ଆଶ୍ରମରେ ଅଭାବନୀୟ ଘଟଣା, ଆଶ୍ରମରୁ ମିଳିଲା ଗୋଟିଏ ପରିବାରର ୪ ସଦସ୍ୟଙ୍କ ମୃତଦେହ

ନୂଆଦିଲ୍ଲୀ: ରାଜସ୍ଥାନରେ ଅଭାବନୀୟ ଘଟଣା । ଆଶ୍ରମ ଭିତରୁ ଉଦ୍ଧାର ହେଲା 4ଜଣଙ୍କ ମୃତଦେହ । ସମସ୍ତେ ଗୋଟିଏ ପରିବାର ହୋଇଥିବା ସୂଚନା ରହିଛି ।

କରୌଲି ଜିଲ୍ଲାର ମେହନ୍ଦୀପୁର ବାଲାଜୀରୁ ଦୁଃଖ ମାମଲା ସାମ୍ନାକୁ ଆସିଛି । ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି ।

ଖବରଅନୁସାରେ, ଜାନୁଆରୀ 12 ତାରିଖରେ ଡେହରାଡୁନର ରାମ କୃଷ୍ଣ ଆଶ୍ରମରେ ଏକ ପରିବାର ଆସି ରହୁଥିଲେ । ତେବେ ଏକାଥରେ କାହିଁକି ହଠାତ୍ ସମସ୍ତଙ୍କର ମୃତ୍ୟୁ ହେଲା ତାହା ବର୍ତ୍ତମାନ ସୁଦ୍ଧା ଜଣାପଡିନାହିଁ ।

ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲା । ତେବେ ଏହି ଘଟଣାକୁ ନେଇ ଆଶ୍ରମରେ ଉତ୍ତେଜନା ଦେଖାଯାଇଛି ।

ପୋଲିସ ଆଶ୍ରମରେ ପହଞ୍ଚିବା ବେଳକୁ ଦୁଇଜଣଙ୍କ ମୃତଦେହ ବିଛଣାରେ ପଡିଥିବା ବେଳେ ଆଉ 2 ଜଣଙ୍କ ମୃତଦେହ ତଳେ ପଡିଥିଲା ।

ତେବେ ପୋଲିସ ମୃତଦେହ ଜବତ କରି ପୋଷ୍ଟମର୍ଟମ ପାଇଁ ପଠାଇଛି । ବର୍ତ୍ତମାନ ଏହାର କାରମ ସ୍ପଷ୍ଟ ହୋଇନଥିବା ବେଳେ ପୋଲିସ ତଦନ୍ତ ଆରମ୍ଭ କରିଛି ।