ଆରମ୍ଭ ହେଲା iPhone 16 Series ସେଲ୍, ଏଇଠୁ କିଣିଲେ ମିଳିବ 67 ହଜାରର ଅଫର
ନୂଆଦିଲ୍ଲୀ: ଆଜିଠୁ ଭାରତରେ ଆରମ୍ଭ ହୋଇଛି ଆଇଫୋନ 16 ସିରିଜର ବିକ୍ରି । ଏହି ସିରିଜରେ 4ଟି ମଡେଲ ରହିଛି । iPhone 16, iPhone 16 Plus, iPhone 16 Pro ଏବଂ iPhone 16 Pro Max । ଆପଲର ଷ୍ଟୋର, ଅନଲାଇନ ପ୍ଲାଟଫର୍ମ ଏବଂ ଅନ୍ୟ ଅଧିକୃତ ରିଟେଲର୍ସଙ୍କ ଠାରୁ କିଣିପାରିବେ ଗ୍ରାହକ ।
ଆଇଫୋନ 16 ସିରିଜର ଦାମ୍- ଆଇଫୋନ 16ର ପ୍ରାରମ୍ଭିକ ମୂଲ୍ୟ 79 ହଜାର 900 ଟଙ୍କା ରହିଛି । ଏହି ଫୋନରେ 128 ଜିବି ଷ୍ଟୋରେଜ ରହିଛି । ଅନ୍ୟପଟେ 256 ଜିବିର ମୂଲ୍ୟ 89 ହଜାର 900 ଟଙ୍କା ରହିଥିବା ବେଳେ 512 ଜିବି ଭାରିଆଣ୍ଟର ଦାମ୍ 1 ଲକ୍ଷ 9 ହଜାର 900 ଟଙ୍କା ରହିଛି ।
ଅନ୍ୟପଟେ ଆଇଫୋନ 16 ପ୍ରୋର 128 ଜିବିର ଦାମ୍ ରହିଛି 1 ଲକ୍ଷ 19 ହଜାର 900 ଟଙ୍କା । ସେହିପରି 256GB, 512GB ଏବଂ 1TB ଭାରିଆଣ୍ଟର ଦାମ୍ 129900, 149900 ଏବଂ 1,69,900 ଟଙ୍କା ରହିଛି । ସେହିପରି iPhone 16 Pro Maxର ଦାମ୍ 1,44,900 ଟଙ୍କାରୁ ଆରମ୍ଭ ହେଉଛି । ସେହିପରି 512GB ଏବଂ 1TB ଭାରିଆଣ୍ଟର ଦାମ୍ 1,64,900 ଏବଂ 1,84,900 ଟଙ୍କା ରହିଛି ।
ଆଇଫୋନ 16 ଡିସକାଉଣ୍ଟ- ଆଇଫୋନ୍ 16 କିଣୁଥିବା ଉପଭୋକ୍ତାମାନେ ସିଲେକ୍ଟ ବ୍ୟାଙ୍କ କାର୍ଡ ମାଧ୍ୟମରେ 5000 ଟଙ୍କା ପର୍ଯ୍ୟନ୍ତ ରିହାତି ପାଇପାରିବେ । ଏହା ବ୍ୟତୀତ ଉପଭୋକ୍ତାମାନେ ଅଫିସିଆଲ୍ ୱେବସାଇଟରେ ଏକ ପୁରୁଣା ଉପକରଣ ବିନିମୟ କରି 67,500 ଟଙ୍କା ପର୍ଯ୍ୟନ୍ତ ଏକ ଏକ୍ସଚେଞ୍ଜ ଅଫର ମଧ୍ୟ ପାଇପାରିବେ । ଅନ୍ୟପଟେ ଗ୍ରାହକମାନେ ବିନା ମୂଲ୍ୟରେ EMI ମାଧ୍ୟମରେ ଫୋନ୍ କିଣିପାରିବେ । ଏହା ବ୍ୟତୀତ ଆପଲ୍ ଏକ ନୂତନ ଆଇଫୋନ୍ କିଣିବା ଉପରେ 3 ମାସ ପାଇଁ ଆପଲ୍ ମ୍ୟୁଜିକର ମାଗଣା ସବସ୍କ୍ରିପସନ୍ ମଧ୍ୟ ଦେଉଛି । ଏହି ନୂତନ ଆଇଫୋନ୍ ସିରିଜ୍ ଫୋନ୍ କିଣିବା ସମୟରେ, ଲୋକମାନେ 3 ମାସ ପାଇଁ ଆପଲ୍ ଟିଭି + ଏବଂ ଆପଲ୍ ଆର୍କେଡ୍ ମଧ୍ୟ ମାଗଣା ଆକ୍ସେସ୍ ପାଇବେ । ପ୍ରତିଥର ପରି ଆଜି ମଧ୍ୟ ଆପଲ ଷ୍ଟୋର ଆଗରେ ଧାଡି ଲଗାଇବେ ଆପଲ୍ ପ୍ରେମୀ ।