(video) ବିଧାୟକ ପ୍ରାର୍ଥୀଙ୍କ ପାଦ ଛୁଇଁଲେ ପ୍ରଧାନମନ୍ତ୍ରୀ, ଭାଇରାଲ ହେଉଛି ଭିଡ଼ିଓ
ପ୍ରାର୍ଥୀଙ୍କ ପାଦ ଛୁଇଁଲେ ମୋଦୀ। ଭାଇରାଲ ହେଉଛି ଭିଡ଼ିଓ। ଥରେ କି ଦୁଇଥର ନୁହେଁ ତିନି ତିନି ଥର ପାଦ ଛୁଇଁ କଲେ ପ୍ରଣାମ।
ନୂଆଦିଲ୍ଲୀ : ବିଧାୟକ ପ୍ରାର୍ଥୀଙ୍କ ପାଦ ଛୁଇଁ ପ୍ରଣାମ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଥରେ କି ଦୁଇ ଥର ନୁହେଁ ତିନ ତିନି ଥର ପ୍ରଧାନମନ୍ତ୍ରୀ ପ୍ରାର୍ଥୀଙ୍କ ପାଦ ଛୁଉଁଥିବାର ଭିଡ଼ିଓ ଏବେ ଭାଇରାଲ ହେଉଛି।
ତେବେ ପ୍ରଧାନମନ୍ତ୍ରୀ ହୋଇ ସୁଦ୍ଧା କାହିଁକି ଜଣେ ପ୍ରାର୍ଥୀଙ୍କ ପାଦ ଛୁଉଁଛନ୍ତି ତାହା ନିଶ୍ଚିତ ଭାବରେ ଆପଣଙ୍କ ମନରେ ପ୍ରଶ୍ନ ଆସୁଥିବ। ଏଠି ଆମେ କହି ରଖିବା ପାଇଁ ଚାହିଁବୁ କି ଏହି ଭିଡ଼ିଓଟି ଦିଲ୍ଲୀ ନିର୍ବାଚନମଣ୍ଡଳିରୁ ଆସିଛି।
ଦିଲ୍ଲୀ ନିର୍ବାଚନ : ଦିଲ୍ଲୀରେ ଚାଲିଛି ବିଧାନସଭା ନିର୍ବାଚନ ପାଇଁ ପ୍ରସ୍ତୁତି। ପ୍ରତିଟି ଦଳ ରାଜଧାନୀରେ ନିଜର ପତିଆରା ବିସ୍ତାର କରିବା ପାଇଁ କରିଚାଲିଛନ୍ତି ରଣନୀତି।
ଆଉ ଏହାରି ଭିତରେ ବିଜେପି ମଧ୍ୟ ବିରୋଧୀଙ୍କୁ ବାଜିମାତ୍ କରିବା ପାଇଁ କଷୁଛି ଗଣିତ। ତେଣୁ ଦିଲ୍ଲୀରେ ଡେରା ପକାଇଛନ୍ତି କେନ୍ଦ୍ରୀୟ ନେତା। ପ୍ରଧାନମନ୍ତ୍ରୀଙ୍କଠୁ ଆରମ୍ଭ କରି ଗୃହମନ୍ତ୍ରୀ ସମସ୍ତେ ପ୍ରାଣପଣେ ଲାଗିପଡିଛନ୍ତି ଦିଲ୍ଲୀ ଆସନକୁ ନିଜ ଅକ୍ତିଆରକୁ ନେବା ପାଇଁ।
दिल्ली चुनाव: PM मोदी ने BJP प्रत्याशी के 3 बार छुए पैर, वीडियो वायरल
दिल्ली विधानसभा चुनाव के लिए प्रचार रैली में पीएम मोदी ने पटपड़गंज सीट से बीजेपी प्रत्याशी रविंद्र सिंह नेगी के 3 बार छुए पैर, सोशल मीडिया पर वायरल हुआ वीडियो. अपने आक्रमक हिंदुत्व के लिए जाते हैं रविंद्र सिंह… pic.twitter.com/SkHo2tBxbT
— NBT Hindi News (@NavbharatTimes) January 29, 2025
ଭିଡ଼ିଓ ଭାଇରାଲ : ଆଉ ଏହାରି ଭିତରେ ବୁଧବାର ଦିଲ୍ଲୀ କରତାରରେ ବିଜେପିର ସଂକଳ୍ପ ରାଲିରେ ପହଁଚିଥିଲେ ପ୍ରଧାନମନ୍ତ୍ରୀ। ମଞ୍ଚରେ ଦଳୀୟ ନେତା,ମନ୍ତ୍ରୀ ଓ ପ୍ରାର୍ଥୀଙ୍କ ଅଭିବାଦନ ଗ୍ରହଣ କରୁଥିଲେ।
ଠିକ୍ ଏହି ସମୟରେ ହଠାତ ଜଣେ ପ୍ରାର୍ଥୀ ମୋଦୀଙ୍କ ପାଦ ସ୍ପର୍ଶ କରିଥିଲେ। ହେଲେ ସବୁଠୁ ବଡ଼ କଥା ହେଉଛି ମୋଦୀ ତାଙ୍କୁ ପାଦ ଛୁଇଁବାକୁ ମନାକରିବା ସହ ନିଜେ ପ୍ରାର୍ଥୀଙ୍କ ପାଦ ଛୁଇଁଲେ।
କେବଳ ଥରେ ନୁହେଁ ତିନି ତିନି ଥର ପ୍ରଧାନମନ୍ତ୍ରୀ ପ୍ରାର୍ଥୀ ଜଣଙ୍କର ପାଦ ଛୁଉଁଥିବାର ଦେଖିବାକୁ ମିଳିଥିଲା। ଯାହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।
