ସାଉଥ୍ ଅଭିନେତା ଓ ନିର୍ଦ୍ଦେଶକ ମନୋବାଲାଙ୍କ ପରଲୋକ
ନୂଆଦିଲ୍ଲୀ: ମନୋରଞ୍ଜନଧର୍ମୀ ଦୁନିଆରୁ ଆସିଛି ଏକ ଦୁଃଖ ଖବର । ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ଜଣାଶୁଣା ଅଭିନେତା-ନିର୍ଦ୍ଦେଶକ ମନୋବାଲାଙ୍କ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୬୯ ବର୍ଷ ବୟସ ହୋଇଥିଲା । ତାଙ୍କ ମୃତ୍ୟୁରେ ଅଭିନେତା ରଜନୀକାନ୍ତ, କମଲ ହାସନ, ପ୍ରଭୁଦେବା, ବିଜୟ ସେଥୁପତିଙ୍କ ସହିତ ଚଳଚ୍ଚିତ୍ର ଜଗତ ସହିତ ସମ୍ପୃକ୍ତ ବହୁ କଳାକାର ଶୋକବ୍ୟକ୍ତ କରିଛନ୍ତି । ପାନକ୍ରିଏଟିକ ସମସ୍ୟା କାରଣରୁ ସେ ଗତ ଗତ କିଛିଦିନ ଧରି ମେଡିକାଲରେ ଚିକିତ୍ସିତ ହେଉଥିଲେ ବୋଲି ଜଣାପଡ଼ିଛି ।
ମନୋବାଲା ଦକ୍ଷିଣ ଭାରତୀୟ ଫିଲ୍ମ ଦୁନିଆରେ ଜଣେ ଜଣାଶୁଣା ଆର୍ଟିଷ୍ଟ ଭାବେ ବେଶ୍ ପରିଚିତ ଥିଲେ । ସେ ଜଣେ କମେଡ଼ିଆନ, ନିର୍ଦ୍ଦେଶକ ଓ ପ୍ରଯୋଜକ ଥିଲେ । ସେ ତାମିଲ ଫିଲ୍ମ ଇଣ୍ଡଷ୍ଟ୍ରି ସହ ଦୀର୍ଘଦିନ ଧରି ଜଡ଼ିତ ରହିଥିଲେ । ତାଙ୍କର ମୃତ୍ୟୁ ପରେ ସୋସିଆଲ ମିଡ଼ିଆରେ ଫ୍ୟାନ୍ସ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରୁଛନ୍ତି । ମନୋବାଲା ତାଙ୍କର ସ୍ୱତନ୍ତ୍ର ଭଏସ୍ ଯାଦୁ ଓ ସେନ୍ସ ଅଫ୍ ହ୍ୟୁମର ମାଧ୍ୟମରେ ଦର୍ଶକଙ୍କୁ ବେଶ୍ ମନୋରଞ୍ଜନ କରିପାରୁଥିଲେ ।
ପ୍ରସିଦ୍ଧ ଫିଲ୍ମ ନିର୍ମାତା ଭାରଥିରାଜାଙ୍କ ସହଯୋଗୀ ଭାବେ ମନେବାଲା ନିଜର କ୍ୟାରିୟର ଆରମ୍ଭ କରିଥିଲେ । ସେ ପାଖାପାଖିରେ ୭୦୦ ଫିଲ୍ମରେ ଅଭିନୟ କରିବା ସହ ୪୦ଟି ଫିଲ୍ମରେ ନିର୍ଦ୍ଦେଶନା ଦେଇଥିଲେ । ସେହିପରି ଅଳ୍ପ କିଛି ଫିଲ୍ମ ସେ ପ୍ରଯୋଜନା କରିଥିଲେ । ଫିଲ୍ମ ‘ସେଥୁ’, ‘ପିଥାମଗନ’, ‘ଓରକାଭଲନ’, ‘କାଟ୍ରିନ ମୋଝି’ ଓ ‘ଚକ୍ର’ତାଙ୍କୁ ଦର୍ଶକଙ୍କ ଖୁବ୍ ନିକଟତତର କରାଇପାରିଥିଲା । ତାଙ୍କର ଶେଷ ଦର୍ଶନ ପାଇଁ ଚେନ୍ନାଇ ସ୍ଥିତ ତାଙ୍କ ବାସଭବନକୁ ମରଶରୀରକୁ ନିଆଯିବ ।
பிரபல இயக்குநரும், நடிகருமான, அருமை நண்பர் மனோபாலாவுடைய இறப்பு எனக்கு மிகவும் வேதனை அளிக்கிறது. அவருடைய குடும்பத்தினருக்கு என்னுடைய அனுதாபங்கள். அவரது ஆத்மா சாந்தியடையட்டும்.@manobalam
— Rajinikanth (@rajinikanth) May 3, 2023
இயக்குனர், நடிகர், தயாரிப்பாளர் என பன்முகம் கொண்ட இனிய நண்பர் மனோபாலா மறைந்த செய்தி பெரும் துயரத்தை அளிக்கிறது. சினிமாவின் ஆர்வலர் என்பதே அவரது முதன்மையான அடையாளமாக இருந்தது. அவரை இழந்து வாடும் குடும்பத்தாருக்கும், நண்பர்களுக்கும், அவரது ரசிகர்களுக்கும் எனது ஆறுதலைத்…
— Kamal Haasan (@ikamalhaasan) May 3, 2023
