ଦିୱାଲୀରେ ପତ୍ନୀଙ୍କୁ ପୂଜା କରି ମା’ ଲକ୍ଷ୍ମୀଙ୍କୁ କଲେ ନିନ୍ଦା, photo ସେୟାର କରି ଟ୍ରୋଲର ଶିକାର ହେଲେ ନେତା
ଲକ୍ଷ୍ନୌ:ବିବାଦୀୟ ବୟାନ ଦେଇ ଦୀର୍ଘ ସମୟ ଧରି ଚର୍ଚ୍ଚାରେ ରହି ଆସୁଥିବା ସମାଜବାଦୀ ପାର୍ଟି ବରିଷ୍ଠ ନେତା ସ୍ୱାମୀ ପ୍ରସାଦ ମୌର୍ଯ୍ୟ ଦିୱାଲି ଅବସରରେ ପୁଣି ବିବାଦୀୟ ବୟାନ ଦେଇ ଚର୍ଚ୍ଚାକୁ ଆସିଛନ୍ତି । ଏଥର ସେ ଏକ୍ସରେ ନିଜ ପତ୍ନୀଙ୍କୁ ପୂଜା କରୁଥିବାର ଫଟୋ ପୋଷ୍ଟ କରି ମା’ ଲକ୍ଷ୍ମୀଙ୍କ ଉପରେ ପ୍ରଶ୍ନ ଉଠାଇଛନ୍ତି । ଏହି ପୋଷ୍ଟ ପରେ ସେ ସୋସିଆଲ ମିଡିଆରେ ଜୋରଦାର ଟ୍ରୋଲର ଶିକାର ହୋଇଛନ୍ତି ।
ଏକ୍ସରେ ନିଜ ପୋଷ୍ଟରେ ସେ ଲେଖିଛନ୍ତି, ଦୁନିଆରେ ଜନ୍ମ ନେଇଥିବା ସମସ୍ତ ଶିଶୁ ଦୁଇ ହାତ, ଦୁଇ ପାଦ, ଦୁଇ କାନ, ଦୁଇ ଆଖି ନେଇ ଜନ୍ମଗ୍ରହଣ କରିଛନ୍ତି । କିନ୍ତୁ ମା’ ଲକ୍ଷ୍ମୀଙ୍କର କିପରି ୪ ହାତ ଆସିଲା । ଏହାକୁ ନେଇ ସେ ୟୁଜର୍ସଙ୍କ ଟାର୍ଗେଟକୁ ଆସିଯାଇଛନ୍ତି ।
ସ୍ୱାମୀ ଗତ କିଛି ସମୟ ଧରି ରାମଚରିତ ମାନସ, ବ୍ରାହ୍ମଣ ଓ ଭଗବାନ ରାମଙ୍କ ଉପରେ ବିବାଦୀୟ ବୟାନ ଦେଇ ଆସୁଛନ୍ତି । ଏହାକୁ ନେଇ ତାଙ୍କ ବିରୁଦ୍ଧରେ ଏଫଆଇଆର୍ ବି ଦାୟର ହୋଇଛି । ଦିୱାଲି ଦିନ ସ୍ୱାମୀ ନିଜ ପତ୍ନୀଙ୍କୁ ପୂଜା ଓ ସମ୍ମାନ କରୁଥିବାର ଫଟୋ ଏକ୍ସରେ ପୋଷ୍ଟ କରିଛନ୍ତି ।
दीपोत्सव के अवसर पर अपनी पत्नी का पूजा व सम्मान करते हुए कहा कि पूरे विश्व के प्रत्येक धर्म, जाति, नस्ल, रंग व देश में पैदा होने वाले बच्चे के दो हाथ, दो पैर, दो कान, दो आंख, दो छिद्रों वाली नाक के साथ एक सिर, पेट व पीठ ही होती है, चार हाथ,आठ हाथ, दस हाथ, बीस हाथ व हजार हाथ वाला… pic.twitter.com/CP5AjKODfq
— Swami Prasad Maurya (@SwamiPMaurya) November 12, 2023
ଏହା ସହିତ ସେ କ୍ୟାପସନରେ ଲେଖିଛନ୍ତି, ସାରା ବିଶ୍ୱର ପ୍ରତ୍ୟେକ ଧର୍ମ, ଜାତି, ରଙ୍ଗରେ ଜନ୍ମ ନେଉଥିବା ଶିଶୁଙ୍କର ୨ ହାତ, ୨ ଗୋଡ, ୨ କାନ, ୨ ଆଖି, ଗୋଟିଏ ମୁଣ୍ଡ, ପେଟ ଓ ପିଠି ରହିଛି । କିନ୍ତୁ ୪, ୧୦, ୨୦ କିମ୍ବା ହଜାର ହାତ ଥିବା ଶିଶୁ ଆଜି ପର୍ଯ୍ୟନ୍ତ ଜନ୍ମ ହୋଇନାହାନ୍ତି । ତେଣୁ ୪ ହାତ ବାଲା ଲକ୍ଷ୍ମୀ କିପରି ଜନ୍ମ ନେଇପାରନ୍ତି । ତେଣୁ ଯଦି ଆପଣ ଲକ୍ଷ୍ମୀ ଦେବୀଙ୍କ ପୂଜା କରିବାକୁ ଚାହୁଁଛନ୍ତି ତେବେ ନିଜ ଘରବାଲୀଙ୍କ ପୂଜା ଓ ସମ୍ମାନ କର ବୋଲି ସେ ଲେଖିଛନ୍ତି । କାରଣ ଘରବାଲୀ ହିଁ ଘର ତଥା ପରିବାରର ପାଳନ ପୋଷଣ, ସୁଖ ସମୃଦ୍ଧି, ଖାଦ୍ୟପେୟ ଇତ୍ୟାଦିର ଦାୟିତ୍ୱ ବେଶ୍ ନିଷ୍ଠାର ସହ ସଂପନ୍ନ କରିଥାଏ ।
