World Chess Day : ଜାଣିନିଅନ୍ତୁ ଏହାର ପାଳନ କିପରି ଆରମ୍ଭ ହେଲା ଏବଂ ଏହାର ମହତ୍ୱ ?

ନୂଆଦିଲ୍ଲୀ : ଚେସ ଖୈଳ ବହୁତ ଶାନ୍ତିରେ ଖେଳା ଯାଏ । ଏହି ଖେଳରେ ଖେଳାଳୀ ନିଜର ଉପସ୍ଥିତ ବୁଦ୍ଧି ପ୍ରୟୋଗ କରିଥାଏ । ଏହା ଏକ ମନୋରଞ୍ଜକର ଖେଳ ଅଟେ । ଚେସର ମହତ୍ୱ କହିବା ପାଇଁ, ପ୍ରତ୍ୟେକ ବଷ୍ର ଜୁଲାଇ ୨୦କୁ ଦୁନିଆ ସାରା ବିଶ୍ୱ ଚେସ ଦିବସ ରୂପେ ପାଳନ କରାଯାଏ । ପୂର୍ବରୁ ଏହି ଖେଳ ମନୋରଞ୍ଜନ ଏବଂ ରାଜାମାନଙ୍କର ଖେଳ ଥିଲା । କିନ୍ତୁ ବର୍ତ୍ତମାନ ତାହା ସମସ୍ତେ ଖେଳି ଥାନ୍ତି । ଏହାକୁ ଖେଳିବା ଦ୍ୱାରା ବୁଦ୍ଧି ତିକ୍ଷ୍ଣ ହୁଏ । ଆସନ୍ତୁ ଜାଣିବା ବିଶ୍ୱ ଚେସ ଦିବସର ଉତ୍ସବ କେବେ ଏବଂ କିପରି ଆରମ୍ଭ ହେଲା ଏବଂ ଏହାର ଉଦ୍ଦେଶ୍ୟ କ’ଣ?

ବିଶ୍ୱ ଚେସ ଦିବସର ଇତିହାସ : ୧୨ ଡିସେମ୍ବର ୨୦୧୯ ରେ ମିଳିତ ଜାତିସଂଘର ସାଧାରଣ ସଭା ବିଶ୍ୱ ଚେସ ଦିବସ ପାଳନ କରିବାକୁ ଘୋଷଣା କରିଥିଲା। ଜୁଲାଇ ୨୦ କୁ ଚେସ୍ ଡେ ଭାବରେ ମନୋନୀତ କରାଯାଇଥିଲା କାରଣ ଜୁଲାଇ ୨୦, ୧୯୨୪ ମସିହାରେ ପ୍ୟାରିସରେ ଆନ୍ତର୍ଜାତୀୟ ଚେସ ଫେଡେରେସନ୍ ପ୍ରତିଷ୍ଠା କରାଯାଇଥିଲା । ୧୮୫୧ ମସିହାରେ ଲଣ୍ଡନରେ ପ୍ରଥମ ଚେସ୍ ଡେ ଅନୁଷ୍ଠିତ ହୋଇଥିଲା, ଯାହାକୁ ଜର୍ମାନୀର ଆଡଲଫ୍ ଆଣ୍ଡର୍ସେନ୍ ଜିତିଥିଲେ । ବିଶ୍ୱାସ କରାଯାଏ ଯେ, ଚେସ ଖେଳ ପୂର୍ବରୁ “ଚାଟୁରୁଙ୍ଗା” ଭାବରେ ଜଣାଶୁଣା, ଯାହାର ଅର୍ଥ ଚାରୋଟି ଅଂଶ । କୁହାଯାଏ ଯେ ଚେସ ହେଉଛି ଏକ ଖେଳ ଯାହା ଚାରି ଜଣଙ୍କ ମଧ୍ୟରେ ଖେଳାଯାଇଥାଏ । ପ୍ରାୟ ୧୫୦୦ ବର୍ଷ ପୂର୍ବରୁ ଏହି ଖେଳର ଉତ୍ପତି ଭାରତରେ ହୋଇଥିଲା ।
ଚେସ ଦିବସର ମହତ୍ୱ : ଚେସ ଖେଳିବା ଦ୍ୱାରା ମଣିଷର ମାନସିକ ଦକ୍ଷତା ବିକାଶ ହୁଏ । ଚେସ ଖେଳ ଦୁଇ ଖେଳାଳିଙ୍କ ମଧ୍ୟରେ ଅନ୍ତର୍ଭୂକ୍ତତା ଏବଂ ସହନଶୀଳତା, ପାରସ୍ପରିକ ସମ୍ମାନ ଏବଂ ନ୍ୟାୟକୁ ପ୍ରୋତ୍ସାହିତ କରେ । ଏହାପୂର୍ବରୁ ଏହି ଖେଳ ରାଜକୀୟ ଗୃହରେ ଖେଳାଯାଉଥିଲା । ବୈଜ୍ଞାନିକ ଚିନ୍ତା ଏବଂ କଳାର ଉପାଦାନଗୁଡ଼ିକୁ ମିଶାଇ ଏହି ଖେଳ ହେଉଛି ପ୍ରାଚୀନ ବୈଦ୍ଧିକ ଏବଂ ସାଂସ୍କୃତିକ ଖେଳ ଅଟେ ।

ବିଶ୍ୱ ଚେସ ଦିବସର ଉଦ୍ଦେଶ୍ୟ : ଏହି ଦିନ ପାଳନ କରିବାର ଉଦ୍ଦେଶ୍ୟ ହେଉଛି ଆନ୍ତର୍ଜାତୀୟ ଚେସ ଫେଡେରେଶନକୁ ପ୍ରୋତ୍ସାହିତ କରିବା ଏବଂ ଲୋକଙ୍କୁ ଆନ୍ତର୍ଜାତୀୟ ଚେସ ଫେଡେରେଶନ ବିଷୟରେ ଅବଗତ କରାଇବା ।