ପ୍ରେମ ମଇଦାନରେ Debut କଲେ ସିରାଜ! ଏହି TV ଅଭିନେତ୍ରୀଙ୍କୁ କରୁଛନ୍ତି ଡେଟ୍, ସୋସିଆଲ ମିଡିଆରେ ଚର୍ଚ୍ଚା

ନୂଆଦିଲ୍ଲୀ: କ୍ରିକେଟରଙ୍କ ସହ ଅଭିନେତ୍ରୀଙ୍କ ପ୍ରେମ ସମ୍ପର୍କ ନୂଆ କଥା ନୁହେଁ । ବଲିଉଡ ଜଗତର ଅନେକ ହିରୋଇନଙ୍କ ସହ କ୍ରିକେଟରଙ୍କ ନାଁ ଯୋଡ଼ି ହୋଇଛି ଏବଂ ଅନେକ ଯୋଡ଼ି ମଧ୍ୟ ଦେଖିବାକୁ ମିଳିଛି । ବିରାଟ-ଅନୁଷ୍କା ଏବଂ ରାହୁଲ-ଆଥିୟା ଯୋଡ଼ି ପରେ ଏବେ ଆଉ ଜଣେ ଷ୍ଟାର କ୍ରିକେଟରଙ୍କ ନାଁ ଏଥିରେ ସାମିଲ ହୋଇଛି । ଟିମ ଇଣ୍ଡିଆର ଷ୍ଟାର କ୍ରିକେଟର ମହମ୍ମଦ ସିରାଜ ଏବେ ପ୍ରେମ ମଇଦାନରେ ଡେବ୍ୟୁ କରିବାକୁ ଯାଉଛନ୍ତି ବୋଲି ଚର୍ଚ୍ଚା ଜୋର ଧରିଛି । ସେ ବର୍ତ୍ତମାନ ଟେଲିଭିଜନ ଦୁନିଆର ସୁନ୍ଦରୀ ଅଭିନେତ୍ରୀ ମାହିରାଙ୍କୁ ଡେଟ୍ କରୁଥିବା ନେଇ ସବୁଠି ଚର୍ଚ୍ଚାର ବିଷୟ ପାଲଟିଛି ।

କୁହାଯାଉଛି ଯେ, ଟେଲିଭିଜନ ସୁନ୍ଦରୀ ମାହିରା ଏବେ କ୍ରିକେଟର ମହମ୍ମଦ ସିରାଜଙ୍କୁ ଡେଟ୍ କରୁଛନ୍ତି । ସିରାଜ, ଇନଷ୍ଟାଗ୍ରାମରେ ମାହିରାଙ୍କ ଏକ ଫଟୋକୁ ଲାଇକ କରିବା ପରେ ଏହି ଚର୍ଚ୍ଚା ଆରମ୍ଭ ହୋଇଛି । କୌଣସି ସମ୍ପର୍କ ନଥାଇ ମହମ୍ମଦ କାହିଁକି ମାହିରାଙ୍କ ଫଟୋକୁ ପସନ୍ଦ କରିବେ ବୋଲି ସୋସିଆଲ ମିଡିଆରେ ଉଠିଛି ଝଡ଼ । ସିରାଜ ଏବଂ ମାହିରାଙ୍କ ଭିତରେ ପ୍ରେମ ସମ୍ପର୍କ ଥିବା ନେଇ ଇନଷ୍ଟାଗ୍ରାମରେ ଚର୍ଚ୍ଚା ଆରମ୍ଭ କରିଛନ୍ତି ୟୁଜର । ତେବେ ଏଭଳି ଚର୍ଚ୍ଚାକୁ ନେଇ ଦୁହେଁ କୌଣସି ପ୍ରତିକ୍ରିୟା ଦେଇନାହାନ୍ତି । ମହମ୍ମଦ ସିରାଜଙ୍କ ପୂର୍ବରୁ ବିରାଟ କୋହଲି-ଅନୁଷ୍କା ଶର୍ମା ଏବଂ କେ.ଏଲ୍ ରାହୁଲ-ଆଥିଆ ଶେଟ୍ଟୀଙ୍କ ସହ ବିବାହ କରି ସାରିଛନ୍ତି । ଏହି ତାଲିକାରେ କ୍ରିକେଟର ମହମ୍ମଦ ସିରାଜ ମଧ୍ୟ ଡେବ୍ୟୁ କରିଥିବା କୁହାଯାଉଛି । ସେ ଟେଲି ଅଭିନେତ୍ରୀ ତଥା ବିଗ୍ ବସ୍ ପ୍ରତିଯୋଗୀ ମହିରା ଶର୍ମାଙ୍କ ପ୍ରେମରେ ପଡ଼ିଥିବା ଚର୍ଚ୍ଚା ଜୋର ଧରିଛି ।

ସୋସିଆଲ ମିଡିଆରେ ମାହିରାଙ୍କ ଏକ ଫଟୋ ଉପରେ ପ୍ରତିକ୍ରିୟା ପ୍ରକାଶ କରିଥିଲେ ଡିଏସପି ସିରାଜ । ମହିରା ନିଜ ଇନଷ୍ଟାଗ୍ରାମରେ ଶାଢୀରେ ଏକ ଫଟୋ ସେୟାର କରିଥିଲେ । ଏହି ଫଟୋକୁ ମହମ୍ମଦ ସିରାଜ ଲାଇକ କରିଛନ୍ତି । ସେବେଠାରୁ ପ୍ରଶଂସକମାନେ ଉଭୟଙ୍କୁ ଲଭ ଲାଇଫ୍ ପାଇଁ ଶୁଭେଚ୍ଛା ଜଣାଇବା ଆରମ୍ଭ କରି ଦେଇଛନ୍ତି । ଏହା ଦେଖିବା ପରେ ଜଣେ ୟୁଜର୍ସ ଲେଖିଛନ୍ତି- “ମାହୀରା ଏବଂ ମହମ୍ମଦ ବଢିଆ ଯୋଡି । ଅନ୍ୟ ଜଣେ ଲେଖିଛନ୍ତି- “ଏହା ଭୁଲ ବି ହୋଇପାରେ । ବେଳେବେଳେ ଭୁଲରେ ମଧ୍ୟ ଲାଇକ ବଟନ୍ ଦବାଯାଏ ।” ଆଉ ଜଣେ ଲେଖିଛନ୍ତି- “ମାହିରା, ଆପଣ ମଧ୍ୟ କ୍ରିକେଟର ବନାମ ଅଭିନେତ୍ରୀ ବର୍ଗରେ ପଡ଼ିବାକୁ ଯାଉଛନ୍ତି କି? ଅନ୍ୟ ଜଣେ ଲେଖିଛନ୍ତି- “ଉଭୟଙ୍କ ଯୋଡି ବହୁତ ଭଲ ଦେଖାଯିବ ।” ମାହିରା ଶର୍ମାଙ୍କ ପେସାଦାର ଜୀବନ କଥା କହିବାକୁ ଗଲେ ଅଭିନେତ୍ରୀଙ୍କୁ ଦୀର୍ଘଦିନରୁ କୌଣସି ଧାରାବାହିକରେ ଦେଖିବାକୁ ମିଳିନାହିଁ ।