Smart City ହେବ କଟକ: ସିଲିଭର ସିଟିକୁ ମିଳିବ ନୂଆ Tag, ଦଶହରାରେ ମୁଖ୍ୟମନ୍ତ୍ରୀଙ୍କ ଉପହାର

କଟକ: ମା’ ଦୁର୍ଗାଙ୍କ ପୂଜା ଉତ୍ସବରେ କମ୍ପି ଉଠୁଛି ସାରା କଟକ ସହର । ଦଶହରା ପାଇଁ ପ୍ରସିଦ୍ଧି ଲାଭ କରିଥିବା କଟକରେ ଜମୁଛି ଶ୍ରଦ୍ଧାଳୁଙ୍କ ଭିଡ଼ । ଏହି ଦଶହରାରେ ପର୍ବରେ କଟକ ସହରକୁ ବଡ଼ ଭେଟି ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ସିଲଭର ସିଟି କଟକକୁ ଏବେ ମିଳିବ ସ୍ମାର୍ଟ ସିଟି ଆଖ୍ୟା । କଟକରେ ବିଭିନ୍ନ ପୂଜା ମଣ୍ଡପରେ ମା’ଙ୍କ ଦର୍ଶନ କରିବା ସମୟରେ ମୁଖ୍ୟମନ୍ତ୍ରୀ ଏହି ଘୋଷଣା କରିଛନ୍ତି ।

ଆଗାମୀ ଦିନରେ କଟକ ସହର ସ୍ମାର୍ଟ ସିଟିର ପରିଚୟ ପାଇବ ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି । କଟକକୁ ସିଲଭର ସିଟିରୁ ସ୍ମାର୍ଟ ସିଟି କରିବା ଦିଗରେ ସରକାର ସଚେତନା ଅଛନ୍ତି । ପୂର୍ବରୁ କଟକକୁ ସ୍ମାର୍ଟ ସିଟି କରିବା ପାଇଁ ବହୁ ଦାବି ହୋଇ ଆସିଛି । ତେଣୁ ବର୍ତ୍ତମାନ କଟକକୁ ଏକ ସ୍ମାର୍ଟ ସିଟିର ପରିଚୟ ପ୍ରଦାନ କରିବା ପାଇଁ ସମୟ ଆସିଛି । ତେବେ ପରବର୍ତ୍ତୀ ପର୍ଯ୍ୟାୟରେ କଟକ ଆସି ଏ ନେଇ ରିଭ୍ୟୁ କରିବାକୁ ପ୍ରତିଶ୍ରୁତି ଦେଇଛନ୍ତି ମୁଖ୍ୟମନ୍ତ୍ରୀ ।