୀବନ୍ତ ରହିବେ ।
ଏହା ବ୍ୟତୀତ ଋଷି କପୁର, ଲତା ମଙ୍ଗେଶକର, ଇରଫାନ ଖାନ ଏବଂ ମାଇକେଲ ଜ୍ୟାକସନଙ୍କ ପରି ସମସ୍ତ ବଡ ସେଲିବ୍ରେଟିଙ୍କ ଟ୍ୱିଟରରେ ବ୍ଲୁ ଟିକ୍ ଫେରି ଆସିଛି ।
