ଏହି ମୋବାଇଲରୁ ବନ୍ଦ ହୋଇଯିବ UPI ସେବା, ହୋଇଯାଆନ୍ତୁ ସାବଧାନ
ଏପ୍ରିଲ ୧ରୁ ବନ୍ଦ ହୋଇଯିବ UPI ସେବା। ଆଉ ଟଙ୍କା ପଠାଇ ପାରିବେନି କି କାହା ପାଖରୁ ଆପଣଙ୍କ ମୋବାଇଲକୁ ଆସିବନି ଟଙ୍କା!
ନୂଆଦିଲ୍ଲୀ: ଆପଣ UPI ବ୍ୟବହାରକାରୀ ଅଟନ୍ତି କି? ସବୁ ସମୟରେ ଅନଲାଇନରେ ଟଙ୍କା ଦେଣ ନେଣ କରୁଛନ୍ତି କି? ତାହାଲେ ହୋଇଯାଆନ୍ତୁ ସାବଧାନ। କାରଣ ଏପ୍ରିଲ ୧ ତାରିଖରୁଲ ନିର୍ଦ୍ଦିଷ୍ଟ କେତେକ ଫୋନରୁ ବନ୍ଦ ହୋଇଯିବ UPI ସେବା।
ଯଦି ଏହିସବୁ ମୋବାଇଲ ନମ୍ୱର ଭିତରେ ଆପଣଙ୍କ ନମ୍ୱର ରହିଛି। ତାହାଲେ ସାବଧାନ ହୋଇଯାଆନ୍ତୁ। ଏବଂ ଖୁବଶୀଘ୍ର ଯାଞ୍ଚ କରନ୍ତୁ। ନହେଲେ ବୋହୁତ ବଡ଼ ଅସୁବିଧାରେ ପଡିପାରନ୍ତି। ପଛରେ ହଇରାଣ ମଧ୍ୟ ହୋଇପାରନ୍ତି। ତେଣୁ ଏବେଠୁ ସାବଧାନ ହୋଇଯାଆନ୍ତୁ।
ବନ୍ଦ ହୋଇଯିବ UPI ସେବା: ତେବେ କହିବାକୁ ଗଲେ ସବୁ ମୋବାଇଲ ନମ୍ୱରରୁ UPI ସେବା ବନ୍ଦ ହେବନାହିଁ। କେବଳ ନିଷ୍କ୍ରିୟ ମୋବାଇଲ୍ ନମ୍ବରଗୁଡ଼ିକରେ ୟୁପିଆଇ ସେବା ଆଉ କାମ କରିବ ନାହିଁ।
ଜାଲିଆତି ଏବଂ ଅନଧିକୃତ କାରବାରକୁ ରୋକିବା ପାଇଁ ନ୍ୟାସନାଲ୍ ପେମେଣ୍ଟ୍ସ କର୍ପୋରେସନ୍ ଅଫ୍ ଇଣ୍ଡିଆ (NPCI), ବ୍ୟାଙ୍କ ଏବଂ ପେମେଣ୍ଟ୍ ସେବା ପ୍ରଦାନକାରୀ (PSP) ଗୁଡ଼ିକୁ ଏପରି ନମ୍ବରଗୁଡ଼ିକୁ ଡିଲିଙ୍କ୍ କରିବାକୁ ନିର୍ଦ୍ଦେଶ ଦେଇଛି।