ମାର୍ଚ୍ଚ ୨୨ରୁ ଆରମ୍ଭ ହେବ ଆଇପିଏଲ; ଭାରତରେ ଆୟୋଜନ ପାଇଁ ଚାଲିଛି ପ୍ରସ୍ତୁତି

ନୂଆଦିଲ୍ଲୀ: ମାର୍ଚ୍ଚ ୨୨ତାରିଖରୁ ଟାଟା ଆଇପିଏଲ୍ ୨୦୨୪ ଆରମ୍ଭ ହେବାକୁ ଯାଉଥିବା ବେଳେ କ୍ରିକେଟ୍ ପ୍ରେମୀଙ୍କ ଖୁସୀ ଶହେଗୁଣା ହେବାକୁ ଯାଉଛି। ବହୁ ପ୍ରତୀକ୍ଷିତ ଋତୁରେ ଭାରତର ସାଧାରଣ ନିର୍ବାଚନ, ଖେଳାଳିଙ୍କ ଉପଲବ୍ଧତା ଜଟିଳତା ଏବଂ ରେକର୍ଡ ଭାଙ୍ଗିଥିବା ନିଲାମ ମୁହୂର୍ତ୍ତକୁ ନେଇ ସୃଷ୍ଟି ହୋଇଥିବା ଚ୍ୟାଲେଞ୍ଜ ପ୍ରଶଂସକ ଓ ପଣ୍ଡିତଙ୍କ ଦୃଷ୍ଟି ଆକର୍ଷଣ କରିଛି। ଆଇପିଏଲ୍ ୨୦୨୪ ର ଆରମ୍ଭ ତାରିଖ ମାର୍ଚ୍ଚ ୨୨ ତାରିଖ ଧାର୍ଯ୍ୟ କରାଯାଇଛି ଏବଂ ମେ’ ଶେଷ ପର୍ଯ୍ୟନ୍ତ ଚାଲିବ ଆଇପିଏଲ ମହାସମର। ଏନେଇ ଜାତୀୟ ଗଣମାଧ୍ୟରେ ଖବର ଆସିଛି ।

ସମ୍ଭାବ୍ୟ ଚ୍ୟାଲେଞ୍ଜର ମୁକାବିଲା କରିବା ଏବଂ ଟୁର୍ଣ୍ଣାମେଣ୍ଟକୁ ସୁରୁଖୁରୁରେ ପରିଚାଳନା କରିବା ପାଇଁ ସଚିବ ଜୟ ଶାହଙ୍କ ନେତୃତ୍ବାଧୀନ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ (ବିସିସିଆଇ) ସରକାରୀ ସଂସ୍ଥା ବିଶେଷକରି ଗୃହମନ୍ତ୍ରୀ ଅମିତ ଶାହାଙ୍କ ସହ ମିଳିତ ଭାବେ କାର୍ଯ୍ୟ କରୁଛି। ସେପଟେ ବିସିସିଆଇ ସମ୍ପାଦକ ଜୟ ଶାହା ଗର୍ବର ସହ ଘୋଷଣା କରିଛନ୍ତି ଯେ ଆଇପିଏଲ୍ ୨୦୨୪ ନିଲାମରେ ମୋଟ ୨୨.୮ ନିୟୁତ ଦର୍ଶକ ରହିଛନ୍ତି। ଏହି ସଂଖ୍ୟା ୨୦୨୨ ନିଲାମରେ ରେକର୍ଡ କରାଯାଇଥିବା ଦର୍ଶକଙ୍କ ସଂଖ୍ୟାକୁ ଅତିକ୍ରମ କରିଛି ଏବଂ ବିଶ୍ୱସ୍ତରରେ ସବୁଠାରୁ ଅଧିକ ଦେଖାଯାଉଥିବା କ୍ରୀଡ଼ା ଇଭେଣ୍ଟ ଭାବେ ଆଇପିଏଲ୍ର ମାନ୍ୟତାକୁ ସୁଦୃଢ଼ କରିଛି। ନିଲାମ ଶେଷ ହେବା ପରେ ଆଇପିଏଲ୍ ଫ୍ରାଞ୍ଚାଇଜିଗୁଡ଼ିକ ଦ୍ରୁତ ଗତିରେ ନିଜ ଦଳକୁ ସୁଦୃଢ଼ କରିଛନ୍ତି। ଏବେ ଖାଲି ମଇଦାନକୁ ଓହ୍ଲାଏବାକୁ ପ୍ରସ୍ତୁତ ହେଉଛନ୍ତି ସବୁ ଦଳ।