(Video) ମହିଳାଙ୍କୁ ପଛରୁ ଧକ୍କା ଦେଇ ଖୁଣ୍ଟରେ ପିଟିହେଲା କାର୍, ଦେଖନ୍ତୁ LIVE ଭିଡିଓ
ନୂଆଦିଲ୍ଲୀ: ମୃତ୍ୟୁ କେବେ ଏବଂ କିପରି ଆସିବ ତାହା କେବେ କାହାକୁ ଜଣାନଥାଏ । ଏଭଳି ଏକ ସମାନ ଘଟଣା ସାମ୍ନାକୁ ଆସିଛି ଗ୍ରେଟର ନୋଏଡାରୁ । ତେବେ ମତ୍ୟୁ ସମୟର ଭିଡିଓ ସିସିଟିଭି କ୍ୟାମେରାରେ କଏଦ ହୋଇଛି । କାର୍ ଚଢିଯିବାକୁ ମହିଳାଙ୍କ ମୃତ୍ୟୁ ହୋଇଛି । ତେବେ ଦୁର୍ଘଟଣାକୁ ଦେଖିଲେ ଲୋମ ଟାଙ୍କୁରି ଉଠୁଛି । ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭିଡିଓରେ ଦେଖାଯାଇଛି ଯେ, ମହିଳାଜଣକ ରାସ୍ତାର ବାମ ପାର୍ଶ୍ବରେ ଚାଲୁଛନ୍ତି । ଏହି ସମୟରେ ପଛରୁ ଏକ ନାଲି ରଙ୍ଗର ଦ୍ରୁତଗାମୀ ଏସୟୁଭି କାର୍ ଆସି ପଛପଟୁ ମହିଳାଙ୍କୁ ପିଟିଦେବା ସହିତ ତାଙ୍କ ଉପରେ ଚଢାଇ ଦେଉଛି । ଟ୍ରାକ୍ଟରକୁ ଓଭରଟେକ କରି ମହିଳାଙ୍କୁ ଧକ୍କା ଦେଇଥିଲା କାର୍ । ତେବେ ଦୁର୍ଘଟଣା ଏତେ ଭୟଙ୍କର ରହିଥିଲା ଯେ, ଘଟଣାସ୍ଥଳରେ ହିଁ ମହିଳାଙ୍କର ମୃତ୍ୟୁ ହୋଇଛି । ତେବେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ତଦନ୍ତରୁ ଜଣାପଡିଛି ଯେ, ଗାଡି ଚାଳକ ନାବାଳକ ଅଟନ୍ତି । ପୋଲିସ ନାବାଳକକୁ ହେପାଜତକୁ ନେଇ ପଚରାଉଚରା ଆରମ୍ଭ କରିଛି । ଗାଡ଼ି ସହ ମହିଳା ଜଣଙ୍କ ନିକଟରେ ଥିବା ବିଦ୍ୟୁତ ଖୁଣ୍ଟରେ ପିଟି ହୋଇଯାଇଥିଲା। ଘଟଣା ସ୍ଥଳରେ ମହିଳାଙ୍କ ମୃତ୍ୟୁ ହୋଇଥିବା ବେଳେ ଗାଡ଼ିର ସାମ୍ନା ପଟ ପୂରା ଛିନଛତ୍ର ହୋଇଯାଇଛି । ମୃତ୍ୟୁର ଲାଇଭ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ମୃତ ମହିଳାଜଣକ ଉତ୍ତରପ୍ରଦେଶର ବୋଲି ପୋଲିସ ପକ୍ଷରୁ କୁହାଯାଇଛି ।
बिसरख में एक दिल दहला देने वाली घटना में रईसज़ादे की तेज़ रफ्तार कार ने एक मजदूर महिला को टक्कर मार दी, जिससे उसकी मौके पर ही मौत हो गई। इस दुर्घटना ने दो बच्चों को अपनी माँ से हमेशा के लिए अलग कर दिया।
स्थानीय पुलिस ने कार को जब्त कर लिया है, लेकिन SHO के अनुसार, गाड़ी के मालिक… pic.twitter.com/K9ewKvA128
— Federal Bharat (@FederalBharat) October 31, 2024
