ମୃତ୍ୟୁମୁଖରୁ ବଞ୍ଚାଇଦେଲା ‘Wonder Drug’: କ୍ୟାନ୍ସରର Third Stageରୁ ସୁସ୍ଥ ହେଲେ ବ୍ରିଟେନ ମହିଳା
ନୂଆଦିଲ୍ଲୀ: ଇଂଲଣ୍ଡ, ୱେଲ୍ସର ଜଣେ ମହିଳାଙ୍କ ସହ ଘଟିଯାଇଛି ଏକ ଚମତ୍କାର ଘଟଣା । କ୍ୟାନ୍ସର ଭଳି ଏକ ମାରାତ୍ମକ ରୋଗ ତାଙ୍କୁ ସମ୍ପୂର୍ଣ୍ଣ ଆକ୍ରାନ୍ତ କରିବା ପରେ ମଧ୍ୟ ସେ ଏହାକୁ ପରାସ୍ତ କରିବାରେ ସଫଳ ହୋଇଛନ୍ତି । କ୍ୟାନ୍ସରର ତୃତୀୟ ପର୍ଯ୍ୟାୟରେ ପହଞ୍ଚିବା ପରେ ମଧ୍ୟ ସେ ସମ୍ପୂର୍ଣ୍ଣ ସୁସ୍ଥ ହୋଇଥିବା କହିଛନ୍ତି ଡାକ୍ତର । ତେବେ କେବଳ ଔଷଧ ଖାଇ ସେ ସୁସ୍ଥ ହୋଇଥିବା ଜାଣିବାକୁ ମିଳିଛି । ମାତ୍ର ୬ ମାସ ମଧ୍ୟରେ ଏହି ‘Wonder Drug’ ନେଇ ୪୨ ବର୍ଷୀୟ କ୍ୟାରୀ ଡାଉନୀ କ୍ୟାନ୍ସରକୁ ମାତ୍ ଦେଇଛନ୍ତି ।
କ୍ୟାରୀ ବ୍ରିଟିଶ ସରକାର ପାଇଁ କାର୍ଯ୍ୟ କରୁଛନ୍ତି । କିନ୍ତୁ ହଠାତ୍ ସେ କରେକ୍ଟାଲ କ୍ୟାନ୍ସରରେ ଆକ୍ରାନ୍ତ ହୋଇଥିବା ଜାଣିବାକୁ ମିଳିଥିଲା । ତେବେ କ୍ୟାନ୍ସର ଭଳି ରୋଗକୁ ଖୁବ କମ୍ ସମୟରେ ହରାଇବାର କାରଣ ସେ ପ୍ରକାଶ କରିଛନ୍ତି । ସେ କହିଛନ୍ତି ଯେ, ରେଡିଏସନ୍ ଏବଂ କେମୋଥେରାପୀ ବ୍ୟତୀତ କ୍ୟାରୀ ୬ ମାସ ପାଇଁ Dostarlimab infusions ମେଡିସିନ୍ ନେଇଥିଲେ । ମୋଷ୍ଟକ୍ଲୋନାଲ ଆଣ୍ଟିବଡି ନାମକ ଔଷଧର ଏକ ଶ୍ରେଣୀରେ Dostarlimab-gxly ଇଞ୍ଜେକ୍ସନ୍ ରହିଛି । ଏହା କର୍କଟ କୋଷରେ ଏକ ନିର୍ଦ୍ଦିଷ୍ଟ ପ୍ରୋଟିନର କାର୍ୟ୍ୟକୁ ଅବରୋଧ କରି କାମ କରେ । ଜଣେ ବ୍ୟକ୍ତିର ଇମ୍ୟୁନିଟି ସିଷ୍ଟମକୁ କର୍କଟ କୋଷ ଏବଂ ସ୍ଲୋ ଟ୍ୟୁମର ଗ୍ରୋଥ୍ ବିରୁଦ୍ଧରେ ଲଢିବାରେ ସାହାଯ୍ୟ କରେ । ତେବେ ଏହାର ଅନେକ ପାଶ୍ୱର୍ ପ୍ରତିକ୍ରିୟା ମଧ୍ୟ ଲକ୍ଷ୍ୟ କରିଛନ୍ତି କ୍ୟାରୀ । କିନ୍ତୁ ବର୍ତ୍ତମାନ କ୍ୟାନ୍ସର ତୃତୀୟ ପର୍ଯ୍ୟାୟରୁ ସୁସ୍ଥ ହେବା ପରେ ବର୍ତ୍ତମାନ ପୁଣିଥରେ କର୍ମକ୍ଷେତ୍ରକୁ ଫେରିବା ପାଇଁ କ୍ୟାରୀ ପ୍ରସ୍ତୁତ ହୋଇଛନ୍ତି ।
ବିଶେଷଜ୍ଞଙ୍କ ମତରେ, Dostarlimab କଲୋରେକ୍ଟାଲର ଏକ ନିର୍ଦ୍ଦିଷ୍ଟ ପ୍ରକାରକୁ ସଠିକ୍ ଭାବରେ ଟାର୍ଗେଟ୍ କରେ । ଏହି ଔଷଧରେ ସୁସ୍ଥ ହେବାର ଅଧିକ ସମ୍ଭାବନା ରହିଥିବାରୁ ରୋଗୀମାନେ ଅସ୍ତ୍ରୋପଚାର, ରେଡିଓଥେରାପି ଏବଂ କେମୋଥେରାପି ଇତ୍ୟାଦି କମ୍ କରୁଛନ୍ତି । ଡୋଷ୍ଟାର୍ଲିମାବ ଶରୀରରେ ଆଣ୍ଟି-ଟ୍ୟୁମର ପ୍ରତିରୋଧକ ପ୍ରତିକ୍ରିୟାକୁ ପ୍ରଭାବଶାଳୀ ଭାବରେ ପ୍ରତିରୋଧ କରିଥାଏ । ସାଧାରଣତଃ ରୋଗୀମାନଙ୍କୁ ଦୁଇ କିମ୍ବା ତିନୋଟି ଅନ୍ତ୍ର କର୍କଟ ସହିତ ଲଢେଇ କରାଯାଏ ।
ଛଅ ମାସ ମଧ୍ୟରେ କ୍ୟାରୀଙ୍କ ଶରୀରରୁ ଟ୍ୟୁମର ହ୍ରାସ ପାଇଲା । କର୍କଟ ବିରୋଧରେ ଏହି ଔଷଧ କ୍ୟାରୀଙ୍କୁ ଛଅ ମାସ ପର୍ଯ୍ୟନ୍ତ କ୍ରମାଗତ ସପ୍ତାହରେ ତିନିଥର ଶିରାଭ୍ୟନ୍ତରେ ଦିଆଯାଉଥିଲା । ତେବେ ଔଷଧର ପ୍ରଭାବ ଏବଂ ରୋଗରେ ଅଗ୍ରଗତି ଦେଖିବା ପାଇଁ ଡାକ୍ତରମାନେ ନିୟମିତ ସ୍କାନ୍ କରି ଏହା ସଫଳ ହୋଇଛି ବୋଲି ଜାଣିଥିଲେ । ଡୋଷ୍ଟାର୍ଲିମାବ ଔଷଧ ଯୋଗୁଁ ଟ୍ୟୁମର ଯଥେଷ୍ଟ ହ୍ରାସ ପାଇଥିଲା ଏବଂ ଚିକିତ୍ସା ଶେଷ ହେବା ବେଳକୁ ଏହା ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିବା କହିଛନ୍ତି କ୍ୟାରୀ ।