ପାକିସ୍ତାନର ଖୋବର ପଖ୍ତୁନଖୱାରେ ଭୂସ୍ଖଳନ; ଗୋଟିଏ ପରିବାରର ୧୨ ଜଣଙ୍କ ମୃତ୍ୟୁ

ନୂଆଦିଲ୍ଲୀ: ପାକିସ୍ତାନର ଖୋବର ପଖ୍ତୁନଖୱା ପ୍ରଦେଶରେ ପ୍ରବଳ ବର୍ଷା ଯୋଗୁଁ ଭୂସ୍ଖଳନ ହୋଇଛି। ସୂଚନା ଅନୁସାରେ ଏହି ଭୂସ୍ଖଳନରେ ଗୋଟିଏ ପରିବାରର ୧୨ ଜଣଙ୍କମୃତ୍ୟୁ ଘଟିଛି । ଉପର ହରିଣ ଜିଲ୍ଲାର ଉଦ୍ଧାରକର୍ମୀମାନେ କହିଛନ୍ତି ଯେ ପ୍ରବଳ ବର୍ଷା ଯୋଗୁଁ ପରିବାରର ଘରର ଛାତ ଭୁଶୁଡ଼ି ପଡ଼ିଥିଲା ।

ମୃତକଙ୍କ ମଧ୍ୟରେ ପରିବାରର ୯ ଜଣ ପିଲା ମଧ୍ୟ ଥିଲେ, ସେମାନଙ୍କ ମୃତଦେହକୁ ଭଗ୍ନାବଶେଷରୁ ବାହାର କରାଯାଇଛି । ଗତ ଏକ ମାସ ଧରି ଖାଇବର ପଖତୁନଖୱାରେ ପ୍ରବଳ ବର୍ଷା ହେଉଛି । ଯାହା ଫଳରେ ବନ୍ୟାରେ ଏକ ବଡ଼ ପୋଲ ମଧ୍ୟ ଧୋଇ ଯାଇଛି । ସେପଟେ ଭୂସ୍ଖଳନ ଯୋଗୁଁ କାରାକୋରମ୍ ରାଜପଥର ଏକ ଅଂଶ ମଧ୍ୟ ବନ୍ଦ ହୋଇଯାଇଛି ।