(video)ଏହି ରେଷ୍ଟୁରାଣ୍ଟରେ ‘କୁଛ ନେହିଁ’ ଖାଇଲେ ବି ଦେବାକୁ ପଡିବ ପଇସା, ଭାଇରାଲ ହେଉଛି ଅଜବ ମେନ୍ୟୁ
ନୂଆଦିଲ୍ଲୀ: ଯେତେବେଳେ ଆମକୁ ଘରେ ଖାଦ୍ୟ ପ୍ରସ୍ତୁତ କରିବାକୁ ଇଚ୍ଛା ହୋଇ ନ ଥାଏ କିମ୍ବା କିଛି ଅଲଗା ଖାଇବାକୁ ଇଚ୍ଛା ହୋଇଥାଏ ସେତେବେଳେ ଆମେ ପରିବାର କିମ୍ବା ସାଙ୍ଗସାଥୀଙ୍କ ସହ ହୋଟେଲ୍ ବା ରେଷ୍ଟୁରାଣ୍ଟ ଯାଇ ଖାଇଥାଉ । ଏବେ ମନେ କରନ୍ତୁ ଆପଣ କୌଣସି ଏକ ରେଷ୍ଟୁରାଣ୍ଟକୁ ଖାଦ୍ୟ ଖାଇବାକୁ ଯାଇଛନ୍ତି । କିନ୍ତୁ ଆପଣ ସେଠାରେ ଯଦି ‘କୁଛ ନେହିଁ’ ଖାଇବେ ତେବେ କ’ଣ ଆପଣ ପଇସା ଦେବେ । ଏହା ସତ ଯେ, ଆପଣ ପଇସା ଦେବେ ନାହିଁ । କିନ୍ତୁ ଏପରି ଏକ ରେଷ୍ଟୁରାଣ୍ଟ ରହିଛି ଯେଉଁଠି ‘କୁଛ ନେହିଁ’ ଖାଇଲେ ବି ଆପଣଙ୍କ ପଇସା ଦେବାକୁ ହେବ ।
View this post on Instagram
ଏବେ ସୋସିଆଲ ମିଡିଆରେ ଏହି ରେଷ୍ଟୁରାଣ୍ଟର ମେନ୍ୟୁ ଭାଇରାଲ ହେବାରେ ଲାଗିଛି । ଏହି ମେନ୍ୟୁରେ ଏପରି କିଛି ଡିସ୍ ନଜର ଆସୁଛି ଯାହା ଆପଣ କେବେ ଆଗରୁ ଦେଖି ନ ଥିବେ କି ଶୁଣି ନ ଥିବେ । ଏହାର ମେନ୍ୟୁରେ ରହିଛି କୁଛ ନେହିଁ, କୁଛ ଭି, ଆଜ୍ ୟୁ ଉଇସ୍, ନେହିଁ ତୁମ୍ ବୋଲୋ, ବାବାଜୀ କା ଠୁଲୁ ପରି ଅଜବ ଡିସ୍ । ଏହିସବୁ ଡିସ୍ର ମୂଲ୍ୟ ବି ଲେଖାଯାଇଛି । ଏହି ହିସାବରେ ଆପଣ ଏଠାରେ ‘କୁଛ ନେହିଁ’ ଖାଇଲେ ବି ଆପଣଙ୍କୁ ପଇସା ଦେବାକୁ ହେବ । ତେବେ ଭାଇରାଲ୍ ଭିଡିଓରେ ରେଷ୍ଟୁରାଣ୍ଟର ନାମ ଲେଖାଯାଇ ନାହିଁ । ଏହି ଭିଡିଓକୁ ଇନଷ୍ଟାଗ୍ରାମରେ sarcasticschool- ନାମକ ପେଜ୍ରେ ସେୟାର କରାଯାଇଛି । ଭିଡିଓକୁ ଏ ପର୍ଯ୍ୟନ୍ତ ୧ମିଲିୟନ ଲୋକ ଦେଖିସାରିଲେଣି । ଭିଡିଓ ଉପରେ ବହୁ ମଜାଦାର କମେଣ୍ଟ ବି ଆସିବାରେ ଲାଗିଛି ।
