ଭାଇ ହେଲା ଭାଗାରୀ, ଭଉଣୀକୁ 11 ବର୍ଷ ଧରି ଦୁଷ୍କର୍ମ କଲା ତାପରେ…
ନୂଆଦିଲ୍ଲୀ: କୁହାଯାଏ ଭଉଣୀର ବିପଦର ଢାଲ ସାଜିଥାଏ ଭାଇ । କିନ୍ତୁ ଯୌନ ଲାଳଶା ପାଇଁ ବେଳେବେଳେ ରକ୍ଷକ ସାଜିଥାଏ ଭକ୍ଷକ । ଏଭଳି ଏକ ସମାନ ଘଟଣା ସାମ୍ନାକୁ ଆସିଛି ବିହାରରୁ । ବଡବାପା ଘରେ ରହି ପୀଡିତା ଜଣକ ପାଠ ପଢୁଥିବା ବେଳେ ଭାଇ 11 ବର୍ଷ ଧରି ଦୁଷ୍କର୍ମ କରି ଆସୁଥିଲା । ଯଦି କାହାକୁ କୁହେ ତାହେଲେ ଭିଡିଓ ଭାଇରାଲ କରିଦେବ କହି ଧମକ ଦେଉଥିଲା ।
ଅଭିଯୋଗ ଅନୁସାରେ, ଯୁବତୀ ଜଣକ ବଡବାପା ଘରେ ଗୋପାଳଗଞ୍ଜରେ ରହି ପାଠ ପଢୁଥିଲେ । ଏହାର ଫାଇଦା ପାଇ ବଡବାପାଙ୍କର ଭାଇ ଭଉଣୀ ସହିତ ଶାରୀରିକ ସମ୍ପର୍କ ରଖିଥିଲା । 2011 ମସିହାରୁ 2022 ମସିହା ପର୍ଯ୍ୟନ୍ତ ଶାରୀରିକ ସମ୍ପର୍କ ରଖିଥିଲା । ତେବେ ରାକ୍ଷାସ ଭାଇ ଭାଇରାଲ ଧମକ ଦେଉଥିବା ବେଳେ ପୀଡିତାଙ୍କର ମଧ୍ୟ ଅଭିଯୋଗ କରିବା ପାଇଁ ସାହାସ ହେଉ ନଥିଲା । ତେବେ କୌଣସି କାରଣବଶତଃ ପୀଡିତା ଜଣକ ଗୁରୁଗ୍ରାମ ପୋଲିସକୁ ଜଣାଇବା ପରେ ପ୍ରକୃତ କାଣ୍ଡ ସାମ୍ନାକୁ ଆସିଥିଲା । ପୀଡିତା କହିଛନ୍ତି ଯେ ଅଭିଯୁକ୍ତ ତାଙ୍କଠାରୁ ପାଞ୍ଚ-ଛଅ ବର୍ଷ ବଡ। ଏହି ଘଟଣା ପରେ ସେ ନିଜ ଗାଁକୁ ଫେରିଗଲେ।
2012 ରେ ଅଭିଯୁକ୍ତ ଗୋପାଳଗଞ୍ଜ ଯାଇ ଏଠାରେ ଦୁଷ୍କର୍ମ କରିଥିଲା। ଏହାପରେ 2014ରେ ଅଭିଯୁକ୍ତ ପୀଡିତାଙ୍କୁ ବ୍ଲାକମେଲ କରି ଗୁରୁଗ୍ରାମରେ ଥିବା ତାଙ୍କ ଘରେ ରହି ସେଠାରେ ଅଧ୍ୟୟନ କରିବାକୁ ଚାପ ପକାଇଥିଲା। ତେବେ ଯୁବତୀଜଣକ ଯେଉଁ ସ୍ଥାନରେ ରହୁଥିଲେ ଭାଇ ସେହି ସ୍ଥାନକୁ ଯାଇ ତାଙ୍କ ସହିତ ଶାରୀରିକ ସମ୍ପର୍କ ରଖିବା ପାଇ ବାଧ୍ୟ କରୁଥିଲା ବୋଲି ସେ ପୋଲିସ ନିକଟରେ ଅଭିଯୋଗ କରିଛନ୍ତି । 22 ନଭେମ୍ବରରେ ମହିଳାଜଣକ ଥାନାରେ ଅଭିଯୋଗ କରିଥିବା ବେଳେ ତଦନ୍ତ ଆରମ୍ଭ କରିଛି ପୋଲିସ ।
