Breaking: ସସପେଣ୍ଡ ହେଲେ 3 ପୋଲିସ କର୍ମଚାରୀ, ତଦନ୍ତ କରିବାକୁ ଯାଇ ମାରିଥିଲେ ମାଡ
ଭୁବନେଶ୍ବର: ନିଲମ୍ବିତ ହେଲେ 3 ପୋଲିସ ଅଧିକାରୀ । କେନ୍ଦୁଝର ସଦର ଥାନାର 3 ପୋଲିସ କର୍ମଚାରୀଙ୍କୁ ସସପେଣ୍ଡ କରାଯାଇଛି । ଜଣେ ଏଏସଆଇ ସହିତ 2ଜଣ କନଷ୍ଟେବଳଙ୍କୁ ନିଲମ୍ବିତ କରାଯାଇଛି । କେନ୍ଦୁଝର ଏସପି ଏହି 3 ଅଧିକାରୀଙ୍କୁ ସସପେଣ୍ଡ କରିଥିବା ଜଣାପଡିଛି । ଗ୍ୟାରେଜରେ ମିସ୍ତ୍ରୀକୁ ମାରପିଟ ଘଟଣାରେ କାର୍ଯ୍ୟାନୁଷ୍ଠାନ ନିଆଯାଇଛି ।
ସୂଚନା ଅନୁସାରେ, ଏକ ଚୋରି ଘଟଣାରେ ତଦନ୍ତ କରିବା ପାଇଁ ଏହି 3 ପୋଲିସ ଅଧିକାରୀ ଯାଇଥିଲେ । ତେବେ ସେଠାରେ ତଦନ୍ତ କରିବା ସମୟରେ କୌଣସି କାରଣ ପାଇଁ ମିସ୍ତ୍ରୀକୁ ମାରପିଟ କରିଥିଲେ । ଫଳରେ ଏନେଇ ପାଲଟା ଅଭିଯୋଗ ହେବା ସହିତ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଥିଲା । ଏହି ଘଟଣାର ତଦନ୍ତ ଚାଲିଥିବା ବେଳେ ଆଜି କେନ୍ଦୁଝର ଏସପି 3ଜଣଙ୍କୁ ସସପେଣ୍ଡ କରିଛନ୍ତି ।
