ଭାରତୀୟ କ୍ରିକେଟ୍ ଦଳରେ ମନୋନୀତ ହେବା ପରେ କ’ଣ କହିଲେ ହର୍ଷିତ ରାଣା

ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ବର୍ଡର ଗାଭାସ୍କର ଟ୍ରଫି ୨୦୨୪-୨୫ ପାଇଁ ହର୍ଷିତ ରାଣା ଟିମ୍ ଇଣ୍ଡିଆରେ ମନୋନୀତ ହୋଇଛନ୍ତି । ଇଏସ୍ପିଏନ୍କୁ ଦେଇଥିବା ଏକ ସାକ୍ଷାତକାରରେ କ୍ରିକେଟର ହର୍ଷିତ ରାଣା କହିଛନ୍ତି, “ଯେତେବେଳେ ଦଳ ଘୋଷଣା ହୋଇଥିଲା ସେତେବେଳେ ମୁଁ ଜାଣିବାକୁ ପାଇଲି ଯେ ମୁଁ ଅଷ୍ଟ୍ରେଲିଆ ଯାଉଛି । କିନ୍ତୁ ମୋତେ ଏକ ସଙ୍କେତ ମିଳିଥିଲା ଯେ ମୋତେ ଅଷ୍ଟ୍ରେଲିଆ ଗସ୍ତ ପାଇଁ ଚୟନ କରାଯାଇପାରେ କାରଣ ସେମାନେ ମୋତେ ପ୍ରସ୍ତୁତି ପାଇଁ ଦଳ ସହିତ ରଖିଥିଲେ ।

ଅଷ୍ଟ୍ରେଲିଆ ଗସ୍ତ ପାଇଁ ମନୋନୀତ ହେବା ମୋ ପାଇଁ ବଡ଼ କଥା । ପଡ଼ିଆରେ କ୍ରିକେଟ୍ ଖେଳିବାକୁ ମୁଁ ଯେଉଁ ଭଳି ପ୍ରତିଯୋଗିତାମୂଳକ ମନୋଭାବ ପସନ୍ଦ କରେ ତାହା ଅଷ୍ଟ୍ରେଲିଆ ଭଳି । ମୋ ବାପାଙ୍କ ସ୍ୱପ୍ନ ଲର୍ଡସରେ ଇଂଲଣ୍ଡ ବିପକ୍ଷରେ ଟେଷ୍ଟ ଖେଳିବା, କିନ୍ତୁ ମୁଁ ବ୍ୟକ୍ତିଗତ ଭାବେ ଅଷ୍ଟ୍ରେଲିଆକୁ ଅଧିକ ପସନ୍ଦ କରେ । ଏହି ଗସ୍ତ ପାଇଁ ମୋ ନାଁ ଆସିଥିବାରୁ ମୁଁ ନିଜ ପାଇଁ ଗର୍ବିତ । ” ଗୁରୁତ୍ୱପୂର୍ଣ୍ଣ କଥା ହେଉଛି ଏହି ସିରିଜ୍ ଜରିଆରେ ସେ ଅନ୍ତର୍ଜାତୀୟ ସ୍ତରରେ ପଦାର୍ପଣ କରିବେ ।