ମହାକାଶରୁ ଫେରିବା ପରେ ଏହିସବୁ କଷ୍ଟ ଭୋଗିବେ ଶୁଭାଂଶୁ ଶୁକ୍ଳା

ନୂଆଦିଲ୍ଲୀ: ଭାରତୀୟ ମହାକାଶଚାରୀ ଗ୍ରୁପ କ୍ୟାପ୍ଟେନ୍ ଶୁଭାଂଶୁ ଶୁକ୍ଳା ଆଜି  ଅପରାହ୍ନରେ ପ୍ରଶାନ୍ତ ମହାସାଗରରେ ସଫଳ ଅବତରଣ କରିଛନ୍ତି।

ଶୁଭାଂଶୁ ଶୁକ୍ଲା ଏବଂ ଅନ୍ୟ ତିନି ଜଣ ମହାକାଶଚାରୀ ଆକ୍ସିଅମ୍-୪ ମିଶନ ଅଧୀନରେ ଆନ୍ତର୍ଜାତୀୟ ମହାକାଶ କେନ୍ଦ୍ରରେ ୧୮ ଦିନ ବିତାଇବା ପରେ ଫେରି ଆସିଛନ୍ତି।

ସୋମବାର ଦିନ ଅପରାହ୍ନ ୪.୩୫ ସମୟରେ ସ୍ପେସଏକ୍ସ ଡ୍ରାଗନ୍ ମହାକାଶଯାନକୁ ଆନ୍ତର୍ଜାତୀୟ ମହାକାଶ କେନ୍ଦ୍ରରୁ ISSକୁ ଅନଡକ୍ କରାଯାଇଥିଲା।  ହେଲେ ସବୁଠାରୁ ବଡ଼ କତା ହେଉଛି ଯେ, ମହାକାଶରୁ ଫେରିବା ପରେ ମଧ୍ୟ ଶୁଭାଂଶୁଙ୍କୁ ଆହୁରି ଜଟିଳ ପ୍ରକ୍ରିୟା ଦେଇ ଯିବାକୁ ପଡ଼ିବ।

ମହାକାସରୁ ଫେରିବା ପରେ କ’ଣ ହେବ: ଗ୍ରୁପ କ୍ୟାପଟେନ୍ ଶୁଭାଂଶୁ ଶୁକ୍ଳା ଡ୍ରାଗନ୍ ଗ୍ରେସ୍ କ୍ୟାପସୁଲରୁ ସମୁଦ୍ରରେ ଅବତରଣ କରିଛନ୍ତି। ନାସାର ଟିମ୍ ତାଙ୍କୁ ଉଦ୍ଧାରକାରୀ ଜାହାଜରୁ ଉଦ୍ଧାର କରିଛନ୍ତି।

ଏହାପରେ ତାଙ୍କୁ କ୍ୟାପସୁଲରୁ ବାହାର କରି ନାସାର ଆଇସୋଲେସନ୍ କେନ୍ଦ୍ରକୁ ନିଆଯିବ। ଏଠାରେ ଶୁଭାଂଶୁ ଗୋଟିଏ ସପ୍ତାହ ପାଇଁ ଆଇସୋଲେସନରେ ରହିବେ।

ମହାକାଶ ଯାତ୍ରାରୁ ଫେରିବା ପରେ ଆଇସୋଲେସନ୍ ଆବଶ୍ୟକ। ଆଇସୋଲେସନରେ ନିଆଯିବା ପରେ, ଶୁଭାଂଶୁ ଶୁକ୍ଳାଙ୍କୁ ଅନେକ ଅନ୍ୟାନ୍ୟ ପ୍ରକ୍ରିୟା କରିବାକୁ ପଡ଼ିବ।

କାହିଁକି ଆଇସୋଲେସନକୁ ନିଆଯିବ: ଏବେ ଆପଣଙ୍କ ମନରେ ନିଶ୍ଚିତ ଭାବରେ ପ୍ରଶ୍ନ ଆସୁଥିବ ଯେ, ଶୁଭାଂଶୁ ପୃଥିବୀକୁ ଫେରିବା ପରେ ତାଙ୍କୁ କାହିଁକି ଆଇସୋଲେସନ କେନ୍ଦ୍ରକୁ ନିଆଯିବ?

