ପାକିସ୍ତାନ ଏୟାରସ୍ପେସ୍ ବନ୍ଦ କରିବା ପରେ ଯାତ୍ରୀଙ୍କୁ ସତର୍କ କରାଇଲେ Air India-IndiGo
ନୂଆଦିଲ୍ଲୀ: ଭାରତୀୟ ବିମାନ ସେବା ପାଇଁ ପାକିସ୍ତାନ ତାର ଆକାଶ ମାର୍ଗ ବନ୍ଦ କରିବା ପରେ ଇଣ୍ଡିଗୋ ଏବଂ ଏୟାର ଇଣ୍ଡିଆ ଯାତ୍ରୀମାନଙ୍କୁ ସେବା ବ୍ୟାଘାତ ବିଷୟରେ ସତର୍କ କରାଇ ଦେଇଛନ୍ତି । X ରେ ଟ୍ବିଟ କରି କୁହାଯାଇଛିଯେ “ଏକ ବିକଳ୍ପ ବିସ୍ତାରିତ ରୁଟ୍” ପାଇଁ ଉଡ଼ାଣ ପଥ ପରିବର୍ତ୍ତନ ଯୋଗୁଁ କିଛି ଅନ୍ତର୍ଜାତୀୟ ବିମାନ ସୂଚୀ ପ୍ରଭାବିତ ହୋଇପାରେ।
ଏୟାର ଇଣ୍ଡିଆ କହିଛି ଯେ ଆମେରିକା, ୟୁରୋପ ଏବଂ ମଧ୍ୟପ୍ରାଚ୍ୟକୁ କିଛି ବିମାନ ପ୍ରଭାବିତ ହୋଇପାରେ । ଉଭୟ ବିମାନ କମ୍ପାନୀ କହିଛନ୍ତି ଯେ ସେମାନେ ଅସୁବିଧା ପାଇଁ ଦୁଃଖିତ ଏବଂ ଯାତ୍ରୀମାନଙ୍କୁ ବିମାନବନ୍ଦରକୁ ଯିବା ପୂର୍ବରୁ ଉଡ଼ାଣ ସମୟ ଏବଂ ସମୟସୂଚୀ ଦୁଇଥର ଯାଞ୍ଚ କରିବାକୁ ଅନୁରୋଧ କରିଛନ୍ତି ।
କିଛି ଘଣ୍ଟା ପୂର୍ବରୁ ପାକିସ୍ତାନ ସମସ୍ତ ଭାରତୀୟ ମାଲିକାନା କିମ୍ବା ପରିଚାଳିତ ବିମାନ କମ୍ପାନୀ ପାଇଁ ତାର ଆକାଶ ମାର୍ଗ ବନ୍ଦ କରିଦେଇଥିଲା। ପହଲଗାମ ଆତଙ୍କବାଦୀ ଆକ୍ରମଣର ପ୍ରତିଶୋଧର ପ୍ରଥମ ପଦକ୍ଷେପ ଭାବରେ ଭାରତ ଦ୍ୱାରା ଭିସା ସ୍ଥଗିତ ରଖିବା ଏବଂ ସିନ୍ଧୁ ଜଳ ଚୁକ୍ତିନାମା ସମେତ ଅନେକ କୂଟନୈତିକ ପଦକ୍ଷେପ ପରେ ଏହି ଘୋଷଣା କରିଥିଲା ।
ପ୍ରକାଶଥାଉକି, ଜମ୍ମୁ ଏବଂ କାଶ୍ମୀରର ପହଲଗାମରେ ମଙ୍ଗଳବାର ଅପରାହ୍ନରେ ହୋଇଥିବା ଆକ୍ରମଣରେ ସାଧାରଣ ନାଗରିକ ଏବଂ ପର୍ଯ୍ୟଟକଙ୍କ ସମେତ 26 ଜଣ ପ୍ରାଣ ହରାଇଥିଲେ । ଗତ କିଛି ବର୍ଷ ମଧ୍ୟରେ ସାଧାରଣ ନାଗରିକଙ୍କ ଉପରେ ଏହି ଆକ୍ରମଣ ସବୁଠାରୁ ଖରାପ ଥିଲା।
ଫେବୃଆରୀ 2019 ପରେ ଭାରତରେ ସବୁଠାରୁ ଖରାପ ଆତଙ୍କବାଦୀ ଆକ୍ରମଣ ଥିଲା, ଯେତେବେଳେ J&K ର ପୁଲୱାମା ଜିଲ୍ଲାରେ 40 ଜଣ CRPF କିମ୍ବା କେନ୍ଦ୍ରୀୟ ରିଜର୍ଭ ପୋଲିସ ବାହିନୀର କର୍ମଚାରୀଙ୍କ ମୃତ୍ୟୁ ହୋଇଥିଲା।