Whatsappରେ ହେବ ଏକ ବଡ ପରିବର୍ତ୍ତନ , ଏବେ ଯାଞ୍ଚ ହୋଇଥିବା ଚ୍ୟାନେଲଗୁଡିକ ପାଇଁ ସବୁଜ ବଦଳରେ ନୀଳ ଚେକମାର୍କ ଆଣିବାକୁ ଯୋଜନା
ନୂଆଦିଲ୍ଲୀ : Whatsapp ଆପ ଆମ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ଅଟେ । ପରିବାର ସହିତ ହେଉ କିମ୍ବା ଅଫିସ କାମ ହେଉ, ଏହା ସବୁ ସ୍ଥାନରେ ଯୋଗାଯୋଗର ଏକ ସହଜ ମାଧ୍ୟମ ପାଲଟିଛି । ଉପଭୋକ୍ତାମାନଙ୍କ ଅଭିଜ୍ଞତାକୁ ଉନ୍ନତ କରିବାକୁ, ମେଟା ମାଲିକାନା କମ୍ପାନୀ ହ୍ଵାଟ୍ସଆପ ଆପ ପ୍ଲାଟଫର୍ମରେ ଏକ ନୂଆ ନୂଆ ପରିବର୍ତ୍ତନ ଆଣୁଛି । ଏହି ପରିପ୍ରେକ୍ଷୀରେ, ହ୍ଵାଟ୍ସଆପ ଆପ ଆଣ୍ଡ୍ରଏଡରେ ଯାଞ୍ଚ ହୋଇଥିବା ଚ୍ୟାନେଲଗୁଡ଼ିକ ପାଇଁ ସବୁଜ ଚିହ୍ନକୁ ନୀଳ ଚିହ୍ନ ସହିତ ବଦଳାଇବାକୁ ଯୋଜନା କରୁଥିବା ଜଣାଯାଇଛି ।
ହ୍ଵାଟ୍ସଆପର ବୈଶିଷ୍ଠ୍ୟକୁ ଟ୍ରାକ୍ କରୁଥିବା ଏକ ୱେବସାଇଟ WABetaInfo ଏହି ସୂଚନା ଜାରି କରିଛନ୍ତି । WABetaInfo ସୂଚନା ଅନୁସାରେ, ଏହି ପରିବର୍ତ୍ତନ ଯାଞ୍ଚ ହୋଇଥିବା ବ୍ୟବସାୟ ଚ୍ୟାନେଲ ପାଇଁ ମଧ୍ୟ ପ୍ରଯୁଜ୍ୟ ହେବ ।
📝 WhatsApp beta for Android 2.23.20.18: what’s new?
WhatsApp is working on replacing the green verification badge with a blue checkmark for verified channels and businesses, and it will be available in a future update of the app!https://t.co/eOV5ZMEyW8 pic.twitter.com/4MxQ2iqikA
— WABetaInfo (@WABetaInfo) September 29, 2023
ରିପୋର୍ଟ ଅନୁଯାୟୀ, ମେଟା ଇନଷ୍ଟାଗ୍ରାମ ଏବଂ ଫେସବୁକରେ ନୀଳ ରଙ୍ଗର ସମସ୍ତ ଆପ୍ ମଧ୍ୟରେ ଯାଞ୍ଚ ବ୍ୟାଜକୁ ଏକ୍କା ସମ୍ମାନର କରିବାକୁ ଚାହୁଁଛି। ସେଥିପାଇଁ ମେଟାର ପ୍ଲାଟଫର୍ମଗୁଡିକ ମଧ୍ୟରେ ଏକ ସ୍ଥିର ଭିଜୁଆଲ ପରିଚୟ ସୃଷ୍ଟି କରିପାରିବା ପାଇଁ ହ୍ଵାଟ୍ସଆପ ଆପର ମଧ୍ୟ ଯାଞ୍ଚ ବ୍ୟାଜର ରଙ୍ଗକୁ ନୀଳ ରଙ୍ଗରେ ପରିବର୍ତ୍ତନ କରିବାକୁ ଯାଉଛି । ଯାଞ୍ଚ ହୋଇଥିବା ଚ୍ୟାନେଲ ଏବଂ ବ୍ୟବସାୟ ପାଇଁ ନୀଳ ଚେକମାର୍କ ବିକାଶ ଅଧୀନରେ ଅଛି ଏବଂ ଏହା ଭବିଷ୍ୟତରେ ଏହି ଆପରେ ଅପଡେଟ କରାଯିବ ।