ପ୍ରକୃତରେ ଯେକୌଣସି ମହାକାଶଚାରୀ ମହାକାଶରୁ ଫେରିବା ପରେ ଆଇସୋଲେସନରେ ରହିବା ଆବଶ୍ୟକ। ଏହାର ସବୁଠାରୁ ବଡ଼ କାରଣ ହେଉଛି ଯେ ମହାକାଶରେ ଶୂନ୍ୟ ଗୁରୁତ୍ୱାକର୍ଷଣରେ ରହୁଥିବା ସମୟରେ, ସେମାନଙ୍କ ଶରୀରରେ ଅନେକ ଆଭ୍ୟନ୍ତରୀଣ ପରିବର୍ତ୍ତନ ଘଟେ।

ଯାହା ଫଳରେ ସେମାନେ ପୃଥିବୀକୁ ଫେରିବା ପରେ, ସେମାନେ ନିଜ ଗୋଡ଼ରେ ଠିଆ ହୋଇପାରନ୍ତି ନାହିଁ। ସେମାନେ ଚାଲିବାକୁ ସକ୍ଷମ ହୁଅନ୍ତି ନାହିଁ।  ସେମାନଙ୍କ ଶରୀରର ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଯାଏ।

ଏହା ଛଡ଼ା ଆଇସୋଲେସନ କେନ୍ଦ୍ରରେ ଏହା ମଧ୍ୟ ପରୀକ୍ଷା କରାଯାଏ ଯେ ମହାକାଶରେ ରହିବା ସମୟରେ ସେମାନଙ୍କ ଶରୀର ଉପରେ କ’ଣ ପ୍ରଭାବ ପଡ଼େ।

ଆଇସୋଲେସନରେ ଚିକିତ୍ସା, ବୈଜ୍ଞାନିକ, ମାନସିକ ପରୀକ୍ଷା କରାଯାଏ। ଏହା ମଧ୍ୟ ଯାଞ୍ଚ କରାଯାଏ ଯେ ମହାକାଶରେ କୌଣସି ଅଜଣା ଜୀବାଣୁ କିମ୍ବା ଭାଇରସରୁ ସଂକ୍ରମଣ ହେବାର ଆଶଙ୍କା ଅଛି କି ନାହିଁ।

କେତେ ସମୟ ପାଇଁ ଆଇସୋଲେସନରେ ରହିବେ: ମହାକାଶଯାନରୁ ଫେରିବା ପରେ ଶୁଭାଂଶୁ ଶୁକ୍ଲା ତୁରନ୍ତ ଘରକୁ ଯାଇପାରିବେ ନାହିଁ। ସେ ଆଗାମୀ କିଛି ସପ୍ତାହ ପାଇଁ ନାସାର ଆଇସୋଲେସନ କେନ୍ଦ୍ରରେ ରହିବେ।

ମହାକାଶରେ ରହିବା ଦ୍ୱାରା ଶରୀରରେ ବଡ଼ ଆଭ୍ୟନ୍ତରୀଣ ପରିବର୍ତ୍ତନ ଘଟେ। ମହାକାଶରୁ ଫେରିବା ପରେ ମହାକାଶଚାରୀଙ୍କ ପାଇଁ ପୃଥିବୀର ଜଳବାୟୁ ସହ ଖାପ ଖୁଆଇବା ପାଇଁ ଶରୀରକୁ ସଜାଡ଼ିବା ପାଇଁ ଏହି ଆଇସୋଲେସନ ଆବଶ୍ୟକ।

କାରଣ ମହାକାଶରେ ଶାରୀରିକ ଏବଂ ମାନସିକ ପରିବର୍ତ୍ତନ ଘଟେ। ଗୁରୁତ୍ୱାକର୍ଷଣର ଅଭାବ ଯୋଗୁଁ ମହାକାଶଚାରୀମାନେ ମହାକାଶଯାନରେ ଭାସମାନ ହୋଇ ରୁହନ୍ତି।

ମହାକାଶଚାରୀ ଶୋଇବା, ଚାଲିବା, ଉଠିବା ଏବଂ ବସିବା, ଖାଇବା ପିଇବା ଅଭ୍ୟାସ, ସନ୍ତୁଳନ ହରାଇବା, ଜିନିଷପତ୍ର ପକାଇବା ଭଳି ଛୋଟ ଛୋଟ ଭୁଲ କରିବା ଆରମ୍ଭ କରନ୍ତି।

