ଭୟଙ୍କର ସିଲିଣ୍ଡର ବ୍ଲାଷ୍ଟ; ଜଳିଗଲା ୧୦ ବଖରା ଘର, ଉଦ୍ଧାର କାର୍ଯ୍ୟ ଜାରି

ଖଲ୍ଲିକୋଟ: ସକାଳୁ ସକାଳୁ ଖଲ୍ଲିକୋଟ ଅଞ୍ଚଳରେ ଘଟିଯାଇଛି ଏକ ଭୟଙ୍କର ଘଟଣା । ଗ୍ୟାସ ସିଲିଣ୍ଡର ଫାଟିବା ଯୋଗୁଁ ଏକ ଭୟଙ୍କର ଅଗ୍ନିକାଣ୍ଡ ଦେଖିବାକୁ ମିଳିଛି । ଏହି ଦୁର୍ଘଟଣାରେ ୧୦ ବଖରା ଘର ଜଳିଯାଇଥିବା ସୂଚନା ମିଳିଛି । ଖଲ୍ଲିକୋଟ ଥାନା ଅନ୍ତର୍ଗତ କମଳାପଦର ଗ୍ରାମରେ ସିଲିଣ୍ଡର ବ୍ଲାଷ୍ଟ ଯୋଗୁଁ ଏଭଳି ଏକ ଭୟଙ୍କର ଅଘଟଣ ଘଟିଯାଇଛି । ୩ଟି ପରିବାରର ମୋଟ ୧୦ ବଖରା ଘର ଜଳି ପୋଡ଼ି ଭସ୍ମୀଭୂତ ହୋଇ ଯାଇଥିବା ଖବର ମିଳିଛି । ତେବେ ଏହି ଅଗ୍ନିକାଣ୍ଡରେ ସମସ୍ତ ପରିବାରରର ସଦସ୍ୟ ସୁରକ୍ଷିତ ଭାବରେ ଉଦ୍ଧାର ହୋଇଛନ୍ତି । ଘରେ ଶୋଇଥିବା ବେଳେ ଅଚାନକ ଭୋର୍ ସମୟରେ ସିଲିଣ୍ଡର ବ୍ଲାଷ୍ଟ ହୋଇ ନିଆଁ ଲାଗିଥିବା ସୂଚନା ମିଳିଛି । ଖବର ପାଇବା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭା କାର୍ଯ୍ୟ ଜାରି ରଖିଛନ୍ତି ।