ଆଜିଠୁ ତାତିରୁ ମିଳିବ ଆଶ୍ବସ୍ତି, 15 ଜିଲ୍ଲାରେ ଘଡ଼ଘଡ଼ି ବର୍ଷା ସହିତ ବୋହିବ ପବନ

ଭୁବନେଶ୍ବର: ବର୍ଷା ନେଇ ପାଣିପାଗ ବିଭାଗର ଆକଳନ । ଆଜିଠାରୁ ଅଧା ଓଡ଼ିଶାରେ କାଳବୈଶାଖୀ ବର୍ଷା ହେବାର ସମ୍ଭାବନା ରହିଛି । ବିଶେଷକରି 3 ଏବଂ 4 ତାରିଖରେ କାଳବୈଶାଖୀର ପ୍ରଭାବ ବଢିବ। ବର୍ଷା ସାଙ୍ଗକୁ ବିଜୁଳି ଏବଂ ଘଡ଼ଘଡ଼ି ମାରିବାର ସମ୍ଭାବନା ରହିଛି । ଦୁଇ ଦିନ ପାଇଁ ଅରେଞ୍ଜ ଓ୍ବାର୍ଣ୍ଣିଂ ଜାରି କରିଛି ପାଣିପାଗ ବିଭାଗ ।

ଆଜି 40ରୁ 50 କିଲୋମିଟର ବେଗରେ ପବନ ହେବା ସହିତ ମୟୂରଭଞ୍ଜ, ଝାରସୁଗୁଡା, କେନ୍ଦୁଝର, ସମ୍ବଲପୁର, ସୋନପୁର, ଅନୁଗୁଳ, ବରଗଡ, ବଲାଙ୍ଗୀର, ନବରଙ୍ଗପୁର, କଳାହାଣ୍ଡି, କୋରାପୁଟ, ନୂଆପଡା ଏବଂ ବୌଦ୍ଧରେ ଘଡ଼ଘଡ଼ି ସହିତ ବର୍ଷା ହେବାର ସମ୍ଭାବନା ରହିଛି ।

ତେବେ ଆସନ୍ତାକାଲି 9 ଜିଲ୍ଲା ପାଇଁ ସତର୍କତା ଜାରି କରାଯାଇଛି । କୋରାପୁଟ, ରାୟଗଡା, ନବରଙ୍ଗପୁର, କଳାହାଣ୍ଡି, କନ୍ଧମାଳ, ବୌଦ୍ଧ, ସୁନ୍ଦରଗଡ, ଝାରସୁଗୁଡା ଏବଂ ସମ୍ବଲପୁରରେ ଘଡଘଡି ସହିତ ବର୍ଷା ସହ ପବନ ହେବା ନେଇ ଅରେଞ୍ଜ ଓ୍ବାର୍ଣ୍ଣିଂ ଜାରି କରାଯାଇଛି ।

ସେହିପରି 4 ତାରିଖରେ ଭଦ୍ରକ, ଅନୁଗୁଳ, ବାଲେଶ୍ବର, ମାଲକାନଗିରି, ମୟୂରଭଞ୍ଜ, କେନ୍ଦୁଝର, ରାୟଗଡା ଏବଂ କୋରାପୁଟରେ ମଧ୍ୟ ବର୍ଷା ସହିତ ଘଡଘଡି ବର୍ଷାର କାର୍ଯ୍ୟକ୍ରମ ରହିଛି । ତେବେ 6 ତାରିଖ ଯାଏଁ ବର୍ଷା ହୋଇପାରେ ।