୪୦ ଲକ୍ଷରେ ବିକ୍ରି ହେଲା ବିରାଟଙ୍କ ଜର୍ସି; ଧୋନି-ରୋହିତଙ୍କ ବ୍ୟାଟ୍କୁ ବି ମିଳିଲା ବମ୍ପର ବିଡ୍
ମୁମ୍ୱାଇ: ନିକଟରେ ଭାରତୀୟ କ୍ରିକେଟର କେଏଲ ରାହୁଲ ଏବଂ ତାଙ୍କ ପତ୍ନୀ ଆଥିୟା ସେଟ୍ଟୀ ‘କ୍ରିକେଟ୍ ଫର୍ ଚାରିଟି’ ନିଲାମ ଆୟୋଜନ କରିଥିଲେ। ଅଭାବୀ ପିଲାଙ୍କୁ ଶିକ୍ଷା ପ୍ରଦାନ ପାଇଁ କାର୍ଯ୍ୟ କରୁଥିବା ବିପଲା ସଂସ୍ଥାକୁ ସାହାଯ୍ୟ କରିବା ପାଇଁ ଏହି ନିଲାମ କରାଯାଇଥିଲା। ଏହି ନିଲାମରେ ଅନେକ ଷ୍ଟାର୍ କ୍ରିକେଟର ନିଜର ଜିନିଷ ଦେଇଥିଲେ, ସେଥିମଧ୍ୟରୁ ଗୋଟିଏ ଥିଲା ବିରାଟ କୋହଲିଙ୍କ ଜର୍ସି, ଯାହା୪୦ ଲକ୍ଷ ଟଙ୍କାରେ ବିକ୍ରି ହୋଇଥିଲା ।
ବିରାଟ କୋହଲିଙ୍କ ଜର୍ସିକୁ ମିଳିଥିଲା ସବୁଠାରୁ ମହଙ୍ଗା ବିଡ୍ ଅର୍ଥାତ୍ ୪୦ ଲକ୍ଷ ଟଙ୍କା। ଏଥିସହିତ ତାଙ୍କ ଗ୍ଲୋଭ୍ସକୁ ମଧ୍ୟ ୨୮ ଲକ୍ଷ ଟଙ୍କାର ବିଡ୍ ମିଳିଛି। ଭାରତୀୟ ଟେଷ୍ଟ ଓ ଦିନିକିଆ ଅଧିନାୟକ ରୋହିତ ଶର୍ମାଙ୍କ ବ୍ୟାଟ୍ ୨୪ ଲକ୍ଷ ଟଙ୍କାରେ ବିକ୍ରି ହୋଇଛି। ଏହାବ୍ୟତୀତ ମହେନ୍ଦ୍ର ସିଂହ ଧୋନି ଓ ରାହୁଲ ଦ୍ରାବିଡଙ୍କ ବ୍ୟାଟ୍ କୁ ଯଥାକ୍ରମେ ୧୩ ଲକ୍ଷ ଓ ୧୧ ଲକ୍ଷ ଟଙ୍କାର ବିଡ୍ ମିଳିଥିଲା। ସେହିପରି ୧୧ ଲକ୍ଷ ଟଙ୍କାରେ ବିକ୍ରି ହୋଇଥିବା ଏହି ନିଲାମରେ କେଏଲ୍ ରାହୁଲ ନିଜ ଜର୍ସିକୁ ମଧ୍ୟ ସାମିଲ କରିଥିଲେ।
କେଏଲ ରାହୁଲ ଏବଂ ଆଥିୟା ସେଟ୍ଟୀଙ୍କ ଦ୍ୱାରା ଆରମ୍ଭ ହୋଇଥିବା ଏହି ଅଭିଯାନରେ ଜସପ୍ରୀତ ବୁମ୍ରା, ଋଷଭ ପନ୍ତ ଏବଂ ସଞ୍ଜୁ ସାମସନ୍ ମଧ୍ୟ ସେମାନଙ୍କୁ ସମର୍ଥନ କରିବାକୁ ପଡ଼ିଆକୁ ଓହ୍ଲାଇଛନ୍ତି। କେବଳ ଏତିକି ନୁହେଁ, ଜୋସ୍ ବଟଲର, କ୍ୱିଣ୍ଟନ୍ ଡି’କକ୍ ଏବଂ ନିକୋଲାସ ପୁରନଙ୍କ ଭଳି ଅନ୍ତର୍ଜାତୀୟ ତାରକା ମଧ୍ୟ ଏହି ଅଭିଯାନରେ ସାମିଲ ହୋଇଛନ୍ତି।
Kohli's Jersey – 40 LAKHS.
Kohli's gloves – 28 LAKHS.
Rohit's bat – 24 LAKHS.
Dhoni's bat – 13 LAKHS.
Dravid's bat – 11 LAKHS.
Rahul's Jersey – 11 LAKHS.In the auction conducted by KL Rahul & Athiya for helping needy children 👌 pic.twitter.com/jnYxmLkD2p
— Johns. (@CricCrazyJohns) August 23, 2024
ମିଳିଥିବା ସୂଚନା ଅନୁଯାୟୀ, ‘କ୍ରିକେଟ୍ ଫର୍ ଚାରିଟି’ ନିଲାମରେ ମୋଟ ୧ କୋଟି ୯୩ ଲକ୍ଷ ଟଙ୍କା ସଂଗ୍ରହ ହୋଇଛି। ରାହୁଲ ନିଜେ ଇନଷ୍ଟାଗ୍ରାମରେ ଏକ କାହାଣୀ ରଖି ଖୁସି ବ୍ୟକ୍ତ କରିଛନ୍ତି ଯେ ତାଙ୍କ ନିଲାମ ସଫଳ ହୋଇଛି ଏବଂ ସେ ଖୁସି ଯେ ଏହି ସମସ୍ତ ଟଙ୍କା ଅଭାବୀ ପିଲାଙ୍କ ପାଠପଢ଼ା ରେ ବ୍ୟବହୃତ ହେବ। ବିପଲା ଫାଉଣ୍ଡେସନ ସହଯୋଗରେ ଚାଲିଥିବା ଏହି ଅଭିଯାନ ପାଇଁ ଲୋକେ ରାହୁଲ ଏବଂ ଆଥିୟାଙ୍କୁ ପ୍ରଶଂସା କରୁଛନ୍ତି।
