ମୁମ୍ବାଇରେ ମର୍ମନ୍ତୁଦ ସଡ଼କ ଦୁର୍ଘଟଣା; ଏକାଧିକ ଗାଡ଼ିକୁ ଧକ୍କା ଦେଲା ବସ୍, ୨୫ ଆହତ, ୪ ମୃତ
ମୁମ୍ବାଇ: ମୁମ୍ବାଇ କୁର୍ଲା ଅଞ୍ଚଳରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଦେଖିବାକୁ ମିଳିଛି । ସେମବାର ବିଳମ୍ବିତ ରାତିରେ ଏକ ଦୃତଗାମୀ ବସ୍ ଏକାଧିକ ଗାଡ଼ିକୁ ଧକ୍କା ଦେଇଛି । ଘଟଣାସ୍ଥଳରେ ୨୫ ଜଣ ଆହତ ହୋଇଥିବା ବେଳେ ୪ ଜଣଙ୍କ ମୃତ୍ୟୁ ହୋଇଛି । ସମସ୍ତ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ଜଣାପଡ଼ିଛି । ଉକ୍ତ ବସ୍ ଡ୍ରାଇଭରକୁ କାବୁ କରି ପୋଲିସ ଜିମା ଦେଇଥିଲେ ଲୋକେ ।
ସୂଚନାରୁ ପ୍ରକାଶ ପଶ୍ଚିମ କୁର୍ଲା ବାର୍ଭି ମାର୍ଗରେ ବସର ବ୍ରେକ୍ ଫେଲ ହେବା ଯୋଗୁଁ ଏଭଳି ଦୁର୍ଘଟଣା ଦେଖିବାକୁ ମିଳିଛି । ଏହି ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା । ଖବର ପାଇ ମୁମ୍ବାଇ ପୋଲିସ ଏବଂ ଅଗ୍ନିଶମ ବାହିନୀ ଟିମ ଘଟଣାସ୍ଥଳରେ ପହଞ୍ଚି ଅହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରିଥିଲେ । ମୃତକମାନେ ହେଲେ ଶିବମ କଶ୍ୟପ୍(୧୮), କନିଜ୍ ଫାତିମା(୫୫), ଅଫିଲ୍ ଶାହ(୧୯) ଏବଂ ଅନମ ଶେଖ୍(୨୦) । ତେବେ ଉକ୍ତ ବସ୍ ଡ୍ରାଇଭରକୁ ଅଧିକ ପଚରାଉଚରା ପାଇଁ ପୋଲିସ ଅଟକ ରଖିଥିବା ଜଣାପଡ଼ିଛି ।
