ବାରଣାସୀରେ ମୋଦୀଙ୍କ ଗାଡ଼ି ଉପରକୁ ଚପଲ ଫିଙ୍ଗାଯିବା ଘଟଣାରେ ଏପରି କହିଲେ ରାହୁଲ
ନୂଆଦିଲ୍ଲୀ: ବାରଣାସୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗାଡ଼ି ଉପରକୁ ଚପଲ ଫିଙ୍ଗିବା ଘଟଣାକୁ ନେଇ ମନ୍ତବ୍ୟ ଦେଇଛନ୍ତିକଂଗ୍ରେସ ସାଂସଦ ରାହୁଲ ଗାନ୍ଧୀ ମଙ୍ଗଳବାର । ରାହୁଲ ଏହି ଘଟଣାକୁ ନିନ୍ଦା କରିବା ସହ ଗାନ୍ଧୀବାଦୀ ଢଙ୍ଗରେ ବିକ୍ଷୋଭ ପ୍ରଦର୍ଶନ କରିବା ଉଚିତ ବୋଲି କହିଛନ୍ତି । ରାହୁଲ ଗାନ୍ଧୀ ଗୁରୁବାର ଏକ ସାମ୍ବାଦିକ ସମ୍ମିଳନୀ କରି ପ୍ରଶ୍ନପତ୍ର ଲିକ୍ ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ।
ସେ କହିଥିଲେ ଯେ ବିରୋଧୀ ମାନେ ସଂସଦରେ ପ୍ରଶ୍ନପତ୍ର ଲିକ୍ ପ୍ରସଙ୍ଗ ଉଠାଇବେ । ଏହି ସମୟରେ ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି ଯେ ନିର୍ବାଚନ ଫଳାଫଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଦୁର୍ବଳ କରିଛି ଏବଂ ବର୍ତ୍ତମାନ ଲୋକଙ୍କ ଭୟର ଅନ୍ତ ହେଉଛି ।
ଏହି ସାମ୍ବାଦିକ ସମ୍ମିଳନୀ ପରେ ରାହୁଲ ଗାନ୍ଧୀ କହିଛନ୍ତି, ସାମ୍ବାଦିକ ସମ୍ମିଳନୀରେ ଆଉ ଏକ ଗୁରୁତ୍ୱପୂର୍ଣ୍ଣ କଥା କହିବାକୁ ବାକି ରହିଛି । ନରେନ୍ଦ୍ର ମୋଦୀ ଏବଂ ତାଙ୍କ ଗାଡ଼ି ଉପରକୁ ଚପଲ ଫିଙ୍ଗିବା ଅତ୍ୟନ୍ତ ନିନ୍ଦନୀୟ ଏବଂ ସେମାନଙ୍କ ସୁରକ୍ଷାରେ ଏକ ଗମ୍ଭୀର ତ୍ରୁଟି । ସରକାରଙ୍କ ନୀତି ବିରୋଧରେ ଗାନ୍ଧୀବାଦୀ ଢଙ୍ଗରେ ପ୍ରତିବାଦ ପ୍ରକାଶ କରାଯିବା ଉଚିତ । ଗଣତନ୍ତ୍ରରେ ହିଂସା ଓ ଘୃଣାର ସ୍ଥାନ ନାହିଁ ।