କଲେକ୍ଟରଙ୍କ ପରେ ଏସଡିଏମଙ୍କ ଦାଦାଗିରି: ବିଚ୍ ରାସ୍ତାରେ ଯୁବକଙ୍କୁ ଚାପୁଡ଼ା ମାରିବା ସହ କଲେ ଉଠବସ୍, ଦେଖନ୍ତୁ ଭିଡିଓ
ରାୟପୁର: ପ୍ରଥମେ ଆରମ୍ଭ ହେଲା କଲେକ୍ଟରଙ୍କ ଦାଦାଗିରି ଆଉ ଏବେ ଏସଡିଏମଙ୍କ ପାଳି । ଛତିଶଗଡ଼ର ସୁରଜପୁର ଜିଲ୍ଲାର କଲେକ୍ଟର ରଣବୀର ଶର୍ମା ଲକଡାଉନ ସମୟରେ ଜଣେ ଯୁବକଙ୍କୁ ଚାପୁଡ଼ା ମାରିବା ସହ ଫୋନ୍ ଭାଙ୍ଗି ଦେଇଥିଲେ । ଏହି ଭିଡିଓଟି ସୋସାଆଲ ମିଡ଼ିଆରେ ଭାଇରାଲ ହେବା ପରେ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବଘେଲ ଜିଲ୍ଲାପାଳଙ୍କୁ ପଦରୁ ହଟାଇ ଦେଇଥିଲେ । ଅନୁରୂପ ଭାବେ ଏହି ଘଟଣାର କିଛି ସମୟ ପରେ ସୁରଜପୁରର ଏସଡିଏମ ପ୍ରକାଶ ସିଂହ ରାଜପୁତଙ୍କ ଦାଦାଗିରି ସାମନାକୁ ଆସିଛି ।
Like if you agree with this.
RT if you think innocent citizens should also have the right to slap back oppressive officers like SDM Prakash Singh Rajput of Surajpur, Chattisgarh.
pic.twitter.com/mnLOmHlXon— Vivek Ranjan Agnihotri (@vivekagnihotri) May 23, 2021
ତେବେ ଭାଇରାଲ ହୋଇଥିବା ଭିଡିଓରେ ଏସଡିଏମ ଜଣେ ଯୁବକଙ୍କୁ ଥପଡ୍ ମାରିବା ସହ ବସଉଠ୍ କରାଉଛନ୍ତି । ତେବେ ଏହାପରେ ଯୁବକ ଜଣକ ହାତ ଯୋଡ଼ି ଏସଡିଏମଙ୍କୁ କ୍ଷମାପ୍ରାର୍ଥନା କରିଥିଲେ । ଭିଡିଓରେ ଯୁବକ ସେଠାରେ ଉପସ୍ଥିତ ପୋଲିସ କର୍ମଚାରୀଙ୍କ ସହ ସହ କଥାବାର୍ତ୍ତା କରୁଥିବା ଦେଖାଯାଇଥିଲା । କରୋନା ସମୟରେ ସାଧାରଣ ଜନତାଙ୍କ ପ୍ରତି ସିନିୟର ସରକାରୀ କର୍ମଚାରୀଙ୍କ ଏପରି ଅମାନୁଷିକ ବ୍ୟବହାର ବାସ୍ତିବିକ ନିନ୍ଦନୀୟ । କଲେକ୍ଟରଙ୍କ ହରକତ ପାଇଁ ତତକ୍ଷଣାତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ସେହିପରି ଏସଡିଏମଙ୍କ ବିରୋଧରେ କି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ତାହା ଆଗକୁ ଦେଖିବାକୁ ବାକି ରହିଲା ।
