ମୋ’ ପୁଅର ଜୀବନ ରକ୍ଷାକର… ଗୁହାରୀ କଲେ ପୂର୍ବତନ ବିଧାୟକ
ଭୁବନେଶ୍ୱର(ଓଡ଼ିଶା ଭାସ୍କର): ପୁଅ ପଡ଼ିଛି ଡାକ୍ତରଖାନା ବେଡ୍ ରେ । ଲଙ୍ଗ୍ସ ସଂକ୍ରମଣ ଜନିତ ସମସ୍ୟା ଯୋଗୁଁ ତାଙ୍କର ଶ୍ୱାସକ୍ରିୟାରେ ଉପୁ୍ଜିଛି ଗଭୀର ସମସ୍ୟା । ଶରୀରକୁ ଆବଶ୍ୟକ ଅମ୍ଳଜାନର ପ୍ରାକୃତିକ ପ୍ରକ୍ରିୟାରେ ଉଠିଛି ବାଧା । ଫଳରେ ତାଙ୍କୁ ଦରକାର କୃତ୍ରିମ ଉପାୟରେ ଉଚ୍ଚତମ ଚିକିତ୍ସା । କିନ୍ତୁ ସେଭଳି ସୁବିଧା ମିଳୁନି କଟକରେ । ତେଣୁ ମୋ ପୁଅର ଜୀବନ ସୁରକ୍ଷିତ କରାଅ ବୋଲି ରାଜ୍ୟ ସରକାର ତଥା ମୁଖ୍ୟମନ୍ତ୍ରୀଙ୍କୁ ନିବେଦନ କରିଛନ୍ତି ପୂର୍ବତନ ବିଧାୟକ ନବୀନ ନନ୍ଦ ।
My son Sambit Nanda admitted in aswini hospital cuttack for lungs infection treatment needed ECMO treatment but not available. Please help him save his life.@Naveen_Odisha @dpradhanbjp @achyuta_samanta @SonuSood @drharshvardhan .@MoHFW_INDIA . pic.twitter.com/dmwEPPtkDx
— Nabin Nanda (@NabinNanda) May 22, 2021
ସୋସିଆଲ୍ ସାଇଟ୍ ଜରିଆରେ ଶ୍ରୀ ନନ୍ଦ ଉପରୋକ୍ତ ମର୍ମରେ ସାହାଯ୍ୟ ପାଇଁ ରାଜ୍ୟ ସରକାରଙ୍କୁ ଗୁହାରୀ କରିଛନ୍ତି । ରୋଗ ଶଯ୍ୟାରେ ପଡ଼ିଥିବା ପୁଅର ଫଟୋ ସେଆର୍ ପୂର୍ବକ ଶ୍ରୀ ନନ୍ଦ ଲେଖିଛନ୍ତି ଯେ ତାଙ୍କ ପୁଅ ସମ୍ବିତ ନନ୍ଦର ଲଙ୍ଗ୍ସ ଇନଫେକ୍ସନ୍ ରହିଛି । ତେବେ ତାଙ୍କୁ ECMO ଚିକିତ୍ସା ବ୍ୟବସ୍ଥା ତୁରନ୍ତ ଦରକାର । କିନ୍ତୁ କଟକରେ ସେଭଳି ସୁବିଧା ମିଳିପାରୁନି । ତେଣୁ ସମ୍ବିତକୁ ଏଭଳି ଯନ୍ତ୍ରଣାରୁ ରକ୍ଷା କରିବାକୁ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କୁ ଟୁଇଟ୍ ଜରିଆରେ ନିବେଦନ କରିଛନ୍ତି ।
ECMO କଣ?
ଏହାର ପୂର୍ଣ୍ଣ ରୂପ ହେଉଛି Extracorporeal membrane oxygenation ବା Extracorporeal life support (ECLS) ଯାହା କି ଏକ ଅତ୍ୟାଧୁନିକ ଚିକିତ୍ସା ପ୍ରଣାଳୀ । ଶ୍ୱାସକ୍ରିୟାରେ ଗମ୍ଭୀର ସମସ୍ୟା ଉପୁଜିଲେ ଏହାର ଆବଶ୍ୟକତା ପଡ଼ିଥାଏ । ହାର୍ଟ ଓ ଲଙ୍ଗ୍ସ ଯେତେବେଳେ ସେମାନଙ୍କ ସ୍ୱାଭାବିକ କାର୍ଯ୍ୟ କରିବାରେ କ୍ଷୀଣ ହୋଇଆସନ୍ତ ସେତେବେଳେ ଇସିଏମଓ ତଥା କୃତ୍ରିମ ଉପାୟରେ ଶ୍ୱାସକ୍ରିୟକୁ ତ୍ୱରାନ୍ୱିତ କରିବା ବ୍ୟବସ୍ଥା କରାଯାଇଥାଏ ।
