ସ୍କୁଲ ଭିତରେ ଛାତ୍ରୀଙ୍କ ଆଖିବୁଜା ଗୁଳିମାଡ଼, ସୁଟରଙ୍କ ସମେତ 3 ମୃତ
ନୂଆଦିଲ୍ଲୀ: ପୁଣି ସ୍କୁଲରେ ଗୁଳିମାଡ । ସ୍କୁଲ ଭିତରେ ଆଖିବୁଜା ଗୁଳିମାଡ଼ କଲେ ଛାତ୍ରୀ । ୱିସ୍କୋସିନ୍ରେ ଏକ ବିଦ୍ୟାଳୟରେ ଆଖିବୁଜା ଗୁଳିମାଡ଼ ହୋଇଥିବା ବେଳେ 3 ଜଣଙ୍କର ମୃତ୍ୟୁ ହୋଇଛି ଏବଂ 6ଜଣ ଗୁରୁତର ହୋଇଛନ୍ତି । ତେବେ ମୃତକଙ୍କ ମଧ୍ୟରେ ଜଣେ ଶିକ୍ଷକ ରହିଥିବା ଜଣାପଡିଛି । ତେବେ ଗୁଳିମାଡ କରିଥିବା ଛାତ୍ରୀଜଣକ ମଧ୍ୟ ବର୍ତ୍ତିପାରି ନାହିଁ । ଗୁଳିମାଡ କରିଥିବା ଛାତ୍ରୀଜଣକ ମଧ୍ୟ ପୋଲିସ ଏନକାଉଣ୍ଟରରେ ପ୍ରାଣ ହରାଇଛନ୍ତି । ତେବେ ବର୍ତ୍ତମାନ ସୁଦ୍ଧା ସୁଟରର ପରିଚୟ ମିଳିପାରି ନଥିବା ବେଳେ ଉଦ୍ଦେଶ୍ୟ ମଧ୍ୟ ସ୍ପଷ୍ଟ ହୋଇନାହିଁ ।
ଅନୁସାରେ, ସ୍ଥାନୀୟ ସମୟ 10ଟା 57 ମିନିଟରେ ଏହି ଘଟଣା ଘଟିଥିଲା । ଖ୍ରୀଷ୍ଟମାସ ପୂର୍ବରୁ ଏଭଳି ଗୁଳିମାଡ ସମସ୍ତଙ୍କ ପାଇଁ ଚିନ୍ତାର କାରଣ ସାଜିଛି । ଗୁଳିମାଡ ଦେଇଥିବା ସ୍କୁଲରେ 390 ବିଦ୍ୟାର୍ଥୀ ଅଧ୍ୟୟନ କରୁଥିଲେ । ପୂର୍ବରୁ 5ଜଣଙ୍କ ମୃତ୍ୟୁ ହୋଇଥିବା ନେଇ କୁହାଯାଇଥିଲେ ମଧ୍ୟ ପରବର୍ତ୍ତି ସମୟରେ ଏହାକୁ 3 ଜଣ ବୋଲି ସ୍ପଷ୍ଟ କରାଯାଇଛି । ତେବେ ଛାତ୍ରୀଜଣକ କାହିଁକି ଏଭଳି କାମ କରିଲେ ତାକୁ ନେଇ ଚର୍ଚ୍ଚା ବୃଦ୍ଧି ପାଇଛଇ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ।
