ହାର୍ଦ୍ଦିକ ପାଣ୍ଡ୍ୟାଙ୍କୁ ଝଟକା; IPL ଅଧାରୁ ଫେରିଗଲେ ଗୁଜୁରାଟର ଷ୍ଟାର ଖେଳାଳି

ନୂଆଦିଲ୍ଲୀ: ଆଇପିଏଲ-୨୦୨୩ରେ ଦମଦାର ପ୍ରଦର୍ଶନ କରିଛି ହାର୍ଦ୍ଦିକଙ୍କ ନେତୃତ୍ୱାଧୀନ ଟିମ୍ ଗୁଜୁରାଟ ଟାଇଟନ୍ସ । ଦଳର ଅଧିକାଂଶ ଖେଳାଳି ଧୂଆଁଦାର ଫର୍ମରେ ଥିବା ବେଳେ ଏହାର ଫାଇଦା ପାଇଛନ୍ତି ହାର୍ଦ୍ଦିକ ପାଣ୍ଡ୍ୟା । ସର୍ବାଧିକ ପଏଣ୍ଟ ସହ ପଏଣ୍ଟ ଟେବୁଲର ଟପ୍ ରେ ରହିଛି ଗୁଜୁରାଟ । କିନ୍ତୁ ଲକ୍ଷେ୍ନø ସୁପର ଜିଆଣ୍ଟସ ବିପକ୍ଷ ମ୍ୟାଚ ପୂର୍ବରୁ ଦଳକୁ ଏକ ଶକ୍ତ ଝଟକା ଲାଗିଛି । ଗୁଜୁରାଟ ଟାଇଟନ୍ସର ଜଣେ ଷ୍ଟାର ଖେଳାଳି ବର୍ତ୍ତମାନ ଅଧାରୁ ଆଇପିଏଲ ଛାଡି ନିଜ ଦେଶକୁ ଫେରି ଯାଇଛନ୍ତି ।

ସୂଚନା ଅନୁସାରେ, ଗୁଜୁରାଟ ଟାଇଟନ୍ସର ସୁପରଷ୍ଟାର ଫାଷ୍ଟ ବୋଲର ଜୋସୁଆ ଲିଟିଲ ଦଳ ଛାଡି ବର୍ତ୍ତମାନ ନିଜ ଦେଶକୁ ଫେରିଛନ୍ତି । ରାଷ୍ଟ୍ରୀୟ ସେବା ପାଇଁ ରାଜସ୍ଥାନ ବିପକ୍ଷ ମ୍ୟାଚ ପରେ ଦେଶକୁ ଫେରିଯାଇଛନ୍ତି ଲିଟିଲ । ବାଂଲାଦେଶ ବିପକ୍ଷରେ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳିବା ପାଇଁ ନିଜ ଦେଶ ଅଭିମୁଖେ ବାହାରି ଯାଇଛନ୍ତି । ମେ’ ୯ ତାରିଖରେ ଆରମ୍ଭ ହେଉଥିବା ଏହି ସିରିଜରେ ଜୋସୁଆ ଲିଟିଲଙ୍କୁ ସ୍ଥାନ ପାଇଥିବାରୁ ଦେଶର ପ୍ରତିନିଧିତ୍ୱ କରିବା ପାଇଁ ଗୁଜୁରାଟ ଦଳକୁ ଅଧାରୁ ଛାଡିଛନ୍ତି । ତେବେ ଏଥିପାଇଁ ଗୁଜୁରାଟର ନିର୍ଦ୍ଦେଶକ ବିକ୍ରମ ସୋଲାଙ୍କୀ ତାଙ୍କୁ ଶୁଭେଚ୍ଛା ଜଣାଇଛନ୍ତି ।

ତେବେ ବାଂଲାଦେଶ ବିପକ୍ଷ ଦିନିକିଆ ସିରିଜ ଶେଷ ହେବା ପରେ ସେ ପୁଣି ମେ’ ୧୪ ତାରିଖରେ ଭାରତ ଫେରିବେ ଏବଂ ଆଇପିଏଲ ଫ୍ରାଞ୍ଚାଇଜି ସହ ଯୋଗ ଦେବେ ବୋଲି ଜାଣିବାକୁ ମିଳିଛି । ଜୋସୁଆ ଲିଟିଲ ପ୍ରଥମ ଥର ଆଇପିଏଲ ଖେଳୁଥିବା ବେଳେ ୮ଟି ମ୍ୟାଚରୁ ୬ଟି ୱିକେଟ ହାସଲ କରିଛନ୍ତି । ତେବେ