ଶ୍ରେଷ୍ଠ ସହର ତାଲିକାରେ ଭାରତର ଏହି ସହର, ବଡ଼ ବଡ଼ ସହରକୁ ପଛରେ ପକାଇଲା ପିଙ୍କ୍ ସିଟି

ନୂଆଦିଲ୍ଲୀ: ଟ୍ରାଭେଲ୍ ଆଣ୍ଡ୍ ଲିଜର୍ ମ୍ୟାଗାଜିନ୍‌ର ୨୦୨୫ ସର୍ଭେରେ, ବିଶ୍ୱର କିଛି ଦେଶକୁ ବିଭିନ୍ନ ବର୍ଗରେ ପୁରସ୍କାର ଦିଆଯାଇଛି। ଶ୍ରେଷ୍ଠ ହୋଟେଲ୍ ଏବଂ ସ୍ପା, ଦ୍ୱୀପପୁଞ୍ଜ ଏବଂ ଜାତୀୟ ଉଦ୍ୟାନ, ସଫାରି ଏବଂ ଟୁର୍ ଅପରେଟର୍ସ ଏବଂ ପରିବହନ ଇତ୍ୟାଦି ବର୍ଗରେ ବିଜେତା ଘୋଷଣା କରାଯାଇଛି।

ଏହି ବର୍ଗଗୁଡ଼ିକ ମଧ୍ୟରୁଗୋଟିଏ ଥିଲା ବେଷ୍ଟ ସିଟିଜ୍ ତାଲିକା ଯେଉଁଥିରେ ବିଶ୍ୱର ଶ୍ରେଷ୍ଠ ୨୫ ସହରକୁ ଚୟନ କରାଯାଇଥିଲା। ଏହି ତାଲିକାରେ, ଭାରତର ଏକ ସହର ୫ମ ସ୍ଥାନ ପାଇଛି।

ଏହି ସହରକୁ ପିଙ୍କ୍ ସିଟି କୁହାଯାଏ। ରାଜସ୍ଥାନର ଜୟପୁର ସହରକୁ ଟ୍ରାଭେଲ୍ ଆଣ୍ଡ୍ ଲିଜର୍ ସର୍ଭେ ୨୦୨୫ ରେ ପଞ୍ଚମ ଶ୍ରେଷ୍ଠ ସହରର ଆଖ୍ୟା ଦିଆଯାଇଛି।

ଟ୍ରାଭେଲ୍ ଆଣ୍ଡ୍ ଲିଜର୍ ସର୍ଭେ ୨୦୨୫ ର ଶ୍ରେଷ୍ଠ ୨୫ ସହରର ତାଲିକାରେ, ବିଶ୍ୱର ବିଭିନ୍ନ ସହରକୁ ସେମାନଙ୍କ ସଂସ୍କୃତି, ସୌନ୍ଦର୍ଯ୍ୟ, ଆକର୍ଷଣ, ହୋଟେଲ ଏବଂ ବିଶ୍ୱସ୍ତରୀୟ ଆଧାରରେ ଚୟନ କରାଯାଇଛି।

ଜୟପୁର ବ୍ୟତୀତ, ଭାରତର ଆହୁରି ୨ଟି ସହର ଏହି ତାଲିକାରେ ଅନ୍ତର୍ଭୁକ୍ତ। ସହର ଗୁଡ଼ିକ ହେଲା ମୁମ୍ବାଇ, ଆଗ୍ରା।

