କଲ୍ ଉଠାଇଲାନି ନାବାଳିକା, ବାରଣାସୀରୁ ମୁମ୍ୱାଇ ପହଞ୍ଚିଗଲା ନାବାଳକ, ଝିଅର ମୁଣ୍ଡକୁ ଇଟାରେ ଛେଚି ଛେଚି…

ମହାରାଷ୍ଟ୍ର:  ସାମ୍ନାକୁ ଆସିଲା ଅଜବ ଘଟଣା। ବାରମ୍ୱାର କଲ କଲା ୧୯ବର୍ଷୀୟ ନାବାଳକ ଯୁବକ। ହେଲେ ଇଗନୋର କରି ଯୁବକର କଲ ଉଠାଇଲାନି ୧୭ ବର୍ଷୀୟା ନାବାଳିକା ଯୁବତୀ। ଶେଷରେ ବାରଣାସୀରୁ ମୁମ୍ୱାଇ ପହଞ୍ଚିଗଲା ଯୁବକ। ଆଉ ନିଜ ରାଗକୁ କଣ୍ଟ୍ରୋଲ ନ କରି ପାରି, ରାସ୍ତାରେ ପଡ଼ିଥିବା ଇଟାରେ ଛେଚିଦେଲା ଯୁବତୀର ମୁଣ୍ଡ।

କେବଳ ସେତିକି ନୁହେଁ ଯୁବତୀର ଫୋନକୁ ମଧ୍ୟ କଚାଡ଼ି ଭାଙ୍ଗିଦେବା ସହ, ନାବାଳିକା ସହ ଦୁର୍ବ୍ୟବହାର କଲା ନାବାଳକ ଯୁବକ। ଘଟଣା ସମ୍ପର୍କରେ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ନାବାଳକ ଯୁବକକୁ ଗିରଫ କରିଛି।

ପୋଲିସର କହିବା ଅନୁଯାୟୀ, ନାବାଳକ ଯୁବକ ରାହୁଲ ଅଟିକୁ ଦୁର୍ବ୍ୟବହାର କରିଥିଲେ ଏବଂ ରାସ୍ତାରେ ପଡ଼ିଥିବା ଏକ ଇଟା ଉଠାଇ ଝିଅଟିର ମୁଣ୍ଡକୁ ଛେଚି ତାକୁ ଲହୁ ଲୁହାଣ କରି ରାସ୍ତାରେ ପକାଇ ଦେଇଥିଲା।  କେବଳ ଏତିକି ନୁହେଁ, ସେ ଝିଅଟିର ମୋବାଇଲ୍ ଫୋନ୍ ମଧ୍ୟ ଭାଙ୍ଗି ଦେଇଥିଲେ।

ଆକ୍ରମଣରେ ଝିଅଟି ଗୁରୁତର ଆହତ ହୋଇଥିଲା ଏବଂ ତାକୁ ତୁରନ୍ତ ଶତାବ୍ଦୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ତଦନ୍ତ ସମୟରେ ପୋଲିସ ଜାଣିବାକୁ ପାଇଲା ଯେ ରାହୁଲ ଏବଂ ଝିଅଟି ପରସ୍ପରକୁ ଭଲ ଭାବରେ ଜାଣିଥିଲେ। ଝିଅଟି ତାଙ୍କ ସହ କଥା ହେଉ ନ ଥିବାରୁ ରାହୁଲ ବାରାଣସୀରୁ ମୁମ୍ବାଇ ଆସିଥିଲେ।

ପୋଲିସ ରାହୁଲଙ୍କ ବିରୋଧରେ ଭାରତୀୟ ଦଣ୍ଡ ସଂହିତା (ଆଇପିସି) ଏବଂ ପୋକ୍ସୋ ଆଇନ ଅନୁଯାୟୀ ମାମଲା ରୁଜୁ କରିଛି। ପୋଲିସ ରାହୁଲକୁ ଗିରଫ କରିଛି ଏବଂ ଘଟଣାର ତଦନ୍ତ ଚଳାଇଛି।