ଖୁବ୍ ଶୀଘ୍ର ଆସୁଛି ଭାରତ ରତ୍ନ ପି.ଭି.ନରସିଂହ ରାଓଙ୍କ ବାଓପିକ୍ ସିରିଜ୍, ଏହି ପ୍ରସିଦ୍ଧ ଡାଇରେକ୍ଟର ଦେଉଛନ୍ତି ନିର୍ଦ୍ଦେଶନା
ନୂଆଦିଲ୍ଲୀ: ଭାରତର ପୂର୍ବତନ ପ୍ରଧାନମନ୍ତ୍ରୀ ପି.ଭି.ନରସିଂହ ରାଓଙ୍କୁ ନେଇ ଏକ ବଡ ଘୋଷଣା କରାଯାଇଛି । ଆହା ଷ୍ଟୁଡିଓ ଓ ଆପଲଜ୍ ଏଣ୍ଟରଟେନମେଣ୍ଟ ଖୁବ୍ ଶୀଘ୍ର ଭାରତ ରତ୍ନରେ ସମ୍ମାନୀତ ପି.ଭି. ନରସିଂହ ରାଓଙ୍କ ବାୟୋପିକ୍ ସିରିଜ୍ ନେଇ ଆସୁଛନ୍ତି । ଏହି ସିରିଜ୍ର ନାମ ‘ହାଫ୍ ଲାୟନ’ । ଏହି ନାମ ନରସିଂହ ରାଓଙ୍କ ଆତ୍ମଜୀବନୀରୁ ପ୍ରେରିତ ଯାହାକୁ ବିଜୟ ସୀତାପତି ଲେଖିଛନ୍ତି । ଏହି ୱେବ ସିରିଜ୍କୁ ବାୟୋଗ୍ରାଫି ଆଧାରରେ ହିଁ ନିର୍ମାଣ କରାଯାଉଛି ।
ଭାରତର ଅର୍ଥବ୍ୟବସ୍ଥାରେ ବଡ ଧରଣର ପରିବର୍ତ୍ତନ ଆଣିବାରେ ପି.ଭି.ନରସିଂହ ରାଓଙ୍କର ବଡ ଭୂମିକା ରହିଥିଲା ଯେଉଁଥିପାଇଁ ତାଙ୍କୁ ଭାରତ ରତ୍ନ ସମ୍ମାନରେ ସମ୍ମାନୀତ କରାଯାଇଛି । ଏହି ସମ୍ମାନ ତାଙ୍କୁ ୧୯୯୧ରୁ ୧୯୯୬ କାର୍ଯ୍ୟକାଳ ଓ ତାଙ୍କର ଯୋଗଦାନ ଲାଗି ପ୍ରଦାନ କରାଯାଇଛି । ଏହି ସିରିଜ୍ର ନିର୍ଦ୍ଦେଶନା ଦେଉଛନ୍ତି ରାଷ୍ଟ୍ରୀୟ ପୁରସ୍କାର ବିଜେତା ପ୍ରକାଶ ଝା । ସିରିଜ୍ର ଏକ ଛୋଟ ଟ୍ରେଲର ବି ରିଲିଜ୍ ହୋଇସାରିଛି ।
ଟ୍ରେଲରେ ପୂର୍ବତନ ପ୍ରଧାନମନ୍ତ୍ରୀ ନରସିଂହ ରାଓଙ୍କ ଅଲଗା ଅଲଗା ଛବି ଦେଖିବାକୁ ମିଳୁଛି । ସେ ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂହ, ସୋନିଆ ଗାନ୍ଧୀ, ଅଟଳ ବିହାରୀ ବାଜପେୟୀଙ୍କ ସହ ବସି କଥା ହେଉଥିବାର ନଜର ଆସୁଛନ୍ତି । ଟିଜରରେ କ୍ୟାପସନରେ ଲେଖାଯାଇଛି, ଆମେ ଭାରତ ରତ୍ନ ବିଜେତା ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତଃ ପି.ଭି.ନରସିଂହ ରାଓଙ୍କ ଲିଗାସୀକୁ ସମ୍ମାନ ଜଣାଉଛୁ । ଦର୍ଶକଙ୍କ ଲାଗି ଏହି କାହାଣୀ ନେଇ ଆସିଥିବାରୁ ଆମକୁ ଗର୍ବ ଅନୁଭବ ହେଉଛି । ଏହି ସିରିଜ୍ର ପ୍ରି ପ୍ରଡକ୍ସନ କାମ ଆରମ୍ଭ ହୋଇସାରିଛି । ଏହି ପ୍ରିମିୟମ ପାନ ଇଣ୍ଡିଆ ସିରିଜ୍ ହିନ୍ଦୀ, ତେଲଗୁ, ଓ ତାମିଲ ଭାଷାରେ ରିଲିଜ୍ ହେବ ।
