ଅଭିନେତାଙ୍କୁ ଆକ୍ରମଣ: ଅଭିଯୁକ୍ତକୁ ନେଇ ସୈଫଙ୍କ ଘରେ କ୍ରାଇମସିନ୍ ରିକ୍ରିଏଟ କରିବ ପୋଲିସ

ନୂଆଦିଲ୍ଲୀ: ସୈଫଙ୍କ ଘରେ ମୁମ୍ୱାଇ ପୋଲିସ କରିବ ସିନ୍ ରିକ୍ରିଏସନ୍। ଅଭିଯୁକ୍ତକୁ ନେଇ ଅଭିନେତା ସୈଫ ଅଲ୍ଲି ଖାନଙ୍କ ଘରେ କ୍ରାଇମ୍ ସିନ୍ ରିକ୍ରିଏଟ କରିବ ମୁମ୍ୱାଇ ପୋଲିସ।

କିପରି ୧୨ ମହଲା ଉପରକୁ ପ୍ରବେଶ କରିଥିଲା ସନ୍ଦିଗ୍ଧ। ଟିକିନିଖି କ୍ରାଇମର ହେବ ରିକ୍ରିଏସନ୍। ଶନିବାର ଦିନ ଗିରଫ ହୋଇଥିବା ବାଂଲାଦେଶୀ ଯୁବକ ହିଁ ସୈଫଙ୍କ ଘରେ ପଶି ଆକ୍ରମଣ କରିଥିବା କଥା କୁହାଯାଉଛି।

ଏବେ ଅଭିଯୁକ୍ତକୁ ମୁମ୍ୱାଇ ପୋଲିସ ପାଞ୍ଚ ଦିନ ପାଇଁ ହେପାଜତକୁ ନେଇଛି। ଏହି ପାଞ୍ଚ ଦିନ ଭିତରେ ସୈଫଙ୍କ ଘରେ ଅଭିଯୁକ୍ତକୁ ନେଇ ମୁମ୍ୱାଇ ପୋଲିସ କ୍ରାଇମ ସିନ୍ ରିକ୍ରିଏସନ୍ କରିପାରେ ବୋଲି କୁହାଯାଉଛି।

ଗିରଫ ଅପରାଧୀ ସହ ମିଶୁନି ଚେହେରା : ଯଦିଓ ସୈଫଙ୍କ ଉପରେ ଆକ୍ରମଣ ହୋଇଥିବା ଘଟଣାରେ ମୁମ୍ୱାଇ ପୋଲିସ ତିନିଜଣଙ୍କୁ ଗିରଫ କରିଛି।

ହେଲେ ଅନ୍ୟପଟେ ସିସିଟିଭିରେ କଏଦ ସନ୍ଦିଗ୍ଧର ଚେହେରା ଶନିବାର ଗିରଫ ମହମ୍ମଦ ଶିରଫୁଲ ଇସଲାମ ସହ ମେଳ ଖାଉନଥିବା ଭଳି ମନେ ହେଉଛି।

ତେବେ ସେ ଯାହା ହେଉନା କାହିଁକି ଗିରଫ ହୋଇଥିବା ମୁଖ୍ୟ ଅଭିଯୁକ୍ତ କୁହାଯାଉଥିବା, ସନ୍ଦିଗ୍ଧ ଯୁବକକୁ ନେଇ ପୋଲିସ କ୍ରାଇମସିନ୍ ରିକ୍ରିଏସନ କରିବାକୁ ଯାଉଛି।

କେଉଁବାଟେ ପଶିଥିଲା ଘରେ: ୧୫ ଜାନୁଆରୀ ରାତିରେ ସୈଫ୍‌ଙ୍କ ଘରେ ପଶି ତାଙ୍କ ଉପରେ ଛୁରୀରେ ଆକ୍ରମଣ କରିଥିଲା ସନ୍ଦିଗ୍ଧ ।  ଅଭିଯୁକ୍ତ ୭ ମହଲା ପର୍ଯ୍ୟନ୍ତ ସିଢିରେ ପରେ ପାଇପ୍‌ରେ ଚଢ଼ି ୧୨ତମ ମହଲାରେ ପହଞ୍ଚିଥିଲା ।

ପରେ ବାଥରୁମ୍ ଝରକା ଦେଇ ଘର ଭିତରେ ପଶିଥିଲା ଅଭିଯୁକ୍ତ। ଆଉ ଏ ସବୁ ଘଟଣାର ସିନ୍ ରିକ୍ରିଏସନ୍ କରିବ ପୋଲିସ।