ଦୁର୍ଗାପୂଜା ପୂର୍ବରୁ ପଶ୍ଚିମବଙ୍ଗରେ ପହଞ୍ଚିଲା ଇଲିସି; ରାଜନୈତିକ ଅସ୍ଥିରତା ଭିତରେ ପଠାଇଲା ବାଂଲାଦେଶ
କୋଲକାତା: ଦୁର୍ଗାପୂଜା ପୂର୍ବରୁ ପଶ୍ଚିମବଙ୍ଗରେ ପହଞ୍ଚିଲା ଇଲିସି ମାଛ। ରାଜନୈତିକ ଅସ୍ଥିରତା ଭିତରେ ପଠାଇଲା ବାଂଲାଦେଶ। ହାୱଡାର ହୋଲସେଲ ମାଛ ବଜାରରେ ପହଞ୍ଚିଥିଲା ଇଲିସି ଗାଡ଼ି। ବାଂଲାଦେଶର ଆଭ୍ୟନ୍ତରୀଣ ରାଜନୈତିକ ଅସ୍ଥିରତା ମଧ୍ୟରେ ଏଥର ସାମାନ୍ୟ ବିଳମ୍ବ ହୋଇଛି ବୋଲି ହାୱାଡ଼ା ମାଛ ବଜାର ସଙ୍ଘର ମୁଖ୍ୟ କହିଛନ୍ତି। କିନ୍ତୁ ଗତକାଲି ପେଟ୍ରାପୋଲ ଜମି ସୀମାରୁ ୪୫ରୁ ୫୦ ମେଟ୍ରିକ୍ ଟନ୍ ଇଲିସି ମାଛର ପ୍ରଥମ ଚାଲାଣ ଶୁକ୍ରବାର ସକାଳୁ ହାୱଡ଼ା ଓ ସିଲିଗୁଡ଼ିର ମାଛ ବଜାରରେ ପହଞ୍ଚିଛି।
ବାଂଲାଦେଶର ‘ପଦ୍ମା’ ଇଲିସି ମାଛକୁ ନେଇ ଏଠାକାର ଲୋକଙ୍କ ମଧ୍ୟରେ ଭିନ୍ନ ପ୍ରକାର ଉତ୍ସାହ ରହିଛି। ବର୍ତ୍ତମାନ ବଜାରରେ ଏହାର ମୂଲ୍ୟ କିଲୋ ପିଛା ୧୪୦୦ରୁ ୧୫୦୦ ଟଙ୍କା ରହିଛି। ଯଦି ଶନିବାରଠାରୁ ଇଲିସି ମାଛ ଆସିବା ଆରମ୍ଭ ହୁଏ, ତେବେ ଖୁବଶୀଘ୍ର ଦର କମିବ ବୋଲି ସେ କହିଛନ୍ତି। ଇଲିସି ମାଛ ଉତ୍ପାଦନରେ ବାଂଲାଦେଶ ସବୁଠାରୁ ବଡ଼ ଦେଶ। ଗତ ଅଗଷ୍ଟ ୫ ତାରିଖରେ ଦେଶରେ ପ୍ରବଳ ରାଜନୈତିକ ଅସ୍ଥିରତା ମଧ୍ୟରେ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଇସ୍ତଫା ଦେଇ ଦେଶ ଛାଡ଼ିବାକୁ ପଡ଼ିଥିଲା।
ଏହାପରେ ଗଠିତ ଅନ୍ତରୀଣ ସରକାର ପୂର୍ବରୁ ଥିବା କଟକଣାକୁ କଡ଼ାକଡ଼ି କରିଥିଲେ। ବାଂଲାଦେଶର ମତ୍ସ୍ୟ ମନ୍ତ୍ରଣାଳୟର ଉପଦେଷ୍ଟା ଫରିଦା ଅଖତର କହିଛନ୍ତି, “ସରକାର ପ୍ରଥମେ ସ୍ଥାନୀୟ ଲୋକଙ୍କ ପାଖରେ ପସନ୍ଦର ମାଛ ପହଞ୍ଚାଇବାକୁ ଚେଷ୍ଟା କରୁଛନ୍ତି। ନିଷେଧାଦେଶ ସତ୍ତ୍ୱେ ଏବେ ବି ଅନେକ ମାଛ ଭାରତରେ ରହିଛି। ଏବେ ଆମେ ଆଉ ଇଲିସି ମାଛ ଗାଡ଼ିକୁ ସୀମା ପାର ହେବାକୁ ଦେବୁ ନାହିଁ।