ଜମି ବିବାଦରୁ ଡବଲ ମର୍ଡର, ବାପ-ପୁଅକୁ ଛୁରୀ ଭୁସି ହତ୍ୟା

ପୁରୀ: ଜମି ବିବାଦରୁ ପୁରୀରେ ଗଡିଲା ମୁଣ୍ଡ । ଜମିପାଇଁ ବାପାପୁଅକୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ସଦରଥାନା ସମଗରା ଗ୍ରାମରେ ଏହି ଭୟାନକ ହତ୍ୟାକାଣ୍ଡ ହୋଇଥିବା ଜଣାପଡିଛି । ପ୍ରଥମେ ପୁଅର ମୃତ୍ୟୁ ହୋଇଥିବା ବେଳେ ବାପା ମଧ୍ୟ ହସ୍ପିଟାଲରେ ଆଖି ବୁଜିଛନ୍ତି । ତେବେ ମୃତ ପୁଅର ନାମ ପ୍ରକାଶ ସ୍ବାଇଁ ହୋଇଥିବା ବେଳେ ବାପାର ନାମ ପ୍ରକାଶ ସ୍ବାଇଁ । ସଦର ମୁଖ୍ୟ ଚିକିତ୍ସାୟରେ ଚିକିତ୍ସିତ ହେଉଥିବା ସମୟରେ ତାଙ୍କର ମୃତ୍ୟୁ ହୋଇଛି । ତେବେ ଖବର ପାଇ ସଦର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ସୂଚନା ଅନୁସାରେ, ବାପା ପୁଅ ଏକ ଭୋଜି ଖାଇବା ପାଇଁ ଯାଇଥିବା ବେଳେ ଫେରିବା ବାଟରେ 3ଜଣ ଯୁବକ ତାଙ୍କୁ ଅତର୍କିତ ଭାବେ ଆକ୍ରମଣ କରିଥିଲେ । ତାଙ୍କୁ ଛୁରୀରେ ଆକ୍ରମଣ କରିଥିଲେ । ତେବେ ପ୍ରକାଶ ସ୍ବାଇଁ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ବାପାଙ୍କର କଟକ ହସ୍ପିଟାଲରେ ମୃତ୍ୟୁ ହୋଇଛି । ଦୁଇ ପରିବାର ମଧ୍ୟରେ ଦୀର୍ଘଦିନ ଧରି ବିବାଦ ଲାଗି ରହିଥିବା ବେଳେ ଗତକାଲି ରାତିରେ ଏହା ଉଗ୍ର ରୂପ ନେଇଥିଲା । ତେବେ ଏହି ଘଟଣାପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ଏହାକୁ ନେଇ ଗ୍ରାମରେ ଉତ୍ତେଜନା ମଧ୍ୟ ଦେଖାଯାଇଛି ।