Breaking: IED ଖଞ୍ଜା ଯାଇଥିଲା କାହା ପାଇଁ ଆଉ ମଲା କିଏ? 

ଛତିଶଗଡ଼: IED ଖଞ୍ଜା ଯାଇଥିଲା କାହା ପାଇଁ ଆଉ ମଲା କିଏ? ସବୁଦିନ ପରି ସାଙ୍ଗ ହୋଇ ଜଙ୍ଗଲକୁ କାଠ ସଂଗ୍ରହ କରିବାକୁ ଯାଇଥିଲେ ଦୁଇ ଜଣ ବ୍ୟକ୍ତି। ହେଲେ IED ବ୍ଲାଷ୍ଟରେ ଚାଲିଗଲା ଜଣଙ୍କ ଜୀବନ। ଏବେବି ଜଣେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି।

ହଁ ସକାଳୁ ସକାଳୁ ଜଙ୍ଗଲରେ ହୋଇଛି IED ବ୍ଲାଷ୍ଟ। ଆଉ ଏହି ବ୍ଲାଷ୍ଟଟି ଛତିଶଗଡ଼ର ନାରାୟଣପୁରରେ ହୋଇଛି। ଯେଉଁଠିକୁ କାଠ ସଂଗ୍ରହ କରିବା ପାଇଁ ଦୁଇ ଜଣ ବ୍ୟକ୍ତି ସାଙ୍ଗ ହୋଇ ଯାଇଥିଲେ। ହେଲେ ହଠାତ୍ ବ୍ଲାଷ୍ଟ ହୋଇଥିଲା।

ଆଉ ସେହିଠାରେ ହିଁ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ, ଆଉ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଏହି IED କିଏ ଖଞ୍ଜିଥିଲା, ତାହା ଜଣା ପଡିନଥିବା ବେଳେ, ଯବାନମାନଙ୍କ ଉଦ୍ଦେଶ୍ୟରେ ନକ୍ସଲମାନେ ଖଞ୍ଜି ଥାଇ ପାରନ୍ତି ବୋଲି ଅନୁମାନ କରାଯାଉଛି।