ଅଗଷ୍ଟ ୧୫ ପୂର୍ବରୁ NIAକୁ ମିଳିଲା ବଡ଼ ସଫଳତା; UAEରୁ ଭାରତ ଆଣିଲା ବବର ଖାଲସା ଆତଙ୍କବାଦୀ

ନୂଆଦିଲ୍ଲୀ: ଆବୁଧାବିରୁ ମୋଷ୍ଟ ୱାଣ୍ଟେଡ୍ ଖଲିସ୍ତାନ ସମର୍ଥକ ତତ୍ତ୍ୱ ତରସେମ ସାନ୍ଧୁଙ୍କୁ ଭାରତ ଆଣିଛି ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ) । ବେଆଇନ କାର୍ଯ୍ୟକଳାପ ଆଇନ ଅଧୀନରେ ତାଙ୍କୁ ଗିରଫ କରାଯାଇ ଶୁକ୍ରବାର ଭାରତ ଅଣାଯାଇଛି । ଗିରଫ ଅଭିଯୁକ୍ତ ହେଉଛନ୍ତି ପଞ୍ଜାବର ତରନତାରନ୍ ବାସିନ୍ଦା ଲଖବୀର ସିଂହ ସାନ୍ଧୁ ଓରଫ ଲଣ୍ଡାଙ୍କ ଭାଇ । ଏବେ ସେ କାନାଡା ପାଇଁ କାମ କରୁଛନ୍ତି ବୋଲି କୁହାଯାଉଛି ।

ଅଧିକାରୀମାନେ କହିଛନ୍ତି ଯେ ତାରସେମ ସିଂ ବବର ଖାଲସା ଇଣ୍ଟରନ୍ୟାସନାଲ (ବିକେଆଇ) ସହିତ ଜଡିତ ଅଛନ୍ତି । ଏନଆଇଏ ଅନୁଯାୟୀ, ତରସେମ ସାନ୍ଧୁ ମେ ୨୦୨୨ରେ ପଞ୍ଜାବ ପୋଲିସଗୁଇନ୍ଦା ମୁଖ୍ୟାଳୟରେ ଆରପିଜି ଆକ୍ରମଣ ଏବଂ ଡିସେମ୍ବର ୨୦୨୨ରେ ତରନ ତାରନର ସରହାଲି ପୋଲିସ ଷ୍ଟେସନରେ ଆରପିଜି ଆକ୍ରମଣର ଷଡ଼ଯନ୍ତ୍ରରେ ସମ୍ପୃକ୍ତ ଥିଲେ ।

ପାକିସ୍ତାନ ଓ ଅନ୍ୟାନ୍ୟ ଦେଶରେ ରହୁଥିବା ଖଲିସ୍ତାନୀ କାର୍ଯ୍ୟକର୍ତ୍ତା, ଡ୍ରଗ୍ସ ଚୋରା ଚାଲାଣକାରୀଙ୍କ ସହ ଘନିଷ୍ଠ ସମ୍ପର୍କ ଥିବା ଅଭିଯୋଗରେ ଏନଆଇଏ ପକ୍ଷରୁ ବିଭିନ୍ନ ଚାର୍ଜସିଟ୍ରେ ତରସେମଙ୍କ ନାମ ରହିଛି । ଏନଆଇଏ ଅନୁଯାୟୀ, ତରସେମ ସାନ୍ଧୁ ବିଦେଶରେ ରହୁଥିବା ଆତଙ୍କବାଦୀଙ୍କ ଜରିଆରେ ଯୁବକମାନଙ୍କୁ ଆତଙ୍କବାଦୀ କାର୍ଯ୍ୟକଳାପ, ଜବରଦଖଲ, ସୀମା ପାର ଅସ୍ତ୍ରଶସ୍ତ୍ର ଚୋରା ଚାଲାଣ, ଭାରତରେ ଥିବା ତାଙ୍କ ସହଯୋଗୀମାନଙ୍କୁ ପ୍ରୋତ୍ସାହିତ କରିବାରେ ସମ୍ପୃକ୍ତ ଅଛନ୍ତି।