ମହାକାଶରୁ ଫେରିବା ପରେ ଶୁଭାଂଶୁ ଶୁକ୍ଲାଙ୍କଠାରେ ଅନେକ ପ୍ରକାରର ପରିବର୍ତ୍ତନ ହୋଇପାରେ। ମାଇକ୍ରୋଗ୍ରାଭିଟି ଅଭାବରୁ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇପାରେ।

ମହାକାଶରେ ରହିବା ଯୋଗୁଁ ମାଂସପେଶୀ ମଧ୍ୟ ଦୁର୍ବଳ ହୋଇଯାଏ, ହାଡ଼ର ଘନତା ହ୍ରାସ ପାଏ। ରକ୍ତଚାପ ଏବଂ ହୃଦସ୍ପନ୍ଦନ ମଧ୍ୟ ପ୍ରଭାବିତ ହୁଏ। ଏହା ସହିତ, ସିଧା ଠିଆ ହେବା ଏବଂ ଚାଲିବାରେ ସମସ୍ୟା ଦେଖାଯାଏ।

 ଶୁକ୍ଳା ମହାକାଶରେ କ’ଣ କରିଥିଲେ: ଶୁଭାଂଶୁ ଶୁକ୍ଳା ତାଙ୍କର ୧୮ ଦିନିଆ ମହାକାଶ ଯାତ୍ରାରେ ରେକର୍ଡ ମଧ୍ୟ କରିଥିଲେ। ଏହି ସମୟ ମଧ୍ୟରେ ସେ ୭୬ ଲକ୍ଷ ମାଇଲ ଯାତ୍ରା କରିଥିଲେ।

ସେ ISS ରେ ୪୩୩ ଘଣ୍ଟା ବିତାଇଥିଲେ ଏବଂ ପୃଥିବୀର ୨୮୮ ପରିକ୍ରମା ମଧ୍ୟ କରିଥିଲେ। Axiom-୪ ମିଶନ ଅଧୀନରେ, ଶୁଭାଂଶୁ ଭାରତୀୟ ଶିକ୍ଷା ପ୍ରତିଷ୍ଠାନର ୭ଟି ପରୀକ୍ଷଣ ଏବଂ ନାସାର ୫ଟି ପରୀକ୍ଷଣରେ ଅଂଶଗ୍ରହଣ କରିଥିଲେ।

ଶୁଭାଂଶୁ ଶୁକ୍ଳା ମହାକାଶରେ ଅନେକ ପରୀକ୍ଷଣ କରିଥିଲେ। ଏଥିରେ ସୂକ୍ଷ୍ମ ଶୈବାଳ ଉପରେ ପରୀକ୍ଷଣ ଅନ୍ତର୍ଭୁକ୍ତ, ଯାହାର ଫଳାଫଳ ଭବିଷ୍ୟତରେ ବଡ଼ ମହାକାଶ ମିଶନ ପାଇଁ ଖାଦ୍ୟ ସାମଗ୍ରୀ, ଅମ୍ଳଜାନ ଏବଂ ଜୈବ ଇନ୍ଧନର ଉତ୍ସ ହୋଇପାରିବ।

ମହାକାଶରେ ଶୁଭାଂଶୁ ଶୁକ୍ଳାଙ୍କ ଦ୍ୱାରା କରାଯାଇଥିବା ପରୀକ୍ଷଣ ଭାରତର ଗଗନଯାନ ମିଶନରେ ଉପଯୋଗୀ ହେବ। ନାସା କହିଛି ଯେ ଡ୍ରାଗନ୍ ମହାକାଶଯାନ ୫୮୦ ପାଉଣ୍ଡରୁ ଅଧିକ ସାମଗ୍ରୀ ସହିତ ISS ରୁ ଫେରିବ।

ଏଥିରେ ନାସାର ହାର୍ଡୱେର୍ ଏବଂ ଏହି ମିଶନ ସମୟରେ କରାଯାଇଥିବା ୬୦ ରୁ ଅଧିକ ବୈଜ୍ଞାନିକ ପରୀକ୍ଷଣର ତଥ୍ୟ ଅନ୍ତର୍ଭୁକ୍ତ।