ଆଦେଶ ମାନୁନାହାନ୍ତି ଅଫିସର, ତୁରନ୍ତ ତାଙ୍କ କେସ୍ର ଶୁଣାଣୀ କରିବାକୁ ସୁପ୍ରିମକୋର୍ଟ ପହଞ୍ଚିଲେ କେଜରିୱାଲ ସରକାର
ନୂଆଦିଲ୍ଲୀ: ଅରବିନ୍ଦ କେଜରିୱାଲ ସରକାର ସୁପ୍ରିମକୋର୍ଟରେ ଆବେଦନ କରିଛନ୍ତି କି ତାଙ୍କ ତରଫରୁ କେନ୍ଦ୍ର ସରକାରଙ୍କ ଜିଏନସିଟିଡି (ସଂଶୋଧନ) ଆକ୍ଟ ୨୦୨୩ ବିରୁଦ୍ଧରେ ଦିଆଯାଇଥିବା ପ୍ରତିକ୍ରିୟା ଉପରେ ଶୀଘ୍ର ଶୁଣାଣୀ କରାଯାଉ । ଆପ୍ ସରକାର ସୁପ୍ରିମକୋର୍ଟକୁ କହିଛନ୍ତି କି ଏବେ ଦିଲ୍ଲୀର ଅଫିସରମାନେ ତାଙ୍କ ଆଦେଶ ପାଳନ କରୁନାହାନ୍ତି । ଅନ୍ୟପକ୍ଷରେ ସୁପ୍ରିମକୋର୍ଟ କେନ୍ଦ୍ର ସରକାର ଓ ଦିଲ୍ଲୀ ସରକାରକୁ ଆଦେଶ ଦେଇଛନ୍ତି କି ୪ ସପ୍ତାହ ମଧ୍ୟରେ ଏହି ପ୍ରସଙ୍ଗ ଉପରେ ଫାଇଲ ପ୍ରସ୍ତୁତ କରି ରଖିବାକୁ ।
ଗତ ଅଗଷ୍ଟ ମାସରେ ହିଁ କେନ୍ଦ୍ର ସରକାର ଦିଲ୍ଲୀରେ ଅଫିସରଶାହି ଉପରେ ନିୟନ୍ତ୍ରଣ ସମ୍ବନ୍ଧିତ ବିଲ୍କୁ ସଂସଦରେ ପାସ୍ କରାଇଛନ୍ତି । ଏହାପୂର୍ବରୁ ସରକାର ଅଧ୍ୟାଦେଶ ଜାରି କରି ସୁପ୍ରିମକୋର୍ଟଙ୍କ ସେହି ଆଦେଶକୁ ନିଷ୍ପ୍ରଭ କରିଦେଇଥିଲେ ଯାହା ମାଧ୍ୟମରେ ସେବା ସମ୍ବନ୍ଧିତ ମାମଲାରେ ଦିଲ୍ଲୀ ସରକାରଙ୍କୁ ନିୟନ୍ତ୍ରଣ ଦିଆଯାଇଥିଲା । କେଜରିୱାଲ ସରକାର କେନ୍ଦ୍ର ସରକାରଙ୍କ ଏହି ଅଧ୍ୟାଦେଶକୁ ଅବୈଧ ବୋଲି କହି ଏହା ବିରୁଦ୍ଧରେ ସୁପ୍ରିମକୋର୍ଟରେ ଆବେଦନ କରିଛନ୍ତି ।
