Decemberରେ ଧନଧାନ୍ୟରେ ପୂରିବ ଘର: ଏହି ରାଶିଙ୍କ ପାଇଁ ସଫଳତା ଆଣିବ ମାସର ପ୍ରଥମ ସପ୍ତାହ
ଓଡ଼ିଶା ଭାସ୍କର: ଚାହୁଁ ଚାହୁଁ ୨୦୨୪ର ଡିସେମ୍ବର ମାସରେ ଆମେ ପହଞ୍ଚି ସାରିଲେଣି । ଆଜିଠାରୁ ଆରମ୍ଭ ହୋଇଛି ବର୍ଷର ଶେଷ ମାସ । ଏହି ମାସରେ ଅନେକ ପରିବର୍ତ୍ତନ ଦେଖିବାକୁ ମିଳିବ । ରାଶି-ନକ୍ଷତ୍ର ମଧ୍ୟ ଅନେକ ପରିବର୍ତ୍ତନ ଆଣିବେ । ଡିସେମ୍ବର ମାସର ପ୍ରଥମ ସପ୍ତାହ ବା (୨ ତାରିଖରୁ ୮ ତାରିଖ ) ଅନେକ ରାଶି ପାଇଁ ସଫଳତା ଆଣିପାରିବ । ଏହି ସପ୍ତାହ କିଛିଟା ରାଶିଙ୍କୁ ଧନଧାନ୍ୟରେ ଭରି ଦେବ । ରାଶିଚକ୍ରର ୬ଟି ରାଶିଙ୍କ ପାଇଁ ମାସର ପ୍ରଥମ ସପ୍ତାହ ବେଶ୍ ଧନଧାନ୍ୟର ସମ୍ଭାବ ନେଇ ଆସିବ । ଜୀବନର ବିଭିନ୍ନ ସମସ୍ୟା ମଧ୍ୟ ଦୂର ହେବ ।
ବୃଷ: ଡିସେମ୍ବର ମାସର ପ୍ରଥମ ସପ୍ତାହରେ ବୃଷ ରାଶି ପାଇଁ ବେଶ୍ ଲାଭଦାୟକ ହୋଇପାରେ । ଏହି ସପ୍ତାହରେ ବୃଷ ରାଶିର ବ୍ୟକ୍ତିବିଶେଷଙ୍କ ପାଇଁ ଧନଲାଭ ହେବାର ଯୋଗ ରହିଛି । ଅଟକି ରହିଥିବା କାମ ପୂରଣ ହେବା ସହିତ ସମ୍ପତ୍ତି ଲାଭ ହେବାର ସମ୍ଭାବନା ଅଛି । ଶରୀର ସୁସ୍ଥ ରହିବ, ଧନଲାଭ ହେବ ଏବଂ କ୍ୟାରିୟରରେ ସଫଳତା ମିଳିପାରିବ ।
କର୍କଟ: ଏହି ରାଶିର ବ୍ୟକ୍ତିବିଶେଷଙ୍କ ପାଇଁ ଶୁଭଫଳ ଆଣିବ ଡିସେମ୍ବରର ପ୍ରଥମ ସପ୍ତାହ । ଚାକିରି ତଥା ବ୍ୟବସାୟ କ୍ଷେତ୍ରରେ ଲାଭବାନ୍ ହେବେ ଏହି ରାଶିର ଲୋକେ । ଏହି ସପ୍ତାହରେ ଆପଣଙ୍କୁ କିଛି ଶୁଭ ଖବର ମିଳିପାରେ । କିଛି ମହତ୍ତ୍ୱପୂର୍ଣ୍ଣ କାର୍ଯ୍ୟରେ ମଧ୍ୟ ସଫଳତା ଆସିପାରେ ।
ତୁଳା: ଡିସେମ୍ବର ପ୍ରଥମ ସପ୍ତାହରେ ଏହି ରାଶିର ବ୍ୟକ୍ତିବିଶେଷଙ୍କୁ ଅନେକ କାର୍ଯ୍ୟରେ ସଫଳତା ମିଳିବ । ଧନସମ୍ପତ୍ତିରେ ସୁଧାର ଆସିବ । ବ୍ୟୟ ହ୍ରାସ ପାଇବ ଏବଂ ସ୍ୱାସ୍ଥ୍ୟ ମଧ୍ୟ ଭଲ ରହିବ । ଏହି ରାଶିର ବ୍ୟକ୍ତିବିଶେଷଙ୍କୁ ସନ୍ତାନଙ୍କ ତରଫରୁ କୌଣସି ଶୁଭ ଖବର ମିଳିପାରେ ।
ମକର: ମକର ରାଶିର ବ୍ୟକ୍ତିବିଶେଷଙ୍କ ପାଇଁ ଡିସେମ୍ବର ପ୍ରଥମ ସପ୍ତାହରେ ଧନଲାଭର ଯୋଗ ରହିଛି । ପ୍ରପର୍ଟିରେ ନିବେଶ ପାଇଁ ଏହି ସମୟ ଅତ୍ୟନ୍ତ ଶୁଭ । ଏହି ସପ୍ତାହରେ ଯାନବାହନ କିଣିବା କିମ୍ବା ଅନ୍ୟ କିଛି ଶୁଭ କାର୍ଯ୍ୟ କରିବାର ଯୋଗ ରହିଛି ।
କୁମ୍ଭ: କୁମ୍ଭ ରାଶିର ଲୋକଙ୍କ ପାଇଁ ଶେଷ ମାସର ପ୍ରଥମ ସପ୍ତାହରେ ବ୍ୟବସାୟ ସ୍ଥିତି ଭଲ ରହିବ । ପରିବାରରେ ହସଖୁସି ଫେରିବା ସହିତ ଅଟକି ରହିଥିବା କାର୍ଯ୍ୟ ପୂରଣ ହେବ । ଦୀର୍ଗ ଦିନରୁ ରହିଥିବା ପୁରୁଣା ରୋଗ ଦୂର ହେବା ସହିତ ସ୍ୱାସ୍ଥ୍ୟ ଭଲ ରହିବ ।
ମୀନ: ଡିସେମ୍ବର ପ୍ରଥମ ସପ୍ତାହରେ ମୀନ ରାଶିର ବ୍ୟକ୍ତିବିଶେଷଙ୍କୁ କ୍ୟାରିୟର କ୍ଷେତ୍ରରେ ବଡ଼ ସଫଳତା ମିଳିପାରିବ । ସମ୍ପର୍କକୁ ନେଇ ରହିଥିବା ବିଭିନ୍ନ ସମସ୍ୟାର ସମାଧାନ ହେବ । ତେବେ ଚାକିରି କିମ୍ବା ବ୍ୟବସାୟ କାରଣରୁ ଦୂରଯାତ୍ରା କରିପାରନ୍ତି ।