ଭୟ ନା ଜୀବନ ବଞ୍ଚାଇବାର ଉପାୟ? ସ୍ତ୍ରୀଙ୍କୁ ଡରୁଛନ୍ତି କି ସ୍ୱାମୀ?

ଲକ୍ଷ୍ନୌ: ସ୍ତ୍ରୀକୁ ପ୍ରେମିକ ସହ ବାହା କରେଇଲେ ସ୍ୱାମୀ। ଏଭଳି ଘଟଣା ଏବେ ସୋସିଆଲ ମିଡିଆରେ ବହୁତ ଦେଖିବାକୁ ମିଳୁଛି। ଇନ୍ଦୋରର ରାଜା ରଘୁବଂଶୀଙ୍କ ହତ୍ୟା ମାମଲା ହେଉ କିମ୍ବା ମେରଠର ମୁସ୍କାନ ରସ୍ତୋଗୀଙ୍କ କଥା ହେଉ, ଏହି ଘଟଣା ଏବେ ସାରା ଦେଶରେ ଚହଳ ପକାଇଛି।

ସ୍ବାମୀମାନେ କରୁଛନ୍ତି ଭୟ: ସେଥିପାଇଁ ଏବେ ସ୍ୱାମୀମାନଙ୍କ ମଧ୍ୟରେ ନିଜ ସ୍ତ୍ରୀମାନଙ୍କ ପ୍ରତି ଏକ ଭିନ୍ନ ପ୍ରକାରର ଭୟ ଦେଖାଯାଉଛି। ସ୍ୱାମୀମାନେ ସେମାନଙ୍କ ସ୍ତ୍ରୀମାନଙ୍କୁ ତାଙ୍କ ପ୍ରେମିକଙ୍କ ସହିତ ବିବାହ ମଧ୍ୟ କରାଇ ଦେଉଛନ୍ତି। ତେବେ ଏଭଳି ପରିସ୍ଥିତିରେ ପ୍ରଶ୍ନ ଉଠୁଛି ସ୍ବାମୀମାନେ ନିଜ ଜୀବନ ବଞ୍ଚାଇବା ପାଇଁ ସ୍ତ୍ରୀମାନଙ୍କୁ ବିବାହ କରାଉଛନ୍ତି ନା ମହାନ ହେବା ପାଇଁ ବିବାହ କରାଉଛନ୍ତି।

ସ୍ତ୍ରୀକୁ ପ୍ରେମିକ ସହ ବିବାହ: ଯେତେବେଳେ ମେରଠ ହତ୍ୟାକାଣ୍ଡ ଘଟିଥିଲା, ସନ୍ଥ କବୀର ନଗରରେ ଧନଘାଟା ଥାନା ଅଞ୍ଚଳର କଟର ଜୋତ ଗାଁର ବବଲୁ ତାଙ୍କ ସ୍ତ୍ରୀଙ୍କୁ ଦାନିନାଥ ଶିବ ମନ୍ଦିରରେ ତାଙ୍କ ପ୍ରେମିକଙ୍କ ସହ ବିବାହ କରାଇ ଖୁସିରେ ବିଦାୟ ଦେଇଥିଲେ। ସେ ନିଜେ ଉଭୟ ପିଲାଙ୍କ ଦାୟିତ୍ୱ ମଧ୍ୟ ନେଇଥିଲେ।

ଏହା ପରେ, ଫାରୁଖାବାଦର କୈମଗଞ୍ଜ ତହସିଲ ପରିସରରେ ଏଠାକାର ସିକନ୍ଦରପୁର ଖାସର ବାସିନ୍ଦା ବୈଷ୍ଣବୀ 2023 ମସିହାରେ ପତିଆଲିର ଭନବର ସିଂହଙ୍କୁ ବିବାହ କରିଥିଲେ। କିନ୍ତୁ ତାଙ୍କର ଅନ୍ୟଜଣେ ଯୁବକଙ୍କ ସହିତ ପ୍ରେମ ସମ୍ପର୍କ ଥିଲା। ଯାହାକୁ ତାଙ୍କ ସ୍ୱାମୀ ଜାଣି ସ୍ତ୍ରୀକୁ ତାଙ୍କ ପ୍ରେମିକଙ୍କ ସହିତ ବିବାହ କରାଇଦେଲେ।

ଡର ନା ମହାନତା? ଏହିପରି ଭାବରେ ଆମେଥି, ଜୌନପୁର, ଝାରଖଣ୍ଡ, ଉତ୍ତରପ୍ରଦେଶର ଗୋଣ୍ଡା ଭଳି ଅନେକ ଜିଲ୍ଲାରେ ଏହିଭଳି ଘଟଣା ଦେଖିବାକୁ ମିଳିଛି। ତେବେ ଏହା ସ୍ଵାମୀମାନଙ୍କର ସ୍ତ୍ରୀ ମାନଙ୍କ ପ୍ରତି ଡର ନା ମହାନତା?