Big Breaking: BSF ଯବାନଙ୍କ ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ

ରେଢ଼ାଖୋଲ: ନାଳ ପାଖରୁ BSF ଯବାନଙ୍କ ମୃତଦେହ ଉଦ୍ଧାର। ମାସେ ହେବ ଛୁଟିରେ ଘରକୁ ଆସିଥିଲେ। ହେଲେ ଗାଧୋଇବାକୁ ଯାଇ ଆଉ ଫେରିନଥିଲେ।

ଘଟଣା ହେଉଛି ରେଢ଼ାଖୋଲର। ଛୁଟିରେ ଘରକୁ ଆସିଥିବା BSF ଯବାନଙ୍କ ମୃତଦେହ ଆଜି ଉଦ୍ଧାର ହୋଇଛି। ନାକଟିଦେଉଳ ଥାନା ଜଗନ୍ନାଥପ୍ରସାଦ ଟିକିରା ନାଳ ପାଖରେ ମୃତଦେହ ପଡ଼ିଥିବାର ଜଣାପଡ଼ିବା ପରେ ଉଦ୍ଧାର କରାଯାଇଥିଲା।

ଯବାନ ଜଣକ ପଶ୍ଚିମବଙ୍ଗ ସିଲିଗୁଡ଼ିରେ କାର୍ଯ୍ୟରତ ଥିଲେ। ମାସେ ହେବ ଛୁଟିରେ ଘରକୁ ଆସିଥିଲେ। ହେଲେ ଆଜି ନାଳକୁ ଗାଧୋଇବାକୁ ଯାଇ ଆଉ ଫେରିନଥିଲେ।

ପରେ ନାଳ ନିକଟରୁ ତାଙ୍କ ମୃତଦେହ ଉଦ୍ଧାର କରାଯାଇଥିଲା। ହେଲେ ମୃତ୍ୟୁ କିପରି ହେଲା ଏଯାଏଁ କାରଣ ଜଣାପଡ଼ିନାହିଁ।