ବନ୍ଦ ହେବାକୁ ଯାଉଛି ସବୁ ମଦ୍ରାସା!; NCPCRର ଚିଠି, ସାଧାରଣ ସ୍କୁଲରେ ଭର୍ତ୍ତି ହେବେ ମଦ୍ରାସାରେ ପଢ଼ୁଥିବା ପିଲା
ନୂଆଦିଲ୍ଲୀ: ସମସ୍ତ ମଦ୍ରାସା ବୋର୍ଡକୁ ବନ୍ଦ କରିବାକୁ ସୁପାରିସ କଲା ଏନ୍ସିପିସିଆର୍ । ମଦ୍ରାସା ବୋର୍ଡ ସହ ତାକୁ ରାଜ୍ୟ ପାଣ୍ଠି ଯୋଗାଣ ବନ୍ଦ କରିବାକୁ ସୁପାରିସ । ଏନେଇ ସବୁ ରାଜ୍ୟର ମୁଖ୍ୟ ସଚିବଙ୍କୁ ଚିଠି କଲେ ଏନ୍ସିପିସିଆର୍ ଅଧ୍ୟକ୍ଷ । ‘ମଦ୍ରାସାରେ ପିଲାମାନଙ୍କୁ ପ୍ରାଥମିକ ଶିକ୍ଷା ଠିକ୍ ଭାବେ ଦିଆଯାଉନାହିଁ ।
ଜାତୀୟ ଶିକ୍ଷାନୀତି ଅନୁସାରେ ମଦ୍ରାସାରେ ପାଠ ପଢ଼ାଯାଉନାହିଁ । ମଦ୍ରାସା ମାନଙ୍କରେ ଜାତୀୟ ଶିକ୍ଷାନୀତିର ଖୋଲା ଉଲ୍ଲଂଘନ କରାଯାଉଛି । ମଦ୍ରାସାରେ ପଢ଼ୁଥିବା ଅଣମୁସଲିମ୍ ପିଲାଙ୍କୁ ଆଣି ସ୍କୁଲରେ ଆଡମିଶନ କରାଯାଉ । ମଦ୍ରାସାରେ ପଢୁଥିବା ମୁସଲିମ୍ ପିଲାଙ୍କୁ ମଧ୍ୟ ସାଧାରଣ ସ୍କୁଲରେ ଭର୍ତ୍ତି କରାଯାଉ ।’ ଏପରି କହିଛନ୍ତି ଏନ୍ସିପିସିଆର୍ ଅଧ୍ୟକ୍ଷ ।
ଏହି ରିପୋର୍ଟରେ ୧୧ଟି ଅଧ୍ୟାୟ ରହିଛି । ଏହି ରିପୋର୍ଟରେ ମଦ୍ରାସାର ଐତିହାସିକ ଭୂମିକା ଏବଂ ପିଲାଙ୍କ ଶିକ୍ଷାଗତ ଅଧିକାର ଉପରେ ଏହାର ପ୍ରଭାବ ବିଷୟରେ ଆଲୋଚନା କରାଯାଇଛି । ଏନସିପିସିଆର ସୁପାରିସ କରିଛି ଯେ ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରେ ମଦ୍ରାସାକୁ ସରକାରୀ ପାଣ୍ଠି ବନ୍ଦ କରାଯାଉ । ମଦ୍ରାସା ବୋର୍ଡକୁ ମଧ୍ୟ ବନ୍ଦ କରାଯାଉ ।
ସୂଚନା ଅଧିକାର ଆଇନ ଅନୁଯାୟୀ ଅଣମୁସଲମାନ ପିଲାଙ୍କୁ ମଦ୍ରାସାରୁ ହଟାଇ ଆନୁଷ୍ଠାନିକ ବିଦ୍ୟାଳୟରେ ଭର୍ତ୍ତି କରିବାକୁ କମିଶନ ସୁପାରିସ କରିଛନ୍ତି। ବର୍ତ୍ତମାନ ମଦ୍ରାସାରେ ପଢୁଥିବା ମୁସଲମାନ ପିଲାମାନେ ଯେପରି ନିର୍ଦ୍ଧାରିତ ଶିକ୍ଷା ଓ ପାଠ୍ୟକ୍ରମ ପାଇପାରିବେ ସେଥିପାଇଁ ସେମାନଙ୍କୁ ଆନୁଷ୍ଠାନିକ ବିଦ୍ୟାଳୟରେ ଭର୍ତ୍ତି କରିବାକୁ ପରାମର୍ଶ ଦିଆଯାଇଛି।