୧ ସାନ ମିଗୁଏଲ ଡି ଆଲେଣ୍ଡେ, ମେକ୍ସିକୋ
୨ ଚିଆଙ୍ଗ ମାଇ, ଥାଇଲ୍ୟାଣ୍ଡ
୩ ଟୋକିଓ, ଜାପାନ
୪ବ୍ୟାଙ୍କକ୍ ଥାଇଲ୍ୟାଣ୍ଡ
୫ ଜୟପୁର, ଭାରତ
୬ ହୁଇ ଆନ, ଭିଏତନାମ
୭ ମେକ୍ସିକୋ ସିଟି, ମେକ୍ସିକୋ
୮ କ୍ୟୋଟୋ, ଜାପାନ
୯ ଉବୁଦ, ବାଲି
୧୦ କୁସ୍କୋ ପେରୁ
୧୧ ଫ୍ଲୋରେନ୍ସ, ଇଟାଲୀ
୧୨ ସେଭିଲ, ସ୍ପେନ
୧୩ ଗ୍ରେନାଡା, ସ୍ପେନ
୧୪ ଇସ୍ତାଂବୁଲ, ତୁର୍କୀ
୧୫ ସିଏମ ରିପ୍‌, କାମ୍ବୋଡିଆ
୧୬ ମୁମ୍ବାଇ, ଭାରତ
୧୭ କେପ୍ ଟାଉନ୍‌, ଦକ୍ଷିଣ ଆଫ୍ରିକା
୧୮ ରୋମ, ଇଟାଲୀ
୧୯ ସାଣ୍ଟା ଫେ, ନ୍ୟୁ ମେକ୍ସିକୋ
୨୦ ଆଗ୍ରା, ଭାରତ
୨୧ ଓକ୍ସାକା, ମେକ୍ସିକୋ
୨୨ ମେଣ୍ଡୋଜା, ଆର୍ଜେଣ୍ଟିନା
୨୩ ସିଏନା, ଇଟାଲୀ
୨୪ ପୋର୍ଟୋ, ପର୍ତ୍ତୁଗାଲ
୨୫ ମେରିଡା, ମେକ୍ସିକୋ

ରାଜସ୍ଥାନର ଜୟପୁର ସହରକୁ ଏହାର ସୁନ୍ଦର ଭ୍ରମଣ ସ୍ଥାନ, ଶ୍ରେଷ୍ଠ ହୋଟେଲ, ଅନ୍ୟକିଛି ଆକର୍ଷଣୀୟ ସୌନ୍ଧର୍ଯ୍ୟକୁ ଦୃଷ୍ଟିରେ ରଖି ପଞ୍ଚମ ଶ୍ରେଷ୍ଠ ସହରର ଆଖ୍ୟା ଦିଆଯାଇଛି।

ଜୟପୁର ସହରକୁ ୟୁନେସ୍କୋ ଦ୍ୱାରା ବିଶ୍ୱ ଐତିହ୍ୟ ସ୍ଥଳ ମଧ୍ୟ ଘୋଷଣା କରାଯାଇଛି। ପିଙ୍କ୍ ସିଟି ଜୟପୁରର ଅନନ୍ୟ ସ୍ଥାପତ୍ୟ ଏବଂ ଐତିହାସିକ ଗୁରୁତ୍ୱ ଏହାକୁ ଅନ୍ୟ ସହରଠାରୁ ଭିନ୍ନ କରିଥାଏ।

ଯଦି ଆପଣ ଜୟପୁର ଯିବାକୁ ଯୋଜନା କରୁଛନ୍ତି, ତେବେ ଆପଣ ହାୱା ମହଲ, ଆମ୍ବର ପ୍ୟାଲେସ, ସିଟି ପ୍ୟାଲେସ, ଶୀଶ ମହଲ, ଜନ୍ତର ମନ୍ତର, ଜଳ ମହଲ, ନାହରଗଡ଼ ଦୁର୍ଗ, ଜୟଗଡ଼ ଦୁର୍ଗ, ଆଲବର୍ଟ ହଲ୍ ସଂଗ୍ରହାଳୟ, ପତ୍ରିକା ଗେଟ୍ ଏବଂ ବିଶ୍ୱ ବାଣିଜ୍ୟ ପାର୍କ ଇତ୍ୟାଦି ପରିଦର୍ଶନ କରିପାରିବେ।

ଆପଣ କିଣାକିଣି ପାଇଁ ବାପୁ ବଜାର ଯାଇପାରିବେ। ଏଠାରେ ଆପଣ ସୁନ୍ଦର ହସ୍ତଶିଳ୍ପ ପୋଷାକ, ଚୁଡ଼ି, ବ୍ୟାଗ୍‌, ଜୋତା ଏବଂ ମୂର୍ତ୍ତି ଇତ୍ୟାଦି ପାଇପାରିବେ।