ପାକିସ୍ତାନ ଗସ୍ତକୁ ନେଇ ମୁହଁ ଖୋଲିଲେ ବୈଦେଶିକ ମନ୍ତ୍ରୀ ଏସ ଜୟଶଙ୍କର
ନୂଆଦିଲ୍ଲୀ: ଭାରତୀୟ ବୈଦେଶିକ ବ୍ୟାପାର ମନ୍ତ୍ରଣାଳୟ ଶୁକ୍ରବାର ସାପ୍ତାହିକ ସାମ୍ବାଦିକ ସମ୍ମିଳନୀରେ କହିଛି ଯେ ବୈଦେଶିକ ବ୍ୟାପାର ମନ୍ତ୍ରୀ ଜୟଶଙ୍କର ସାଂଘାଇ ସହଯୋଗ ସଂଗଠନ ଶିଖର ସମ୍ମିଳନୀରେ ଅଂଶଗ୍ରହଣ କରିବାକୁ ପାକିସ୍ତାନ ଯିବେ । ଏବେ ପାକିସ୍ତାନ ଗସ୍ତକୁ ନେଇ ପ୍ରତିକ୍ରିୟା ରଖିଛନ୍ତି ବୈଦେଶିକ ମନ୍ତ୍ରୀ ଏସ ଜୟଶଙ୍କର ।
ଶାଂଘାଇ ସହଯୋଗ ସଂଗଠନ (ଏସ୍ ସିଓ) ବୈଠକରେ ଯୋଗଦେବା ପାଇଁ ମୁଁ ଚଳିତ ମାସ ମଧ୍ୟଭାଗରେ ପାକିସ୍ତାନ ଗସ୍ତ କରିବି ବୋଲି ବୈଦେଶିକ ମନ୍ତ୍ରୀ ଏସ ଜୟଶଙ୍କର କହିଛନ୍ତି । ସେ କହିଛନ୍ତି ଯେ ସାଧାରଣତଃ ପ୍ରଧାନମନ୍ତ୍ରୀ ସରକାର ମୁଖ୍ୟଙ୍କ ଉଚ୍ଚସ୍ତରୀୟ ବୈଠକରେ ଯୋଗ ଦେବାକୁ ଯାଆନ୍ତି । ଦୁଇ ଦେଶ ମଧ୍ୟରେ ସମ୍ପର୍କ ଥିବାରୁ ଗଣମାଧ୍ୟମ ପ୍ରତି ଅଧିକ ଆଗ୍ରହ ରହିବ ବୋଲି ସେ କହିଛନ୍ତି ।
“ମୋର ଗସ୍ତ ଏକ ବହୁପକ୍ଷୀୟ କାର୍ଯ୍ୟକ୍ରମ ପାଇଁ । ମୁଁ ସେଠାରେ ଭାରତ-ପାକିସ୍ତାନ ସମ୍ପର୍କ ଉପରେ ଆଲୋଚନା କରିବି ନାହିଁ । ମୁଁ ଏସସିଓର ଜଣେ ଭଲ ସଦସ୍ୟ ହେବାକୁ ସେଠାକୁ ଯାଉଛି । କିନ୍ତୁ ଆପଣ ଜାଣନ୍ତି ଯେ ମୁଁ ଜଣେ ନମ୍ର ଏବଂ ଭଦ୍ର ବ୍ୟକ୍ତି । ତେଣୁ ମୁଁ ମଧ୍ୟ ସମାନ ଆଚରଣ କରିବି ।
