ଟ୍ରେନ୍ ଉପରେ ଚଢ଼ି ଜିଅନ୍ତା ଜଳିଗଲେ ଯୁବକ, ସାମ୍ନାକୁ ଆସିଲା Live ଚିତ୍ର
ରାୟଗଡ଼ା ଷ୍ଟେସନରେ ଟ୍ରେନ୍ ଉପରେ ଚଢ଼ି ଯୁବକ ଜିଅନ୍ତା ଜଳିଗଲେ । ଉଚ୍ଚ କ୍ଷମତା ସମ୍ପନ୍ନ ବିଦ୍ୟୁତ ତାର ସଂସ୍ପର୍ଶରେ ଆସି ଜଳିଗଲେ ।
ଭୁବନେଶ୍ବର: ରାୟଗଡ଼ା ରେଳ ଷ୍ଟେସନରେ ଭୟଙ୍କର ଦୁର୍ଘଟଣା । ଟ୍ରେନ ଉପରେ ଜୀଅନ୍ତା ଜଳିଗଲା ବ୍ୟକ୍ତି । ବିଦ୍ୟୁତ ତାର ସଂସ୍ପର୍ଶରେ ଆସି ଜଳିଯାଇଥିବା ଜଣାପଡିଛି ।
ଟ୍ରେନରେ ଜଳିଗଲେ- ସୂଚନା ଅନୁସାରେ, ଜଣେ ବ୍ୟକ୍ତି ହଠାତ୍ ଟ୍ରେନ ଉପରକୁ ଉଠିଯାଇଥିଲେ । ଏହାପରେ ଉଚ୍ଚ କ୍ଷମତା ବିଶିଷ୍ଟ ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲେ ।
ଫଳରେ ଦେଖୁଦେଖୁ ହଠାତ୍ ନିଆଁ ଲାଗିଯାଇଥିଲା । ପରେ ବ୍ୟକ୍ତିଜଣକ ଜଳିଯାଇ ତଳେ ପଡିଯାଇଥିଲେ । ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲ ନିଆଁଯାଇଥିଲେ ହେଁ ଡାକ୍ତର ମୃତ ଘୋଷଣା କରିଥିଲେ ।
ଗୁରୁତର ବ୍ୟକ୍ତିଜଣକ ନୂଆପଡା ଜିଲ୍ଲା ରାଜଖାରିଆର ଥାନା ଅନ୍ତର୍ଗତ ବଡନାଳ ଗାଁର ବୋଲି ଜଣାପଡିଛି । ତେବେ ଟ୍ରେନ ଉପରକୁ ଚଢବାର ପ୍ରକୃତ କାରଣ ଜଣାପଡିନଥିବା ବେଳେ ନିଶାସକ୍ତ ଅବସ୍ଥାରେ ଏହି କାଣ୍ଡ ଘଟିଥିବା ଅନୁମାନ କରାଯାଉଛି ।
ମାଲଗାଡି ଉପରେ ଚଢିଥିବା ଦୁଇ ହାତ ଉପରକୁ ଟେକିବା ସମୟରେ ଏହି ଅଘଟଣ ଘଟିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
