କ୍ଷୀର ସହ ଫଳ ମିଶାଇ ଖାଇବା ଠିକ ନା ଭୁଲ ? ଆସନ୍ତୁ ଜାଣିବା
ଭୁବନେଶ୍ୱର : ଯେତେବେଳେ ଆପଣ ଫଳକୁ କ୍ଷୀର ସହ ମିଶାନ୍ତି ସେତେବେଳେ କିଛି କେମିଲାଲ ରିଆକ୍ସନ ହୋଇଥାଏ । ଏପରିସ୍ଥିତିରେ ଶରୀରରେ ସାଇଡ ଇଫେକ୍ଟସ ହେବାର ସମ୍ଭାବନା ରହିଥାଏ । ମିଳିଥିବା ଏକ ରିପୋର୍ଟ ଅନୁସାରେ ଫଳ ଏବଂ କ୍ଷୀର ସାଙ୍ଗରେ ମିଶାଇ ଖାଇବା ଉଚିତ ନୁହେଁ କାରଣ ଉଭୟ ହଜମ ହେବା ପାଇଁ ଅଲଗା ସମୟ ନେଇଥାଏ । ଫଳ ଏବଂ କ୍ଷୀରକୁ ଅଲଗା କରି ଖାଇହେବ କିନ୍ତୁ ଏହାକୁ ସାଙ୍ଗରେ ଖାଇବା ଦ୍ୱାରା ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ ଆସନ୍ତୁ ଜାଣିବା।
ଫଳ ଏବଂ କ୍ଷୀର ସାଙ୍ଗରେ ଖାଇବା ଦ୍ୱାରା ପେଟରେ ଗ୍ୟାସ, ପେଟ ଖରାପ ଏବଂ ପେଟ ଫୁଲିବା ଭଳି ସମସ୍ୟା ଦେଖାଯାଏ । ଆପଣଙ୍କୁ ଜଣାଇବାକୁ ଚାହିଁବୁ ଯେ, ଫଳ ପେଟରେ ଶୀଘ୍ର ହଜମ ହୋଇଥାଏ କିନ୍ତୁ କ୍ଷୀର ହଜମ ହେବାକୁ ସମୟ ନେଇଥାଏ । ଏହାକୁ ମିଶାଇ ଖାଇବା ଦ୍ୱାରା ପେଟରେ ଗ୍ୟାସ ଏବଂ ବ୍ଲୋଟିଙ୍ଗ ଭଳି ସମସ୍ୟା ହୋଇପାରେ । ଯେଉଁଥିପାଇଁ ଅନେକ ସମସ୍ୟା ଦେଖାଯାଏ ।
ଏହାକୁ ମିଶାଇ ଖାଇବା ଦ୍ୱାରା ପୋଷକ ତତ୍ୱ କମିଥାଏ । ଫଳରେ ନେଚୁରାଲ ଏସିଡ ଏବଂ ଏନ୍ଜାଇମ ହୋଇଥାଏ, ଯାହା କ୍ଷୀରରେ ଥିବା ପ୍ରୋଟିନ କ୍ୟାସିଇନକୁ ହଜମ କରିବାରେ ସମସ୍ୟା କରିବା ଆରମ୍ଭ କରେ । କ୍ଷୀରରେ ଥିବା ଆବଶ୍ୟକ ପୋଷକ ତତ୍ୱକୁ ଶୋଷଣ କରିବା ଦ୍ୱାରା ଶରୀରର କ୍ଷମାତା ପ୍ରଭାବିତ ହୋଇଥାଏ । ଯେଉଁଥିପାଇଁ ଶରୀରରେ ପୋଷକ ତତ୍ୱ କମ ହୋଇଯାଏ ।
ଫଳ ଏବଂ କ୍ଷୀରକୁ ମିଶାଇ ଖାଇବା ଦ୍ୱାରା ସାଇଡ ଇଫେକ୍ଟସ ରହିଥାଏ । ଫଳ ଏବଂ କ୍ଷୀର ପ୍ରସ୍ତୁତ ହୋଇଥିବା ମିଲ୍କ ସେକରେ କ୍ୟାଲୋରୀ ମାତ୍ରା ଅଧିକ ଥାଏ । କ୍ୟାଲୋରୀ ମାତ୍ରା ଅଧିକ ଥିବାରୁ ଆପଣଙ୍କ ଓଜନ ବଢ଼ିପାରେ । ତେଣୁ ଆପଣ କ୍ଷୀର ଏବଂ ଫଳ ମିଶାଇ ଖାଇବା ଅଭ୍ୟାସକୁ ବଦଳାଇ ଏହାକୁ ଅଲଗା କରି ଖାଇ ପାରିବେ ।
