ମୋଦୀଙ୍କୁ ମିଳିଲା ସର୍ବୋଚ୍ଚ ସମ୍ମାନ: ‘Grand Cross of the Order of Honour’ରେ ସମ୍ମାନିତ କଲା ଗ୍ରୀସ୍
ନୂଆଦିଲ୍ଲୀ: ଦକ୍ଷିଣ ଆଫ୍ରିକାରେ ବ୍ରିକ୍ସ ସମ୍ମିଳନୀରେ ଯୋଗଦେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବେ ଗ୍ରୀସ ଗସ୍ତରେ ଯାଇଛନ୍ତି । ଏହି ଅବସରରେ ମୋଦୀଙ୍କୁ ସର୍ବୋଚ୍ଚ ପୁରସ୍କାର ପ୍ରଦାନ କରାଯାଇଛି । ମୋଦୀଙ୍କୁ ଗ୍ରୀସ ପକ୍ଷରୁ ‘ଗ୍ରାଣ୍ଡ କ୍ରସ ଅଫ୍ ଦି ଅର୍ଡର’ ସମ୍ମାନରେ ସମ୍ମାନିତ କରାଯାଇଛି । ଗ୍ରୀସ ରାଷ୍ଟ୍ରପତି କ୍ୟାଟରିନା ଏନ. ସକେଲାରୋପାଓଲୁ ମୋଦୀଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି । ଗ୍ରୀସ ପ୍ରଧାନମନ୍ତ୍ରୀ କିରିୟାକୋସ ମିତ୍ସୋତାକିସଙ୍କ ନିମନ୍ତ୍ରଣ ରକ୍ଷା କରି ମୋଦୀ ଏଥେନ୍ସରେ ପହଞ୍ଚିଥିଲେ ।
ତେବେ ଗ୍ରୀସ ପକ୍ଷରୁ ସର୍ବୋଚ୍ଚ ସମ୍ମାନରେ ସମ୍ମାନିତ ହେବା ପରେ ମୋଦୀ ଏନେଇ ନିଜ ଟ୍ୱିଟର ହ୍ୟାଣ୍ଡେଲରେ ପ୍ରତିକ୍ରିୟା ଦେଇଛନ୍ତି । ସେ ଲେଖିଛନ୍ତି, ମୋତେ ‘ଗ୍ରାଣ୍ଡ କ୍ରସ ଅଫ୍ ଦି ଅର୍ଡର ଅଫ ଅନର’ରେ ସମ୍ମାନିତ କରିଥିବାରୁ ମୁଁ ଗ୍ରୀସ ରାଷ୍ଟ୍ରପତି, ସରକାର ଓ ଜନସାଧାରଣଙ୍କୁ ଧନ୍ୟବାଦ ଅର୍ପଣ କରୁଛି । ଏହା ଗ୍ରୀସ ଲୋକଙ୍କର ଭାରତ ପ୍ରତି ରହିଥିବା ସମ୍ମାନକୁ ଦର୍ଶାଉଛି । ସୂଚନାଯୋଗ୍ୟ ଯେ, ଏହା ଗ୍ରୀସର ଦ୍ୱିତୀୟ ସର୍ବୋଚ୍ଚ ସମ୍ମାନ ।
ଶେଷ ଥର ପାଇଁ ଗତ ୧୯୮୩ ମସିହା ସେପ୍ଟେମ୍ବର ମାସରେ ଭାରତର ତକ୍ରାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧି ଗ୍ରୀସ୍ ଯାତ୍ରା କରିଥିଲେ । ଏହାପରେ ଦୀର୍ଘ ୪୦ ବର୍ଷ ପରେ ଦ୍ୱିତୀୟ ପ୍ରଧାନମନ୍ତ୍ରୀ ଭାବେ ମୋଦୀ ଗ୍ରୀସ୍ ଗସ୍ତ କରିଥିଲେ । ଗତ ୧୯୭୫ ମସିହାରେ ଅର୍ଡର ଅଫ୍ ଅନରର ସ୍ଥାପନ କରାଯାଇଥିଲା । ବିଭିନ୍ନ ଦେଶର ପ୍ରଧାନମନ୍ତ୍ରୀ ଓ ପ୍ରତିଷ୍ଠିତ ବ୍ୟକ୍ତିବିଶେଷଙ୍କୁ ଗ୍ରୀସ ରାଷ୍ଟ୍ରପତି ଏହି ସମ୍ମାନରେ ସମ୍ମାନିତ କରିଥାନ୍ତି ।
I thank President Katerina Sakellaropoulou, the Government and people of Greece for conferring upon me The Grand Cross of the Order of Honour. This shows the respect the people of Greece have towards India. @PresidencyGR pic.twitter.com/UWBua3qbPf
— Narendra Modi (@narendramodi) August 25, 2023