ବ୍ଲକ ସଭାପତି ଓ ପର୍ଯ୍ୟବେକ୍ଷଙ୍କୁ ନିଯୁକ୍ତି ଦେଲା ବିଜେଡି: ୬ଟି ଜିଲ୍ଲାରେ ନୂଆ ନେତାଙ୍କୁ ଦାୟିତ୍ୱ
ଭୁବନେଶ୍ୱର(ଓଡ଼ିଶା ଭାସ୍କର): ଆଗକୁ ଆସୁଛି ବିଧାନସଭା ନିର୍ବାଚନ । ଏନେଇ ଶାସକ ବିଜେଡି ତା’ର ସମସ୍ତ ପ୍ରସ୍ତୁତି ପ୍ରକ୍ରିୟା ଆରମ୍ଭ କରିଦେଇଛି । ଏହା ମଧ୍ୟରେ ଦଳ ତା’ର ସଂଗଠନରେ ଅନେକ ନୂଆ ନେତାଙ୍କୁ ଦାୟିତ୍ୱ ପ୍ରଦାନ କରୁଛି । ନବୀନ ପଟ୍ଟନାୟକଙ୍କୁ କ୍ରମାଗତ ୬ଷ୍ଠ ଥର ପାଇଁ ମୁଖ୍ୟମନ୍ତ୍ରୀ ଗାଦିରେ ବସାଇବା ପାଇଁ ବିଜେଡି ରଣନୀତି ପ୍ରସ୍ତୁତି କରି ସାରିଥିବା ବେଳେ ପର୍ଯ୍ୟାୟକ୍ରମେ ବିଭିନ୍ନ ଜିଲ୍ଲା ସଂଗଠନକୁ ପୁନର୍ଗଠନ କରୁଛି ।
ତେବେ ଏହା ମଧ୍ୟରେ ଦଳ ତା’ର ବିଭିନ୍ନ ଜିଲ୍ଲା ସଂଗଠନରେ ନୂଆ ନେତାଙ୍କୁ ନିଯୁକ୍ତି ଦେଇଛି । ଜିଲ୍ଲା ପର୍ଯ୍ୟବେକ୍ଷକ ଭାବେ ବିଜୁ ମହିଳା ଜନତା ଦଳ ସଂଗଠନରେ ଅନେକ ନେତାଙ୍କୁ ଦାୟିତ୍ୱ ଦିଆଯାଇଛି । ଜ୍ୟୋତ୍ସ୍ନା ପରିଡ଼ାଙ୍କୁ କଳାହାଣ୍ଡି, ମୀରା ପରିଡ଼ାଙ୍କୁ କୋରାପୁଟ, ଲୋରା ମହାପାତ୍ରଙ୍କୁ ମାଲକାନଗିରି, ରୁନୁ ଜେନାଙ୍କୁ ନବରଙ୍ଗପୁର, ମିନତୀ ଦେବତାଙ୍କୁ ସମ୍ବଲପୁର ଓ ଦେବଗଡ଼ରେ ଦାୟିତ୍ୱ ମିଳିଛି ।
ସେହିପରି ମାଲକାନଗିରି ଜିଲ୍ଲାରେ ଅନେକ ପଦାଧିକାରୀଙ୍କୁ ଦାୟିତ୍ୱ ଦିଆଯାଇଛି । ଟିକି ମଲ୍ଲିକଙ୍କୁ ମାଥିଲି, ସାବିତ୍ରୀ ମୁଦୁଲିଙ୍କୁ ଖଇରାପୁଟ, ଲକ୍ଷ୍ମୀ ମଣ୍ଡିଙ୍କୁ ଚିତ୍ରକୋଣ୍ଡା, ସୁମାରୀ ମାଡ଼କାମୀଙ୍କୁ ମାଲକାନଗିରି, ବର୍ଣ୍ଣାଳୀ କିର୍ତ୍ତାନିଆଙ୍କୁ କାଲିମେଳା, ମିଠୁ ସରକାରଙ୍କୁ କୋରୁକୋଣ୍ଡା, ଦେବେ ମାଧିଙ୍କୁ ପୋଡ଼ିଆ ଜିଲ୍ଲାର ବିଭିନ୍ନ ବ୍ଲକରେ ନିଯୁକ୍ତି ଦିଆଯାଇଛି । ରବି ରାଉତଙ୍କୁ ବାଲେଶ୍ୱର ଜିଲ୍ଲାର ସାଧାରଣ ସମ୍ପାଦକ, ମନୋଜ କୁମାର ରାଉତଙ୍କୁ ରେମୁଣା ବ୍ଲକର ସଭାପତି, ରାମନାରାୟଣ ବେହେରାଙ୍କୁ ରେମୁଣା ଏନଏସିର ସଭାପତି ଭାବେ ନିଯୁକ୍ତି ଦିଆଯାଇଛି । ଏନେଇ ଦଳ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି ।
Party President & CM Shri @Naveen_Odisha appointed several leaders of the Biju Janata Dal as District Observers, Biju Mahila Janata Dal with immediate effect. The appointments will further strengthen organisation at grassroots. #BJDWithOdisha pic.twitter.com/mBuPdovqTX
— Biju Janata Dal (@bjd_odisha) December 11, 2023
Party President & CM Shri @Naveen_Odisha appointed several leaders of the Biju Janata Dal as Block Presidents of #Malkangiri district, Biju Mahila Janata Dal with immediate effect. The appointments will further strengthen organisation at grassroots. #BJDWithOdisha pic.twitter.com/HFlmOt2x4v
— Biju Janata Dal (@bjd_odisha) December 11, 2023
Party President & CM Shri @Naveen_Odisha appointed several leaders as office bearers of Biju Janata Dal, #Balasore district. The appointment will further strengthen the organisation at grassroots. #BJDWithOdisha pic.twitter.com/O5GH4Djfun
— Biju Janata Dal (@bjd_odisha) December 11, 2023
